പാഠം ഒന്ന് പ്രണയം മീര ടീച്ചർ [LustRaavan] 27

സിദ്ധാർത്ഥ് അവളെ വിട്ടുമാറിയപ്പോൾ മീര ശ്വാസം കിട്ടാതെ ബെഡിൽ തളർന്നിരുന്നു. അവളുടെ കണ്ണിലെ ഭയത്തിന് പകരം ഇപ്പോൾ ഒരുതരം ശൂന്യതയായിരുന്നു. സിദ്ധാർത്ഥ് ഒന്നും പറയാതെ, ഒരു വാക്കുപോലും ഉരിയാടാതെ മുറിയിൽ നിന്ന് പുറത്തിറങ്ങി. ആ രാത്രിയിലെ തണുത്ത കാറ്റ് അവന്റെ മുഖത്തടിച്ചപ്പോൾ അവൻ വീണ്ടും പഴയ സിദ്ധാർത്ഥായി മാറി. എന്താണ് ചെയ്തതെന്ന് ഓർത്തപ്പോൾ അവന് സ്വന്തം പ്രവർത്തിയിൽ ഭയം തോന്നി. മീരയുടെ ആ മുഖം, അവളുടെ കണ്ണുനീർ… എല്ലാം അവന്റെ മനസ്സിൽ ആവർത്തിച്ചു വന്നുകൊണ്ടിരുന്നു.

അന്ന് രാത്രി മീരയുടെ വീട്ടിൽ ലൈറ്റുകൾ ഒന്നും തെളിഞ്ഞില്ല. ജനാലയ്ക്കൽ പോയി നോക്കാൻ പോലും സിദ്ധാർത്ഥിന് ധൈര്യം വന്നില്ല. അമ്മയോട് എന്തെങ്കിലും പറയുമെന്ന് അവൻ ഭയന്നെങ്കിലും, മീര മിണ്ടാതിരിക്കുകയാണെന്ന് മനസ്സിലായപ്പോൾ ഒരു ചെറിയ ആശ്വാസം തോന്നി.

രണ്ടുദിവസം കടന്നുപോയി. ശനിയാഴ്ചയും ഞായറാഴ്ചയും അവധിയായതുകൊണ്ട് കോളേജിൽ പോകേണ്ടതില്ലായിരുന്നു. ഈ രണ്ട് ദിവസവും സിദ്ധാർത്ഥ് വീടിനുള്ളിൽ തന്നെ ഒതുങ്ങിക്കൂടി. അവന്റെ മനസ്സ് മീരയുടെ ആ മുറിയിൽ തന്നെയായിരുന്നു.

ഞായറാഴ്ച വൈകുന്നേരം അമ്മ അടുക്കളയിൽ നിന്ന് ചായയുമായി വന്നപ്പോൾ ചോദിച്ചു, “എന്താടാ സിദ്ധാർത്ഥാ, കഴിഞ്ഞ രണ്ടു ദിവസമായി മീര ടീച്ചറുടെ അവിടേക്ക് പോകുന്നില്ലല്ലോ? ട്യൂഷൻ ഇല്ലേ?”

സിദ്ധാർത്ഥിന്റെ നെഞ്ചിടിപ്പ് കൂടി. അവൻ അമ്മയെ നോക്കാതെ പറഞ്ഞു, “ടീച്ചർ… ടീച്ചർക്ക് ചെറിയൊരു അത്യാവശ്യമുണ്ട് അമ്മേ, ടീച്ചർ സ്ഥലത്തില്ല. അതുകൊണ്ട് ട്യൂഷൻ കുറച്ചു ദിവസത്തേക്ക് ഉണ്ടാവില്ല.”