Chapter Title : രേവതി-കൂട്ടുകാരന്റെ ചേച്ചി [GhostRiter]

സ്വന്തമായി എഴുന്നേൽക്കാൻ അറിയാം കേട്ടോ.

നിന്റെ ആ വക നഴ്സിങ് പണി വേറെ ആരുടെയെങ്കിലും അടുത്ത് എടുത്താൽ മതി.” വേദന കടിച്ചമർത്തി അവൾ അവനെ വെല്ലുവിളിയോടെ നോക്കുമ്പോൾ, ആദിത്യൻ കൂടുതൽ അടുത്ത് വന്ന് ഒരു പുഞ്ചിരിയോടെ സോഫയുടെ കൈപ്പിടിയിൽ ഇരുന്നു — “അതൊക്കെ ശരി, പക്ഷെ രാഹുൽ വരുന്നതു വരെ ഈ

വീട്ടിലെ കാര്യസ്ഥൻ ഞാൻ ആണെന്ന് ഓർക്കുന്നത് നല്ലതാ.”

അവൾ പുരികം ഉയർത്തി അവനെ അടിമുടി ഒന്ന് നോക്കി. “ആഹാ, കാര്യസ്ഥൻ പോലും! അന്ന് അമ്മ മുളക് ഉണങ്ങാൻ വെച്ച് കാക്കയെ നോക്കാൻ ഏല്പിച്ചതും ദിവാസ്വപ്നം കണ്ട് മുളക് മൊത്തം കാക്ക കൊണ്ട് പോയ കാര്യസ്ഥൻ പണിയൊക്കെ എനിക്ക് നന്നായി ഓർമ്മയുണ്ട് കേട്ടോ.”അവൾ അവരുടെ ചെറുപ്പത്തിലെ ഏതോ കഥ എടുത്തു ഇട്ടു.

ആദിത്യൻ ഒട്ടും വിട്ടുകൊടുക്കാതെ ചിരിച്ചുകൊണ്ട് തലയാട്ടി. “അതൊക്കെ പഴയ കഥയല്ലേ ചേച്ചീ, മുളക് പോലെ ആണോ ഇപ്പൊ നോക്കണ്ട സാധനത്തിന്റെ വില എനിക്ക് നല്ലപോലെ അറിയാം, അതുകൊണ്ട് കുഴപ്പമില്ല.”

അവൾ കണ്ണിറുക്കി ഒന്ന് ചിരിച്ചു.

അങ്ങനെ അവർ ഓരോ കാര്യങ്ങളും സംസാരിച്ചും കളിച്ചും സമയം പോയത് അറിഞ്ഞില്ല. ഏകദേശം ഉച്ച കഴിഞ്ഞു.

രേവതിക്ക് ചെറുതായി വിശന്നു തുടങ്ങി. സോഫയിലെ കുഷ്യൻ ശരിപ്പെടുത്തിക്കൊണ്ട് അവൾ ചോദിച്ചു — “ശരി, കാര്യസ്ഥൻ സാർ, ഈ പേഷ്യന്റിന്റെ വിശപ്പും കൂടി ഒന്ന് അന്വേഷിക്കുന്നത് നന്നായിരിക്കും.

അമ്മ പോകുന്നതിന് മുൻപ് അടുക്കളയിൽ എന്തൊക്കെയോ ഉണ്ടാക്കി വെച്ചിട്ടുണ്ട് എന്ന് പറഞ്ഞിരുന്നു.”

ആദിത്യൻ എഴുന്നേറ്റു നിന്ന് മീശ പിരിക്കുന്ന മട്ടിൽ ഒന്ന് തൊട്ടുകൊണ്ട് പറഞ്ഞു — “അതിന് മുതലാളി തന്ന ഉത്തരവ്