Chapter Title : ആരോഹി [ ne-na ]

വൈനും ഉണ്ടായിരുന്നു. ഞാൻ വൈൻ ഒന്ന് കുടിച്ച് നോക്കി. നല്ല സൂപ്പർ ടേസ്റ്റ്. ആരോഹിയോട് കുടിച്ച് നോക്കുവാൻ ഞാൻ പറഞ്ഞു. അവൾ ഒരിറക്ക് കുടിച്ച ശേഷം അദ്‌ഭുതം വിരിഞ്ഞ കണ്ണുകളോടെ എന്നെ നോക്കി. ആ നോട്ടത്തിൽ നിന്നു തന്നെ എനിക്ക് മനസിലായി അവൾക്ക് അത് ഒരുപാട് ഇഷ്ട്ടമായെന്ന്.

ഫുഡ് കഴിച്ച് കഴിഞ്ഞപ്പോഴേക്കും കൂട്ടുകാരന്മാരുടെ വിളി എത്തി. ടെറസിൽ ബീറടി നടക്കുന്നുണ്ട് ചെല്ലാൻ. ഞാൻ ആണെങ്കിൽ അവന്മാരോടൊക്കെ ഒന്ന് കൂടിയിട്ട് ഒരുപാട് കാലമായി.. ഒപ്പം ഇരുന്നു ബിയർ കുടിക്കാൻ ഒരാഗ്രഹവും.

ഞാൻ മടിച്ച് മടിച്ച് ആണ് ആരോഹിയോട് കാര്യം പറഞ്ഞത്. പക്ഷെ എന്നെ അദ്‌ഭുതപ്പെടുത്തി കൊണ്ട് അവൾ പൊയ്ക്കൊള്ളാൻ പറഞ്ഞു.

ടെറസിൽ അവന്മാരോടൊപ്പം ഏറുന്ന ബിയർ കുടിക്കുമ്പോഴും ഞാൻ ആരോഹിയെ ഇടക്കിടക്ക് ശ്രദ്ധിക്കുന്നുണ്ടായിരുന്നു. അവൾ എന്റെ കൂട്ടുകാരികളോടൊക്കെ സംസാരിച്ച് ഇരിക്കുകയാണ്. ഇടക്കിടക്ക് പോയി ഓരോ ഗ്ലാസ് വൈനും വാങ്ങി കുടിക്കുന്നുണ്ട്.

ഇടക്കെപ്പോഴോ അവൾ മുകളിലേക്ക് നോക്കിയപ്പോൾ അവളെത്തന്നെ നോക്കി ഇരിക്കുന്ന എന്നെ കണ്ടു. അവൾ മൊബൈലിലേക്ക് നോക്കാൻ എന്നോട് ആംഗ്യം കാണിച്ചു. ഞാൻ പോക്കറ്റിൽ നിന്നും മൊബൈൽ എടുത്തു നോക്കിയതും അവളുടെ മെസ്സേജ് വന്നതും ഒരുമിച്ചായിരുന്നു.

'ഡാ.. എനിക്ക് ഒരു ബിയർ എടുത്തു വയ്ക്കണേ..'

മെസ്സേജ് വായിച്ച ഞാൻ ഒരു ഞെട്ടലോടെ അവളെ നോക്കിയപ്പോൾ ആരോഹി പ്ളീസ് എന്ന അർഥത്തിൽ കണ്ണുകൾ കൊണ്ട് ആംഗ്യം കാണിച്ചു.

ഒരു പുഞ്ചിരി ആയിരുന്നു എന്റെ മറുപടി.

എല്ലാ പടിപാടികളും കഴിഞ്ഞ് കൂട്ടുകാരോട് യാത്ര പറഞ്ഞ് ഇറങ്ങുമ്പോൾ രാത്രി 9 മണി കഴിഞ്ഞിരുന്നു.

കല്യാണ വീട്ടിൽ നിന്നും ബൈക്ക് റോഡിലേക്ക് ഇറങ്ങിയപ്പോൾ അവൾ എന്നോട് ചോദിച്ചു.

"എവിടെ ഞാൻ പറഞ്ഞ സാധനം."

ഞാൻ ഒന്നും അറിയാത്ത പോലെ ചോദിച്ചു.

"എന്ത് സാധനം."

"ചെക്കാ.. എനിക്ക് ബിയർ കിട്ടാതെ നീ ഇന്ന് വീട്ടിൽ കയറില്ല കേട്ടോ."

ഞാൻ ഒരു ചിരിയോടെ ഇടുപ്പിൽ വെച്ചിരുന്ന ബിയർ എടുത്ത് പിന്നിൽ  അവളുടെ കൈയിലേക്ക് കൊടുത്തു.

"ഡാ, ആളില്ലാത്ത ഏതെങ്കിലും ഭാഗത്ത് നീ ബൈക്ക് നിർത്തണം."

"അതെന്തിനാ?"

"ബിയറും കൊണ്ട് റൂമിലേക്ക് ചെന്നാൽ ശ്രീജ ചേച്ചി എന്നെ കൊല്ലും."

അപ്പോഴാണ്