Chapter Title : ആരോഹി [ ne-na ]

അത്യാവിശം വായി നോക്കിയാലും അവിടെ കിടന്ന് കറങ്ങുന്നുണ്ടായിരുന്നു. രണ്ടെണ്ണത്തിന്റെയും സംസാരവും ബഹളവും കേട്ടാലേ മനസിലാകും രണ്ടും അത് എന്ജോയ് ചെയ്യുന്നുണ്ടെന്ന്.

ആരോഹി ഐസ്ക്രീം വാങ്ങാൻ പോയ സമയത്ത് ഞാൻ അദിതിയോടു ചോദിച്ചു.

"അദിതിക്ക് കോളേജിൽ ലൗവർ ഒകെ ഉണ്ടോ?"

ആദ്യം എന്റെ ചോദ്യം കേട്ട് അവൾ ഒന്ന് പരുങ്ങി. എന്നിട്ട് പറഞ്ഞു.

"എനിക്കങ്ങനെ ഒന്നും ഇല്ല."

"കള്ളം പറയല്ലേ നീ.. ചേച്ചിയെ പോലെ തന്നെ നീയും കാണാൻ സുന്ദരി ആണല്ലോ. അപ്പോൾ ആരെങ്കിലും കാണാതിരിക്കില്ല."

അത് കേട്ടപ്പോൾ അവളുടെ മുഖം ഒന്ന് തെളിഞ്ഞു. എങ്കിലും പറഞ്ഞു.

"ഓഹ്.. ചേച്ചിയുടെ ഒക്കെ മുന്നിൽ ഞാൻ എന്ത് സുന്ദരി."

"അതെന്താ അങ്ങനെ പറഞ്ഞത്?"

"ചേച്ചി കോളേജിൽ പഠിക്കുമ്പോൾ എത്ര ആൺപിള്ളേരാ പിറകെ നടന്നതെന്ന് അറിയാമോ?.. എന്റെ പിറകെ അത്രയ്ക്കൊന്നും ഇല്ല."

"അപ്പോൾ ചേച്ചിയുടെ പിറകെ നടന്നത്ര ഇല്ലെങ്കിലും ഇയ്യാളുടെ പിറകെയും ആൾക്കാരൊക്കെ ഉണ്ട്."

അവൾ ഒന്ന് ചിരിച്ചു.

"എന്നിട്ട് ആരോടും നിനക്ക് ഇഷ്ട്ടം തോന്നില്ലേ?"

"തോന്നി.. പക്ഷെ എന്നെ പിറകെ നടന്നവരോടല്ല.. എന്റെ പിറകെ നടക്കാത്ത ഒരാളോട്."

"എന്നിട്ട്?"

അവളുടെ മുഖം ചെറിതായൊന്ന് മങ്ങി.

"അതൊക്കെ കുറച്ച് സീൻ ആണ് ചേട്ടാ.. ചേച്ചിക്കറിയാം എല്ലാം. ചേച്ചിയോട് ചോദിച്ചാൽ മതി."

ഞാൻ പിന്നെ അവളോടൊന്നും ചോദിക്കാൻ നിന്നില്ല. അപ്പോഴേക്കും ആരോഹി ഐസ്ക്രീമും ആയി എത്തിയിരുന്നു.

..

ഇപ്പോൾ ദിവസങ്ങൾ വളരെ പെട്ടെന്ന് ആണ് കടന്നു പോകുന്നത്. ഓഫീസിലും അത് കഴിഞ്ഞും ആരോഹി കൂടെ ഉള്ളതിനാൽ സമയം പോകുന്നത് അറിയില്ല.

ഞായറാഴ്ച മാത്രമാണ് എനിക്ക് അവളിൽ നിന്നും ഫ്രീ സമയം കിട്ടുന്നത്. പക്ഷെ വൈകുന്നേരം അവളോടൊപ്പം വേണം. അത് ആരോഹിക്ക് നിർബന്ധം ആണ്.

അന്നും ഒരു ഞായറാഴ്ച ആയിരുന്നു. ഒരു പാർക്കിലേക്കായിരുന്നു ഞങ്ങൾ അന്ന് പോയത്. ജീൻസും ടോപ്പും ആയിരുന്നു അവളുടെ വേഷം.

ഒരു മാവിന് ചുവട്ടിലുള്ള തിട്ടയിൽ ഞങ്ങൾ ഇരുന്നു. വലിയ തിരക്കൊന്നും ഇല്ലായിരുന്നു.

പാർക്കിൽ എത്തിയപ്പോൾ മുതൽ എന്റെ കൂടെ കോളേജിൽ പഠിച്ച ഒരു കൂട്ടുകാരി എനിക്ക് വാട്ട്സ്ആപ്പിൾ മെസ്സേജ് അയക്കുന്നുണ്ടായിരുന്നു. ഒരുപാട് നാളുകൂടി ചാറ്റ് ചെയ്യുന്നതിനാൽ ഞാൻ അവൾക്കും റിപ്ലൈ