Chapter Title : ഒരു സ്വപ്നത്തിന്റെ നിഴൽ [മനോഹരൻ മംഗളോദയം]

കൈകളിൽ ഇപ്പോഴും ചങ്ങലകളുണ്ടായിരുന്നു. പക്ഷേ അവന്റെ ആ കറുത്ത ആജാനബാഹുവായ ശരീരത്തിലോ മുഖത്തോ ഒട്ടും ഭയമുണ്ടായിരുന്നില്ല. അവന്റെ ആ വന്യമായ നോട്ടം അഞ്ജലിയെ ഉള്ളിൽ വല്ലാതെ അസ്വസ്ഥയാക്കി. സഭയിലെ ഒരാൾ ഉറക്കെ വിളിച്ചുപറഞ്ഞു:

"ശിക്ഷിക്കണം ഇവനെ!"

മറ്റൊരാൾ എഴുന്നേറ്റു നിന്നു:

"അവൻ കടുത്ത ശിക്ഷയ്ക്ക് അർഹനാണ്!"

പല ശബ്ദങ്ങളും അന്തരീക്ഷത്തിൽ ഉയർന്നു. പക്ഷേ ജോൺ ഒന്നും മിണ്ടിയില്ല. അവൻ നിശബ്ദനായി ഉറച്ചുനിന്നു. അഞ്ജലിക്ക് അറിയാതെ അവന്റെ ആ നഗ്നമായ മസിലുകളിലേക്ക് വീണ്ടും വീണ്ടും നോക്കേണ്ടി വന്നു. എന്തുകൊണ്ടോ അവന്റെ ഭാഗം പിടിക്കണമെന്നും അവനെ സംരക്ഷിക്കണമെന്നുമുള്ള ഒരു വിചിത്രമായ തോന്നൽ അവളുടെ ഉള്ളിൽ ഉയർന്നു വന്നു. അത് എന്തുകൊണ്ടാണെന്ന് അവൾക്ക് തന്നെ മനസ്സിലായില്ല. അപ്പോഴാണ് രാജേഷ് തന്റെ ഇരിപ്പിടത്തിൽ നിന്നും എഴുന്നേറ്റത്. സഭ പെട്ടെന്ന് നിശബ്ദമായി. രാജേഷ് അഞ്ജലിയെ നോക്കി ഗാംഭീര്യത്തോടെ പറഞ്ഞു:

"രാജ്ഞീ... തീരുമാനം നിന്റേതാണ്."

അഞ്ജലി ആശയക്കുഴപ്പത്തോടെ അവനെ നോക്കി:

"എന്റെയോ...?"

"അതെ,"

രാജേഷ് ശാന്തമായി പറഞ്ഞു.

"ഈ തടവുകാരനെ എന്ത് ചെയ്യണമെന്ന് തീരുമാനിക്കേണ്ടത് നീ മാത്രമാണ്."

സഭ മുഴുവൻ അവളുടെ ചുണ്ടുകളിലേക്ക് നോക്കി. അഞ്ജലിയുടെ ഹൃദയം ഭ്രാന്തമായ വേഗതയിൽ മിടിക്കാൻ തുടങ്ങി. എല്ലാവരും അവളുടെ ഒരു ഉത്തരത്തിനായി കാത്തുനിന്നു. രാജേഷ് വീണ്ടും തുടർന്നു:

"നിനക്ക് വേണമെങ്കിൽ ഇവനെ ഇരുണ്ട തടവറയിലേക്ക് അയക്കാം... അല്ലെങ്കിൽ ഈ രാജ്യത്തുനിന്നും നാടുകടത്താം... അതുമല്ലെങ്കിൽ ഇവന്റെ ചങ്ങലകൾ അഴിച്ച് പൂർണ്ണമായി വിട്ടയക്കാം..."

ജോൺ അപ്പോഴും മിണ്ടാതെ അവളെത്തന്നെ നോക്കി നിൽക്കുകയായിരുന്നു. രാജേഷ് ഒരു നിമിഷം നിർത്തി. പിന്നെ ചുണ്ടിൽ വശ്യമായ ഒരു ചെറുചിരിയോടെ പറഞ്ഞു:

"അല്ലെങ്കിൽ... നിന്റെ ഇഷ്ടപ്രകാരം ഇവനെ