കേരളത്തിലെ ഒരു നഗരത്തിലെ ഒരു പ്രമുഖ റസിഡൻഷ്യൽ കോളനിയിൽ ആണ് അലക്സ് താമസിച്ചിരുന്നത്. അലക്സ് വയസ്സ് 25, എൻജിനീയറിങ് കഴിഞ്ഞു പി ജിയും കഴിഞ്ഞ് ഏതു ജോലി സ്വീകരിക്കണമെന്ന് അറിയാതെ നടന്നുകൊണ്ടിരിക്കുന്ന കാലം. അപ്പോഴാണ് റസിഡൻസ് അസോസിയേഷൻ എല്ലാവരുംകൂടി ഒരു ടൂർ പ്രോഗ്രാം പ്ലാൻ ചെയ്തത്. ഗോവയിലേക്ക്... അലക്സിന് പോവാൻ തീരെ ഇൻട്രസ്റ്റ് ഉണ്ടായിരുന്നില്ല. പക്ഷേ എന്തുചെയ്യാം അവന്റെ അമ്മയും അപ്പനും അമേരിക്കയിൽ അവന്റെ ചേട്ടന്റെ അടുത്ത് പോയിരിക്കുകയായിരുന്നു. പേരു കൊടുത്ത സ്ഥിതിക്ക് എന്തായാലും ഒഴിഞ്ഞുമാറാൻ പറ്റില്ല. കുടുംബത്തിൽ നിന്നും ഒരാളെങ്കിലും പോയേ പറ്റൂ. അതു റസിഡൻസ് അസോസിയേഷൻ നിബന്ധനയാണ്. മാത്രമല്ല എല്ലാവർക്കും വേണ്ടി കാശും കൊടുത്തു സീറ്റും ബുക്ക് ചെയ്തതാണ്. അലക്സിനു പോകേണ്ടിവന്നു. ഒരു വോൾവോ എസി ബസ്സിലാണ് പോയത്. അലക്സിനു പ്രത്യേകിച്ച് രസം ഒന്നും തോന്നിയില്ല. അവന്റെ സമപ്രായക്കാർ ആരുമില്ല. വല്ല പെൺപിള്ളേരും ഉണ്ടെങ്കിൽ ഒരു നയനസുഖം എങ്കിലും ഉണ്ടായിരുന്നു... ഇതിപ്പോൾ പ്രായമായ അമ്മായിമാരും അമ്മാവന്മാരും... ഒരു 35 വയസ്സിനു മുകളിൽ പ്രായമുള്ളവരെ ഉള്ളൂ... പോകുന്ന വഴിയിൽ ഇടക്ക് ഒരാൾക്ക് ഒരു ആഗ്രഹം. കൂസല്ലി വെള്ളച്ചാട്ടം ഒന്നു കാണണം. ആശയം ഗോപിനാഥൻ അങ്കിളിന്റെ ആണ്. പണ്ട് സുഹൃത്തുക്കളോടൊപ്പം ഗോവയ്ക്ക് ടൂർ പോയപ്പോൾ അയാൾ ഇവിടെ വന്നിട്ടുണ്ട് പോലും. നല്ല ആമ്പിയൻസ് ആണത്രേ. കിളവൻ മാർക്ക് വെള്ളം അടിക്കാൻ ഉള്ള ഓരോരോ ചാൻസുകൾ... എന്തെങ്കിലും ആയിക്കോട്ടെ അങ്ങനെ വണ്ടി ഈ പറഞ്ഞ വെള്ളച്ചാട്ടത്തിനു അടുത്തേക്ക് പോയി. സോറി വണ്ടി അതിനടുത്തേക്ക് എത്തില്ല കേട്ടോ.. കാട്ടിൽ