Chapter Title : ആദിയേട്ടന്റെ സ്വന്തം ശ്രീക്കുട്ടി 1 [സമി]

ഓർത്തെടുത്തു…..

നാട്ടിൽ നിന്നും ഇത്രയും അകലെ യാതൊരു പരിചയവും ഇല്ലാതെ ഈ സ്ഥലത്തു എത്തിപെടുമ്പോൾ ഉണ്ടാകുന്ന പ്രശ്നങ്ങളെ കുറിച്ചോർത്ത് എത്രയോ ടെൻഷൻ അടിച്ചിരുന്നു… എന്നാൽ ഇപ്പോൾ അങ്ങിനെ ഒരു ഫീൽ പോലും ഇല്ല…. ഫീൽ ഇല്ലെന്ന് അല്ല എന്റെ ശ്രീക്കുട്ടി അങ്ങിനെ തോന്നുവാൻ സമ്മതിച്ചിട്ടില്ല എന്ന് വേണം പറയാൻ…

ഇത്ര വേഗത്തിൽ താൻ ഒരു പ്രണയത്തിലേക്ക് വഴുതി വീഴുമെന്ന് ഒരിക്കലും പ്രതീക്ഷിച്ചിട്ടില്ല.  എത്രയോ പെൺകുട്ടികൾ എന്നോട് ഇഷ്ടമാണെന്ന് പറഞ്ഞിരിക്കുന്നു അവരോട് ആരോടും തോന്നാത്ത ഒരു സ്പാര്ക് ശ്രീകുട്ടിയെ കണ്ട മാത്രയിൽ എനിക്ക് തോന്നിയത് ഇതിനായിന്നുവോ….

അവളുടെ ഉണ്ടക്കണ്ണുകൾ കൊണ്ടുള്ള നോട്ടം കിട്ടിയ മാത്രയിൽ താൻ അവളിലേക്ക് മയങ്ങി വീണിരുന്നു. അവളുടെ വാതോരാതെയുള്ള സംസാരവും, എന്നോടുള്ള സ്നേഹവുമെല്ലാം അവളിലേക്ക് എന്നെ ഒരുപാട് ചേർത്ത് നിർത്തുകയാണ്…

ശ്രീകുട്ടിയെ ഓർത്തു അങ്ങിനെ പുതപ്പിനുള്ളിൽ കിടക്കുമ്പോളാണ് കാളിങ് ബെൽ ശബ്‌ദിച്ചത്…

ശ്രീകുട്ടിയെ കാണുവാനുള്ള തിടുക്കത്തിൽ ഞാൻ ചാടി എഴുന്നേറ്റു പോയി ഡോർ തുറന്നു.

എണീറ്റില്ലേ ഏട്ടാ…. അകത്തേക്ക് കയറി കൊണ്ട് അവൾ ചോദിച്ചു…

ഈ തണുപ്പിലും കുളിച്ചു ഒരുങ്ങി നിൽക്കുന്ന ശ്രീകുട്ടയെ തന്നെ ഇമവെട്ടാതെ നോക്കി നിൽക്കുകയാണ് ഞാൻ

എന്താ ഏട്ടാ ഇങ്ങനെ നോക്കുന്നത് ? അവൾ ഡ്രെസ്സിന് മുകളിലൂടെ ഇട്ടിരിക്കുന്ന കോട്ടൺ ജാക്കറ്റ് അഴിച്ചു കൊണ്ട് ചോദിച്ചു

ഒരു മഞ്ഞയും പച്ചയും നിറമുള്ള സ്ലീവ് ലെസ്സ്  കുർത്തിയാണ് അവളുടെ വേഷം, ചെറുതായി ചുരുണ്ട നീണ്ട മുടിയിൽ നിന്നും  കുളിച്ചു കഴിഞ്ഞതിന്റെ നനവ് മാറിയിട്ടില്ല. തണുപ്പിൽ നിന്നും കയറി വന്നത് കൊണ്ടാണെന്ന് തോനുന്നു അവളുടെ  നേർത്ത ചെഞ്ചുണ്ടുകൾ ചെറുതായി വിറയ്ക്കുന്നത് ഞാൻ കണ്ടു.