Chapter Title : ആരോഹി [ ne-na ]

ചിലരൊക്കെ ഞങ്ങളെ ശ്രദ്ധിക്കുന്നുണ്ട്. ആ കൂട്ടത്തിൽ രേഷ്മയും കണ്ണും മിഴിച്ച് ഞങ്ങളെ നോക്കുന്നുണ്ടായിരുന്നു.

ആരോഹി എന്റെ കാമുകി ഒന്നും അല്ല കൂട്ടുകാരി ആയിരിക്കാം.. പക്ഷെ ഓഫീസിലെ സകലരും നോട്ടമിട്ടിരുന്ന അതിസുന്ദരി ആയ പെണ്ണ് എന്റെ ബൈക്കിന്റെ പിന്നിൽ കയറിയതിൽ ഞാൻ തെല്ലൊന്ന് അഹങ്കരിച്ചു. രേഷ്മയെ ഒരു ചിരിയോടെ കണ്ണിറുക്കി കാണിച്ച്‌ കൊണ്ട് ഞാൻ ബൈക്ക് മുന്നിലേക്കെടുത്തു.

ഞാൻ ബൈക്ക് ഓടിക്കുമ്പോൾ അവളുടെ കൈ എന്റെ തോളിൽ മുറുകെ പിടിച്ചിരുന്നു. പക്ഷെ അവൾ എന്നോട് ചേർന്നിരിക്കാതെ ഞങ്ങൾക്കിടയിൽ കൃത്യമായ ഒരു അകലം പാലിച്ചിരുന്നു. ജീൻസും ടോപ്പും ധരിച്ചിരുന്നതിനാൽ  ഇരുവശത്തും കാൽ ഇട്ടായിരുന്നു അവൾ ഇരുന്നിരുന്നത്.

ശനിയാഴ്ച അവൾ ഇറങ്ങിയ ബസ് സ്റ്റാൻഡ് എത്താറായപ്പോൾ ഞാൻ ചോദിച്ചു.

"ഇവിടെ നിന്നും എങ്ങോട്ടാണ് പോകേണ്ടത്?"

"ഇവിടെ നിന്നും നേരെ നിന്റെ വീട്ടിലേക്ക് പോകട്ടെ."

ഞാൻ പെട്ടെന്ന് ബൈക്ക് സൈഡിലേക്ക് ഒതുക്കി നിർത്തി തിരിഞ്ഞു അവളുടെ മുഖത്തേക്ക് നോക്കി.

ഞാൻ എന്തെങ്കിലും ചോദിക്കുന്നതിനു മുൻപ് തന്നെ ഒരു കുസൃതി ചിരിയോടെ അവൾ പറഞ്ഞു.

"എന്റെ ബെസ്ററ് ഫ്രണ്ടിന്റെ വീട്ടിൽ ഞാൻ പോകതിരിക്കുന്നത് മോശമല്ലേ?"

"അതൊക്കെ മോശം തന്നെയാണ്. പക്ഷെ..

ഞാൻ എന്റെ വാക്കുകൾ പകുതി വഴിയിൽ നിർത്തി.

"എന്താടാ.. ഒരു പെണ്ണിനേയും കൊണ്ട് വീട്ടിലേക്ക് ചെന്നാൽ അമ്മ അടിച്ചിറക്കുമോ?"

"അതാ എനിക്കും അറിയാൻ വയ്യാത്തത്, പെൺപിള്ളേർ ഒരുപാട് ഫ്രണ്ട് ആയി ഉണ്ടായിരുന്നെങ്കിലും ആരും ഇതുവരെ എന്റെ വീട്ടിൽ വന്നിട്ടില്ല."

"അപ്പോൾ ഇന്ന് നമുക്ക് അറിയാം എന്താ നിന്റെ അമ്മയുടെ റീയാക്ഷൻ എന്ന്. ചിലപ്പോൾ എന്നെപ്പോലെ സുന്ദരി ആയ പെണ്ണിനെ ആണല്ലോ മോൻ കൂട്ടികൊണ്ടു വന്നതെന്നോർത്ത് അമ്മ  സന്തോഷിക്കുമായിരിക്കും."

അവളുടെ മുഖത്ത് ഒരു ചിരി ഉണ്ടായിരുന്നു അപ്പോൾ.

ഞാൻ ബൈക്ക് മുന്നോട്ട് എടുക്കുന്നതിനിടയിൽ ചോദിച്ചു.

"കുറച്ച് സൗന്ദര്യം ഉള്ളതിന്റെ അഹങ്കാരം മനസ്സിൽ ഉണ്ടല്ലേ?"

"അതേ.. ഈ സൗന്ദര്യം ഇങ്ങനെ നില നിർത്തി പോകാൻ ഞാൻ കുറച്ച് കഷ്ട്ടപെടുന്നുണ്ട്. അപ്പോൾ കുറച്ച് അഹങ്കരിക്കാം."

അത്യാവിശ്യം സാമ്പത്തികം ഒക്കെ ഉള്ള ഒരു കുടുംബം ആയിരുന്നു എന്റേത്. അച്ഛൻ ഗൾഫിലാണ്, അച്ഛനും അമ്മയ്ക്കും ഞാൻ ഒറ്റ മകനും.

കുറച്ച് നേരത്തെ