Chapter Title : ആനി ടീച്ചർ 2 [Amal Srk]

പോലീസ് സ്റ്റേഷനിലേക്ക് വിടട്ടെ… "

യാത്രക്കാർ ഡ്രൈവറോട് വിളിച്ചു പറഞ്ഞു.

അതും കൂടി കേട്ടപ്പോൾ വിധുവിന്റെ പാതി ബോധം പോയി. ആനി ടീച്ചർ കോപം കൊണ്ട് കത്തി ജ്വലിക്കുന്ന കണ്ണുകളോടെ വിധുവിനെ നോക്കി. അത് കണ്ട് അവൻ വല്ലാതെ ഭയപ്പെട്ടു. പേടിച്ചു കൊണ്ട് അവൻ പതിയെ പിന്നിലേക്ക് നീങ്ങി.

വണ്ടി പോലീസ് സ്റ്റേഷനിൽ ചെന്നപ്പോൾ മുതൽ വിധു ആനിയുടെ മുൻപിൽ ചെന്ന് ചാടാതിരിക്കാൻ പ്രത്യേകം ശ്രദ്ധിച്ചു. സ്റ്റേറ്റ്മെന്റ് കൊടുക്കുമ്പോൾ ഏമാൻമാർക്ക് തന്നെ കാട്ടി കൊടുക്കുമോയെന്ന് വിധു ആശങ്കപ്പെട്ടു. ഭാഗ്യത്തിന് അതുണ്ടായില്ല. പ്രതിയെ അറസ്റ്റ് ചെയ്ത് സാക്ഷികളുടെ മൊഴിയുമെടുത്ത് കുറേ നേരം വൈകിയാണ് ബസ്സ് പുറപ്പെട്ടത്.

ബസ്സ് ടൗണിലെത്തിയപ്പോഴ് ആനി ടീച്ചറെ കണ്ട് സോറി പറയണമെന്ന് അവന് തോന്നി. പക്ഷെ അതിനുള്ള ധൈര്യം ഉണ്ടായിരുന്നില്ല. ആനി ടീച്ചർ അവനെ കണ്ട ഭാവം നടിക്കാതെ എവിടേക്കോ നടന്നകന്നു.

തൽക്കാലത്തേക്ക് മനസ്സിലുള്ള ആശങ്കകളൊകെ മായ്ച്ചു കളഞ്ഞ് അച്ഛന്റെ സുഹൃത്തിന്റെ വീട്ടിലേക്ക് അവൻ യാത്രയായി.

വൈകുന്നേരം 3 മണിയായപ്പോഴാണ് വിധു തിരികെ വീട്ടിൽ എത്തിയത്. വനജ വന്ന പാടെ വിധുവിന്റെ കൈയിൽ നിന്നും അച്ഛൻ കൊടുത്തയച്ച സാധനം വാങ്ങിച്ചു.

തുറന്നു നോക്കിയപ്പോൾ കുറച്ചു മിട്ടായിയും, ടോർച്ചും, ചില ആവിശ്യ സാധനങ്ങളും,കൂടാതെ അമ്മയ്ക്ക് മിനുങ്ങാൻ ആവിശ്യമായ മേക്കപ്പ് സെറ്റുകളുമാണ്.

വിധുവിന്റെ മുഖത്ത് നല്ല നിരാശയാണ്.

" എന്താടാ നിന്റെ മുഖം കടന്നൽ കുത്തിയ പോലെ ? "

അമ്മ ചോദിച്ചു.

അവൻ ഒന്നും മിണ്ടാതെ തന്റെ മുറിയിലേക്ക് ചെന്നു. രാത്രി ട്യൂഷന് പോക്കേണ്ടത് ഓർത്തുള്ള ടെൻഷനാണ്. ടീച്ചറുടെ പ്രതികരണം എങ്ങനെയായിരിക്കുമെന്ന് പ്രവചിക്കാനാകില്ല. ബസ്സില് വച്ചു നടന്ന കാര്യം ടീച്ചർ അമ്മയോട് പറയുമോ ? അവൻ വേവലാതിപ്പെട്ടു.

പതിവിലും കുറച്ച് വൈകി പേടിയോടെയാണ് വിധു ട്യൂഷന് ചെന്നത്. അകത്തും,പുറത്തും ലൈറ്റ് കാണുന്നുണ്ടെങ്കിലും വീടിന്റെ മുൻവശത്തെ വാതിൽ ലോക്കാണ്. ഇത് പതിവില്ലാത്തതാണ്. കോളിങ്ങ് ബെൽ അടിച്ചു. ശബ്ദം കേട്ട് ആനി ടീച്ചറാണ് വാതിൽ തുറന്നത്. ടീച്ചറുടെ ദേഷ്യത്തോടുള്ള നോട്ടം അവന്റെ ഭയം വർധിപ്പിച്ചു.

ആനി ഒന്നും മിണ്ടാതെ വാതില് തുറന്ന് അകത്തേയ്ക്ക് ചെന്നു. ആനിയുടെ പെരുമാറ്റം കണ്ട് അവന്റെ