Chapter Title : ആനി ടീച്ചർ 4 [Amal Srk]

പറഞ്ഞതാ എക്സാം പാസ് ആവാതെ നിനക്ക് മൊബൈൽ തിരികെ കൊടുക്കണ്ടായെന്ന്. "

" ആനി ടീച്ചർ അങ്ങനെ പറഞ്ഞോ ? "

വിധു ആശ്ചര്യത്തോടെ ചോദിച്ചു.

" പറഞ്ഞു.. "

" എന്നാ ശരി… "

പിന്നീട് കൂടുതൽ ഒന്നും സംസാരിക്കാൻ നിൽക്കാതെ തിരികെ മുറിയിലേക്ക് ചെന്നു.

പതിവുപോലെ രാവിലെ സ്കൂളിലേക്ക് പോവുകയാണ് ആനി ടീച്ചറും, സോഫി ടീച്ചറും.

" ആനി ടീച്ചർ ഇന്ന് നല്ല സന്തോഷത്തിലാണല്ലോ..? എന്താ കാര്യം ? "

സോഫി ടീച്ചർ ചോദിച്ചു.

" അത് ടീച്ചർക്ക് വെറുതെ തോന്നുന്നതാ..."

ആനി പുഞ്ചിരിച്ചുകൊണ്ട് മറുപടി നൽകി.

" എന്നാലും അതല്ല.. മുഖത്ത് നല്ല തെളിച്ചമുണ്ട്. "

" ഒന്നുമില്ല ടീച്ചറെ ടീച്ചർക്ക് വെറുതെ തോന്നുന്നതാ… "

ആനി കള്ളം പറഞ്ഞ് ഒഴിവാക്കി.

" എന്തേലും ആകട്ടെ.. എന്റെ ജീവിതത്തിലെ സന്തോഷമെല്ലാം പോയി. "

സോഫി നിരാശയോടെ പറഞ്ഞു.

" അതെന്താ ടീച്ചറെ അങ്ങനെ പറയുന്നേ? "

ആനി സംശയത്തോടെ ചോദിച്ചു.

" എന്റെ ഭർത്താവ് ഇക്കൊല്ലവും നാട്ടിലേക്ക് വരുന്നില്ലെന്ന് പറഞ്ഞു. കിട്ടിയ ലീവ് ക്യാൻസൽ ചെയ്തു. "

" അതെന്താ ? "

" കാശിനോടുള്ള ആർത്തി അത് തന്നെ കാരണം.. "

സോഫി ദേഷ്യത്തോടെ പറഞ്ഞു.

" ചേച്ചി സമാധാനിക്ക്. അടുത്തകൊല്ലം ചേട്ടായി വരുമല്ലോ…"

ആനി അവരെ സമാധാനിപ്പിച്ചു.

" ആനി നിന്നോട് എനിക്ക് സ്നേഹം ഉള്ളതുകൊണ്ട് പറയുകയ.. വിദേശത്ത് ജോലിയുള്ള ആൾടെ ആലോചന വന്നാൽ ഒരിക്കലും കെട്ടരുത്. അല്ലേ എന്റെ അവസ്ഥയാവും. "

സോഫി അവളെ ഉപദേശിച്ചു.

" അതോർത്ത്