Chapter Title : ആദിത്യഹൃദയം 6 [അഖിൽ]

ആദി പതിയെ ആമിയിൽ നിന്നും അകന്നു മാറി ആദിയുടെ ചുറ്റും നിൽക്കുന്നവരുടെ മദ്യഭാഗത്തിൽ ചെന്നുനിന്നു…. എന്നിട്ട് തന്റെ കൈയിലുള്ള വാളിൽ ബലമായി പിടിമുറുക്കി എന്തിനും തയ്യാറെന്ന പോലെ അവരെ മാത്രം നോക്കികൊണ്ട് നിന്നു… ആദിയുടെ മുന്നിലേക്ക് അവരും കയറി നിന്നു….

പെട്ടന്ന് തന്നെ ആ രണ്ടുപേരിലെ ഒരാൾ ആദിയുടെ നേരെ ഓടി അടുത്തു അവൻ അവന്റെ ഇടത്തെ കൈയിലുള്ള വാൾ കൊണ്ട് ആദിയുടെ തല ലക്ഷ്യമാക്കി വീശി ആദി തന്ത്രപൂർവം അതിൽ നിന്നും ഒഴിഞ്ഞു മാറി എന്നിട്ട് പിന്നിൽ നിൽക്കുന്നവനെ ആഞ്ഞു ചവിട്ടി അയാൾ ആദിയുടെ ചവിട്ടിൽ നിന്നും ഒഴിഞ്ഞു മാറി… ആദി വീണ്ടും അവർക്ക് നേരെ തിരിഞ്ഞു അവർ ആദിയെ കൊല്ലാനുള്ള ദേഷ്യത്തോടെ ആദിയുടെ നേരെ പാഞ്ഞടുത്തു…..അവർ അതി വേഗത്തിൽ തന്നെ അവരുടെ കൈയിലുള്ള വാളുകൊണ്ട് ആദിയുടെ നേരെ വീശിക്കൊണ്ടിരുന്നു… ആദിയാണെങ്കിൽ അതെല്ലാം ഒഴിഞ്ഞു മാറിയും തടഞ്ഞു പ്രതിരോധം തീർത്തുകൊണ്ട് അവരോടൊപ്പം പിടിച്ച് നിന്നു…. സമയം പോകും തോറും ആദിക്ക് അവരുടെ വേഗതക്ക് മുൻപിൽ ഒന്നും ചെയ്യുവാൻ സാധിക്കുന്നില്ല…. ആദ്യം ആദിയെ ആക്രമിക്കുവാൻ ശ്രമിച്ചവൻ ശക്ത്തിൽ ആദിയുടെ നെഞ്ചിനു നേരെ വാൾ വീശി ആദി തന്റെ കൈയിലുള്ള വാളുകൊണ്ട് തടഞ്ഞതും അയാളുടെ വീശലിന്റെ ശക്തിയിൽ ആദിയുടെ കൈയിൽ നിന്നും വാൾ തെറിച്ചു വീണു…. ആദി നിരായുധനായതും അവർ ആദിയുടെ നേരെ വേഗത്തിൽ പാഞ്ഞടുത്തു…. ആദി വേഗം തന്നെ തിരിഞ്ഞു ആമിയെ നോക്കി അവൾ ഇതെല്ലാം കണ്ട് കരഞ്ഞുകൊണ്ടിരിക്കുന്നു…. ആദി തനിക്ക് നേരെ വരുന്നവരെയും നോക്കി പെട്ടന്ന് തന്നെ ആദി മുന്നിൽ വന്നവന്റെ കഴുത്ത് നോക്കി ആഞ്ഞിടിച്ചു