പെണ്ണിന്റെ നെറ്റിയിൽ പയ്യെ ഉമ്മവെച്ചു . നല്ല ഉറക്കത്തിൽ ആയിരുന്നിട്ടു പോലും പെണ്ണ് ആ സമയത്തൊന്ന് പുഞ്ചിരിച്ച പോലെ എനിക്ക് തോന്നി .
“ചാ..ച്ചാ പോട്ടെടി പൊന്നുസേ…”
ചെറിയ സങ്കടത്തോടെ ഞാൻ ആരോടെന്നില്ലാതെ പറഞ്ഞു. പിന്നെ അവളുടെ കവിളിൽ പയ്യെ തഴുകി . മഞ്ജുസ് അതെല്ലാം നോക്കി എനിക്കടുത്തു ചിരിയോടെ നിൽപ്പുണ്ട് .അതിനു ശേഷം ആദികുട്ടനും ഒരുമ്മ നൽകികൊണ്ട് ഞാൻ പിന്തിരിഞ്ഞു .
“എന്നോട് യാത്ര പറയുന്നില്ലേ ?”
മഞ്ജുസ് പെട്ടെന്ന് എന്നെ നോക്കി പുരികങ്ങൾ ഉയർത്തി .
“ഇല്ല ..”
ഞാൻ ചിരിയോടെ പറഞ്ഞു അവളെ ചേർത്ത് പിടിച്ചു .
“അച്ഛനും അമ്മയും ഒകെ എണീറ്റോ ?”
അവളോടൊപ്പം താഴേക്കിറങ്ങുന്നതിനിടെ ഞാൻ സംശയത്തോടെ തിരക്കി .
“അച്ഛൻ എണീറ്റിട്ടില്ല ..അമ്മച്ചി അടുക്കളയിൽ ഉണ്ട് ..”
മഞ്ജുസ് ഗൗരവത്തിൽ തന്നെ പറഞ്ഞു .
“ഹ്മ്മ്….”
ഞാൻ അതിനു പയ്യെ മൂളി . പിന്നെ താഴേക്ക് ചെന്ന് അമ്മയോട് യാത്ര പറഞ്ഞു .
“അമ്മെ ..ഞാൻ പോവാണേ…”
അടുക്കള വാതില്ക്കല് ചെന്ന് ഉറക്കെ വിളിച്ചു പറഞ്ഞുകൊണ്ട് ഞാൻ പുഞ്ചിരിച്ചു . അമ്മച്ചി അടുപ്പത്തു ചായ തിളപ്പിക്കുന്ന തിരക്കിലാണ് . നേരത്തെ എഴുനേറ്റു കുളിയൊക്കെ കഴിച്ചു അടുക്കളയിൽ കയറുന്നതാണ് അമ്മയുടെ രീതി . നമ്മുടെ പൊണ്ടാട്ടി പിന്നെ അത്രക്കൊന്നും പഴഞ്ചൻ അല്ലാത്തതുകൊണ്ട് കുളി അലർജി ആണ് .
“നിൽക്കെടാ..ചായ കുടിച്ചിട്ട് പോകാം..”
അമ്മ എന്നെ നോക്കി ഒരുപദേശം പോലെ പറഞ്ഞു .
“വേണ്ടമ്മേ ..ചായ കുടിച്ചാൽ എനിക്ക് കക്കൂസിൽ പോകാൻ തോന്നും ..പ്രെശ്നം ആണ് ”
ഞാൻ അതിനു ചിരിയോടെ മറുപടി നൽകി .
“ഹോ..നിന്റെ ഒരു കാര്യം ..”
എന്റെ മറുപടി കേട്ട് അമ്മച്ചി ചിരിച്ചു . എല്ലാം കണ്ടും കേട്ടും മഞ്ജുസ് എന്റെ അടുത്ത് ഒട്ടിനിൽപ്പുണ്ട് .
“അച്ഛനോട് ഒന്ന് പറഞ്ഞേക്കെടാ …ആള് എണീറ്റിട്ടില്ല ”
അമ്മ അടുപ്പിൽ ശ്രദ്ധിച്ചുകൊണ്ട് തന്നെ എന്നോടായി പറഞ്ഞു .
“ആഹ്..”
❤
Sagar അടുത്ത ഭാഗം എന്ന് വരും
Past ഉം Present ഉം കോർത്തിണക്കിയുള്ള ശൈലി ഗംഭീരം ആയിട്ടുണ്ട് .
വെറുതെ linear ആയി പറഞ്ഞ് പോകുന്നതിലും നല്ലതാണ് ഇത് .