Chapter Title : ആരോഹി [ ne-na ]

അതുകൊണ്ടു തൽകാലത്തേക്ക് ഞാൻ രക്ഷപെട്ടു.

പോകുന്നതിനു മുൻപായി അവൾ പറഞ്ഞു.

"നിന്നെ ഞാൻ പിന്നെ കൈയിൽ എടുത്തുകൊള്ളാം."

അവൾ കാബിനിൽ നിന്നും ഇറങ്ങി പോയപ്പോൾ ഞാൻ ഒരു ദീർഘ നിശ്വാസം വിട്ടു. അതുകണ്ട് അത്രയും നേരം നിശബ്തയായി നിന്ന ആരോഹി എന്നെ നോക്കി ഒരു ആക്കിയ ചിരി ചിരിച്ചു.

"ഇളിക്കല്ലേ നീ."

അവൾ ശബ്‌ദം പുറത്തു വരാതെ ചുണ്ടുകൾ കൊണ്ട് പോടാ എന്ന് എന്നോട് പറഞ്ഞു.

ഞാൻ മറ്റൊരു കാര്യം അവിടെ ശ്രദ്ധിച്ചിരുന്നു. രേഷ്മ വരുന്നതുവരെ എന്നോട് നല്ലപോലെ സംസാരിച്ചു കൊണ്ടിരുന്ന ആൾ രേഷ്മ വന്നപ്പോൾ പെട്ടെന്ന് നിശ്ശബ്ദതയായി. ആൾക്കൂട്ടത്തിനിടയിൽ ഉൾവലിയ്യുന്നപോലെ.. പക്ഷെ ഒറ്റക്കെ ഉള്ളുവെങ്കിലും സംസാരത്തിൽ എനിക്ക് കുറച്ചധികം സ്വാതന്ത്രം അവൾ അനുവദിച്ചു തരുന്നുണ്ട്. ഞാൻ ഇത്തിരി അതിരു കടന്നു സംസാരിച്ചാലും ഒരു തമാശ രീതിയിൽ അവൾ എടുക്കുന്നുണ്ട്.

അതൊന്നു പരീക്ഷിക്കാൻ തന്നെ ഞാൻ തീരുമാനിച്ചു. അവൾ എപ്പോഴും എന്തെങ്കിലും ഡിസ്റ്റൻസ് ഇടുന്നുണ്ടെങ്കിൽ അതനുസരിച്ച് ഞാൻ പെരുമാറിയാൽ മതിയല്ലോ.

മുഖത്ത് കുറച്ച് ഗൗരവം വരുത്തി ഞാൻ അവളോട് പറഞ്ഞു.

"ആരോഹി ഞാൻ ഒരു കാര്യം ചോദിക്കട്ടെ."

അവൾ എന്റെ മുഖത്തേക്ക് നോക്കി.

"കുറച്ച് പേർസണൽ ആണ്. ഇങ്ങു അടുത്തേക്ക് വാ."

അവൾ എന്റെ അടുത്തേക്ക് വന്ന് തല കുനിച്ച് നിന്നു.

ഞാൻ അവളുടെ ചെവിയിൽ ശബ്‌ദം താഴ്ത്തി ചോദിച്ചു.

"ഇന്നലെ എല്ലാരേയും കാണിച്ചു നടന്നതൊക്കെ ക്ലീൻ ചെയ്തോ?"

അവൾ എന്റെ മുഖത്തേക്ക് ഒന്ന് നോക്കി. ലജ്ജയാൽ അവളുടെ മുഖം ചുവന്നിരുന്നു.

എന്റെ ചെവിയിൽ ശബ്‌ദം താഴ്ത്തി തന്നെ അവൾ പറഞ്ഞു.

"തെണ്ടി.. പട്ടീ.. നാറീ.. ക്ലീൻ ചെയ്തോ ഇല്ലയോ എന്നറിയാൻ വാഷ് റൂമിലേക്ക് വാ.. ഞാൻ കാണിച്ചു തരാം."

ഇത്രയും പറഞ്ഞതിന്റെ കൂടെ ഹൈ ഹീൽ ഇട്ട് എന്റെ കാലിൽ ഒരു ചവിട്ടും. അറിയാതെ തന്നെ എന്റെ വായിൽ നിന്നും ചെറുതായി അയ്യോ എന്നൊരു ശബ്‌ദം പുറത്തു വന്നു.

അടുത്ത കാബിനിൽ ഉണ്ടായിരുന്ന ബഷീർ പെട്ടെന്ന് എഴുന്നേറ്റ് നോക്കുമ്പോൾ കാണുന്നത് എന്റെ കാബിനിൽ നിന്നും ഒരു ചിരിയോടെ ഇറങ്ങി പോകുന്ന ആരോഹിയെ ആണ്.

"എന്താടാ?"

ഞാൻ ഒന്നും