Chapter Title : ആദിത്യഹൃദയം 6 [അഖിൽ]

സാധ്യതയില്ലാ.. " അത് കേട്ടതോട്കൂടി എല്ലാവർക്കും ചെറിയ വിഷമമായി… കുറച്ചു നേരത്തേക്ക് നിശബ്ദത… പെട്ടന്ന് വിഷ്ണു…. "ഇത് കാടാണ്… ഇവിടെ ഇങ്ങനെയാണ്… ഇനിയും വൈകിയാൽ നമ്മൾക്കും ഇതേ അവസ്ഥ തന്നെയാവും…. എത്രയും വേഗം ആമിയെ കണ്ടുപിടിക്കണം… ഇപ്പോൾ നമ്മൾ എവിടെയാണ് എന്ന്പോലും നമുക്ക് അറിയില്ല…. ദിശയെല്ലാം മാറിയിരിക്കുന്നു… നമ്മുക്ക് എത്രയും വേഗം എസ്റ്റേറ്റിൻ്റെ പിന്നിലുള്ള വെള്ളച്ചാട്ടത്തിൻ്റെ ശ്രോദസായ നദിയുടെ അടുത്ത് എത്തണം… എൻ്റെ ഊഹം ശരിയാന്നെങ്കിൽ അവർ അവിടേക്ക് എത്തുവാൻ സാധ്യതയുണ്ട്…" ഇത് കേട്ട കാർലോസ്… "നമ്മൾ ഒരു നദി വരുമ്പോൾ മുറിച്ചു കടന്നില്ലേ… ആ നദിയിലെ വെള്ളമാണ് അവിടെ വെള്ളചാട്ടമായി ഒഴുക്കുന്നത്… " പെട്ടന്ന് അഭി… "അങ്ങനെയെങ്കിൽ നമ്മുക്ക് വേഗം തന്നെ അവിടേക്ക് എത്തണം… " അത് പറഞ്ഞു തീർന്നതും അവർ വേഗം തന്നെ നദി ലക്ഷ്യമാക്കി നടന്നു നീങ്ങി… എന്നാൽ അവർ നടുന്നു പോയത് നദി തീരത്തേക്കല്ല… മറിച്ച് ആമിയും ആദിയുമുള്ള ദിശയിലേക്കായിരുന്നു…. *********************************** അവിനാഷും പഴനിയും കൂട്ടാളികളും കൂടെ ആദിയെ അന്വേഷിച്ചു കാട്ടിലൂടെ നടന്നു നീങ്ങി…. അവർ ആദ്യം പോയത് എറുമാടത്തിലേക്കായിരുന്നു…. അവിടെ എത്തിയതും എല്ലാവരും കൈയിൽ ടോർച്ചിൻ്റെ വെളിച്ചത്തിൽ ചുറ്റും നോക്കി… ആനയുടെ ആക്രമണത്തിൽ എറുമാടം മുഴുവനും തകർന്നിരുന്നു…. അവിടെയെല്ലാം നല്ലപോലെ നിരീക്ഷിച്ചത്തിനു ശേഷം അവിനാഷ് പഴനിയോട്… "പഴനി..,,,

ആദി എവിടേക്ക് ഓടിയെന്നാ… നി പറഞ്ഞത്…???.. "പഴനി ഉൾകാട്ടിലേക്ക് ചൂണ്ടി കാണിച്ചുകൊണ്ട് "സർ… ആദി സർ… ഉൾകാട്ടിലേക്കാണ് ഓടിയത്…. ഞാൻ ആനയെ കണ്ടിട്ട് ഓടിമ്പോൾ തിരിഞ്ഞു നോക്കിയപ്പോൾ കണ്ടതാ… " "എന്നാ വാ…. വേഗം പോയി നോക്കാം…. അവൻ വഴി അറിയാതെ അവിടെ അവിടെയെങ്കിലും ഉണ്ടാവും… " അത് പറഞ്ഞു തീർന്നതും അവർ ഉൾകാട്ടിലേക്ക് നടന്നു നീങ്ങി… കുറച്ചു ദൂരം കൂടെ നടന്നതിനു ശേഷം അവർ താടകാ വനത്തിലെ പൊട്ടി പൊളിഞ്ഞ ആ വീരഭദ്ര ക്ഷേത്രത്തിൻ്റെ അടുത്തേക്ക് എത്തി… അവിടെയും അവർ ചുറ്റും നോക്കി…. ഒന്നും തന്നെ കണ്ടുപിടിക്കാനായില്ല…. പെട്ടന്നാണ് ക്ഷേത്രത്തിൻ്റെ മുൻപിലുള്ള ബലിക്കല്ല് പഴനിയുടെ കണ്ണിൽ പെട്ടത്…. പഴനി പതിയെ അവിടേക്ക് നടന്നു… ടോർച്ചിന്റെ വെളിച്ചത്തിൽ നോക്കിയതും ബലിക്കല്ലിൽ രക്തത്തിൻ്റെ പാട്….