പാമ്പും കോണിയും 5 [ശ്രീരാജ്] 71

അവൻ വേഗം മുഖം കുനിച്ചു കൊണ്ട് കണ്ണുകൾ തുടച്ചു…

ചെറു പുഞ്ചിരിയോടെ അവന്റെ മുന്നിൽ നിന്ന് അവന്റെ കവിളിൽ പറ്റിയിരിക്കുന്ന കണ്ണ് നീർ തന്റെ കൈപ്പത്തി കൊണ്ട് തുടച്ച് അവൾ പറഞ്ഞു : നന്ദി ഒന്നും വേണ്ടാ ഹരീ… എനിക്ക് നല്ല കുറ്റബോധം ഉണ്ട്.. ഒരുപക്ഷെ ജീവിതത്തിൽ ആദ്യമായി ആണ് … നേരിട്ട് അല്ലെങ്കിൽ കൂടെ ഈ പ്രശനങ്ങൾക്ക് ഞാൻ കൂടെ കാരണക്കാരി ആണല്ലോ എന്നോർത്ത്…..

ഹരിയും സൈറയും പരസ്പരം മുഖത്തോട് മുഖം നോക്കി…….

സൈറ ഒന്ന് നിർത്തിയ ശേഷം, അൽപം ഗൗരവത്തോടെ തുടർന്നു : പിന്നെ… ഞാൻ മിനിഞ്ഞാന്ന് ആൻസിയെ കണ്ടിരുന്നു. ഉണ്ടായ കാര്യങ്ങൾ എല്ലാം ആൻസിയോട് പറഞ്ഞു. അവളും ഷോക്ക്ഡ് ആണ്… അവൾക്കും ഇതിനെ പറ്റി ഒരു അറിവും ഇല്ല എന്നാണ് എനിക്ക് മനസ്സിലാക്കാൻ പറ്റിയത്….

ഹരി പതിയെ മൂളിയത് അല്ലാതെ ഒന്നും പറഞ്ഞില്ല..

സൈറ കൈകൾ കെട്ടി ഹരിയെ നോക്കി : ഹരീ….മുന്നിൽ ഉള്ളത് രണ്ടു പ്രശ്നങ്ങൾ ആണ്, അതിൽ ഒന്ന് ഒരുവിധം ഞാൻ പറഞ്ഞു ശരിയാക്കിയിട്ടുണ്ട്…… രേവതിക്ക് ആൻസിയെ കാണണം എന്നുള്ളത്…

അതുകേട്ടതും ഹരിയുടെ കണ്ണ് തള്ളി, ശ്വാസം തൊണ്ടയിൽ കുരുങ്ങി…..

ഹരിയുടെ നിൽപ്പും മട്ടും കണ്ട സൈറക്ക് ചിരിയാണ് വന്നത്…

അടക്കി പിടിച്ചു കൊണ്ട് അവൾ പറഞ്ഞു : പേടിക്കണ്ട…. ഞാൻ ഒരു വിധം പറഞ്ഞു മനസ്സിലാക്കിച്ചിട്ടുണ്ട് അവളെ…..

ഹരി നീട്ടി ഒന്ന് ശ്വസിച്ചു വിട്ടു….

സൈറ : ഇനി അടുത്ത പ്രശ്നം, ആര്.?….. എന്തിന്?.. ഈ പണി ഒപ്പിച്ചു എന്നുള്ളതാണ്…..നിന്നോടുള്ള ദേഷ്യം ആണോ അതോ ആൻസിയോട് ഉള്ളതാണോ, അതോ ഇനി എങ്ങാനും രേവതിയോട് ഉള്ള ദേഷ്യം ആണോ..