Chapter Title : ആഷ്‌ലിൻ 3 [Jobin James] [Climax]

അമ്മയുടെ ശബ്ദം പുറത്തുന്ന് ആണ്. ഞാൻ വർക്ക്‌ ഏരിയയിലേക്ക് നടന്നു ചെന്നു. അമ്മ തേങ്ങ പൊളിക്കുന്ന പണിയിലാണ്. "ചേച്ചി വന്നില്ലേ അമ്മ, ഞാൻ സഹായിക്കണോ?" ഞാൻ നിഷ്കളങ്കത അഭിനയിച് ചോദിച്ചു. അമ്മ എന്നെ ആകെ മൊത്തമൊന്ന് നോക്കി വീണ്ടും തേങ്ങ പൊളിയിലേക്ക് ശ്രെദ്ധ മാറ്റി. "നീയിന്നു പോണില്ലേ" "ഒരു കാര്യമുണ്ട്.. എന്നെ കാണാൻ ഇന്ന് ചിലരിവിടെ വരും" നിലത്തു കിടന്ന തേങ്ങ എടുത്ത് നാര്‌ പറിച്ചെടുത്തു ഞാനമ്മയെ ഒന്ന് നോക്കി. കയ്യിലുള്ള തേങ്ങ നിലത്തിട്ട് അമ്മയെന്നെ നോക്കി ചിരി തുടങ്ങി. ഒരു മാതിരി കൊലച്ചിരി… "ഒന്നു നിർത്തമ്മ ഞാൻ സീരിയസാ" ഞാൻ കൊറുവിച്ചു. "എന്നോട് മോളിതു വിളിച്ചു പറഞ്ഞതാ നേരത്തെ" അമ്മ ചിരി നിർത്തി വീണ്ടും പണിയിലേക്ക് തിരിഞ്ഞു. "ആണോ.. ഞാൻ ചുമ്മാ പേടിച്ചു" അമ്മക്ക് കൂസലില്ലാതെ നിന്നപ്പോ എനിക്കും ധൈര്യമായി. ഞാൻ നേരെ ഹാളിലേക്ക് ചെന്നു ഫോൺ എടുത്ത് ഓഫീസിലേക്ക് വിളിച്ചു ഇന്ന് വരില്ലെന്ന് അറിയിച്ചു. എന്തെങ്കിലും അത്യാവശ്യം ഉണ്ടെങ്കിൽ മാത്രം വിളിച്ചാൽ മതിയെന്ന് ഏൽപ്പിച്ചു. കുറച്ച് സമയം ഫോണെടുത്തു ചുമ്മാ കുത്തി കൊണ്ടിരുന്നപ്പോൾ അമ്മ വന്നു പണിയേൽപ്പിച്ചു. പള്ളിയിൽ പോയി അച്ചനെ വിളിച്ചു കൊണ്ട് വരാൻ. ഞാൻ വണ്ടിയെടുത്തു പള്ളിയിലേക്ക് ഇറങ്ങി, ആക്‌സിഡന്റിന് ശേഷം വളരെ സൂക്ഷിച്ചെ ഓടിക്കാറുള്ളു. പള്ളിയിലെത്തി അച്ചനെ കാത്ത് കുറച്ച് നേരം നിന്നു, അച്ചൻ വന്ന് വിശേഷം ഒക്കെ ചോദിച്ച് എന്റെ കൂടെ കാറിലേക്ക് കേറി. അമ്മ ആദ്യമേ നേരിട്ട് കണ്ടു എല്ലാം പറഞ്ഞിട്ടുണ്ട് അത് കൊണ്ട് എന്നോട് അധികം ചോദ്യ വിസ്താരം ഒന്നും ഉണ്ടായില്ല. വീട്ടിലെത്തി അച്ചനൊരു ചായ