പാമ്പും കോണിയും 3 [ശ്രീരാജ്] 1297

ഹരി കള്ള ദേഷ്യം ഭാവിച്ചുകൊണ്ട് പല്ല് കടിച്ചു പറഞ്ഞു : ഇന്ന് പ്രത്യേകിച്ച് പണിയൊന്നും ഇല്ലല്ലോ….. സമയം കിടക്കല്ലേ……

രേവതിയുടെ മുഖം വിടർന്നു…..

ഹരി ചിരിച്ചു കൊണ്ട് കത്തി കയ്യിൽ എടുത്തു ബീറ്റ്റൂട്ട് അരിയൽ തുടർന്നു…..

അടുക്കളയിൽ നിന്ന് കൊണ്ട് ചായ കുടിക്കുന്നതിനിടയിൽ രേവതിയുടെ മുഖത്ത് നോക്കാതെ ആണ് ഹരി ചോദിച്ചത് : അല്ല, എന്താ അവന്റെ പേര് പറഞ്ഞത്?…

ഉപ്പേരിക്ക് അറിഞ്ഞത് ചട്ടിയിൽ ഇടുന്നത് കൊണ്ട് തന്നേ രേവതി ചോദിച്ചു : ആരാടാ……

” ഇന്നലെ, നിന്റെ കൂടെ ഡാൻസ് ചെയ്തു എന്ന് പറഞ്ഞില്ലേ “…. ഹരി പറഞ്ഞു…

രേവതി ഹരിയെ നോക്കാതെ ചട്ടിയിൽ നോക്കി ആണ് പറഞ്ഞത് : കെവിൻ….. സൂപ്പർ ഡാൻസർ ആണ് ട്ടോ ……. ആദ്യം ഞാൻ ബുദ്ധിമുട്ടി എങ്കിലും, പിന്നെ കൂടെ പിടിച്ചു….. ലാസ്റ്റ് എന്നെ കുറേ പുകഴ്ത്തിട്ടോ………………

” മ്മ്മ്മ് “….ഹരി ചെറുതായൊന്നു മൂളി……….

എന്തോ തലയിൽ കത്തിയ രേവതി ഉടനെ ഹരിയെ പെട്ടെന്ന് തല ചെരിച്ചു നോക്കി….

എങ്ങോട്ട് എന്നില്ലാതെ ചിന്തയിൽ ഗ്ലാസും പിടിച്ചു നിൽക്കുന്ന, ഹരിയെ നോക്കി അവൾ ചീറി : ടാ……… തെണ്ടീ…….

ഹരി ഞെട്ടി കൊണ്ട് രേവതിയെ നോക്കി…..

കയ്യിൽ ചട്ടുകവും പിടിച്ചു, തന്നേ കൂർപ്പിച്ചു നോക്കി നിൽക്കുന്ന അവളോട് ഹരി ചോദിച്ചു : എന്താടീ….?….

രേവതി അതേ നിൽപ്പ്, ഹരിയെ കൂർപ്പിച്ചു നോക്കിയുള്ള നിൽപ്പ് തുടർന്നു എന്നല്ലാതെ ഒന്നും മിണ്ടിയില്ല…