Chapter Title : ആന്റണിയുടെ വെളിപാടുകൾ [Poker Haji]

പിള്ളേരെ സപ്പോർട്ട് ചെയ്യുകയും ചെയ്യും.രണ്ടു പേരും വീട് മുഴുവൻ അരിച്ച് പെറുക്കും അങ്കിള് എന്തെങ്കിലും എവിടെങ്കിലും ഒളിപ്പിച്ച് വെച്ചിട്ടുണ്ടോ എന്നറിയാൻ .

എന്തെങ്കിലും കിട്ടിയാലത് ഉടനെ ജെസ്സിയുടെയോ അളിയന്റെയോ കയ്യിൽ കൊണ്ടു കൊടുക്കും .അവരത് അവരുടെ ബാഗിൽ കേറ്റി അടുത്ത ദിവസം നാട് കടത്തും .എന്തായാലും പിള്ളേര് രണ്ടും ഇല്ലാത്തത് കൊണ്ട് കൂടുതൽ തപ്പൽ ഉണ്ടാവില്ലെന്ന് ആന്റണിക്ക് തോന്നി.ഇനി അഥവാ ഉണ്ടെങ്കിൽ തന്നെ ജെസ്സി ആയിരിക്കും തപ്പുന്നത് ..ഇന്നിപ്പോ ടീവി ഉള്ളത് കൊണ്ട് രണ്ടും അതിലായിരിക്കും ശ്രദ്ധ കൂടുതൽ ..എന്തായാലും ടീവി പോയി എന്നുറപ്പായി ..

.. രണ്ടും കൂടി റ്റീവി കൊണ്ടോവാൻ മാത്രമല്ല തന്നെ മുച്ചൂടും മുടിപ്പിക്കാൻ കൂടി കരുതിക്കൂട്ടി തന്നെ ഇറങ്ങിയതാണ് ...

ആന്റണി മനസ്സിൽ പറഞ്ഞു കൊണ്ട് അവളെ നോക്കി .

' .. ആ പിന്നെ ..ഇച്ചായാ എന്തായാലും ഞങ്ങള് വിരുന്നുകാരുള്ളതല്ലെ ഒരു രണ്ടു കിലോവിന്റെ ചിക്കനും അതിനുള്ള മസാലേം പച്ചക്കകറികളും കൂടി വാങ്ങിയേര് കേട്ടോ . ചിക്കനോക്കെ കഴിച്ചിട്ട് ഒരാഴ്ചയായി ...'

.. ഊം ..

ആന്റണി മൂളി ..

ഒരാഴ്ചയായി പോലും… എന്തെങ്കിലും ആവട്ടെ വീട്ടിലൊരു ആളനക്കം ഉണ്ടാകുമല്ലോ ഈ ഒറ്റപ്പെടലിൽ നിന്നൊരു ആശ്വാസം കിട്ടുമല്ലോ എന്ന് കരുതി ആന്റണി മുറിയിൽ പോയി ഡ്രസ്സ് മാറി പഴ്‌സെടുത്ത് ഷർട്ടിന്റെ പോക്കറ്റിലിട്ട് പുറത്തേക്കിറങ്ങിയപ്പോൾ ബേബി അളിയൻ വിളിച്ചു പറഞ്ഞു.

‎".. അളിയാ ഒരു ഹണ്ട്രഡ് മണ്ണീസിന് ചെയിഞ്ച് ഉണ്ടോ..?

“..അയ്യോ ഇല്ലളിയാ എന്റെല്‍ അഞ്ഞൂറിന്റെ നോട്ടാണല്ലോ..”

“…ഓ ആന്നോ ഈ അളിയന്റെ ഒരു കാര്യം..! നൂറ് ചോദിച്ചാ അപ്പൊ അഞ്ഞൂറ് എടുത്ത് തരും..ന്നെങ്കി അതിങ്ങു തന്നിട്ട് പോ ..”

അതുകേട്ട് ആന്റണിയുടെ പെരുവിരലിൽ നിന്ന് ദേഷ്യം ഇരച്ചു കേറി വന്നു.ബേബി അളിയനെ ആ സോഫയിലിട്ട് തന്നെ ചവുട്ടിക്കൂട്ടിയാലോ എന്നൊരു നിമിഷം ചിന്തിച്ചെങ്കിലും സംയമനം വിടാതെ ആന്റണി പറഞ്ഞു. .

..അളിയൻ ഇപ്പം എങ്ങും പോകുന്നില്ലല്ലോ .ടീവി കണ്ടോണ്ടിരിക്കുവല്ലേ .. ഞാൻ കടയിൽ പോയിട്ട് വന്നിട്ട് മതിയോ ..?

.. അങ്ങനെ ആന്നെങ്കി അത് മതി ..മറക്കല്ലേ കേട്ടോ നാളെ വണ്ടിക്കൂലി ഇല്ല