Chapter Title : അച്ചായൻ പറഞ്ഞ കഥ അർജുന്റെ റിയ കുട്ടി നിലാവ് പോലെ വന്നവൾ 1 [ഏകൻ]

ഞാൻ അവളെ ഒന്ന് നോക്കി.

"ഞാൻ പറഞ്ഞത് കേൾക്കുന്നോ അതോ ഇവിടെ ഇരുന്നു കരയുന്നോ?"

"എനിക്ക്... എനിക്ക്... വേറെ നല്ലത് ഒന്നും ഇല്ല സാർ." അവൾ കരഞ്ഞു.

"ഉപ്പ കുറച്ചു ദിവസം മുൻപ് പുതിയത് ഒന്ന് വാങ്ങി തന്നില്ലേ ? മോളുടെ പിറന്നാളിനോ മറ്റോ? "

"വാങ്ങി... പക്ഷെ ചെറിയുമ്മ അത് എനിക്ക് തരാൻ വിട്ടില്ല. വീട്ടിൽ പണിയെടുക്കുന്നവൾക്ക് പുതിയത് ഒന്നും വേണ്ട എന്ന് പറഞ്ഞു."

""അപ്പോൾ മോള് ഇടുന്ന ഡ്രെസ്സ് ? "

"അത് എന്റെ അനിയത്തി ഇട്ട് വേണ്ട എന്ന് വെക്കുന്നതാ."

"അനിയത്തി ചെറിയ കുട്ടിയല്ലേ? "

"പ്രായത്തിൽ മാത്രമാ ചെറുത് . കാഴ്ച്ചയിൽ എന്നെക്കാളും വലുതാ."

"സാരമില്ല. പോട്ടെ പോട്ടെ. ശരി എന്നാൽ പോയി മുഖം എല്ലാം കഴുകി വൃത്തി യായിട്ടുവാ. വേഷം ഇതൊക്കെ മതി. അല്ലെങ്കിലും ഈ പൊന്നുംകുടത്തിന് എന്തിനാ പൊട്ട്. റിയകുട്ടി അല്ലെങ്കിലും നല്ല മൊഞ്ചത്തി അല്ലേ? "

അവൾ ചെറുതായി ചിരിച്ചു. ഞാൻ അവളുടെ കൈപിടിച്ച് എഴുനേൽപ്പിച്ചു.

"പോ പോയി എന്തൊക്കെയാ വേണ്ടത് എന്ന് നോക്ക്."

എന്ന് പറഞ്ഞു ഞാൻ പോയി വേഷം മാറി വന്നു. അപ്പോഴേക്കും അവൾ റെഡിയായി വന്നു.

"എന്നാ നമുക്ക് പോകാം? "

അവൾ ചിരിച്ചു.

"എന്റെ മുന്നിൽ നിന്ന് ഇനി കരയരുത്. മനസ്സിലായോ? എല്ലാം നമുക്ക് ശരിയാക്കാം. "

ഞങ്ങൾ വാതിൽ പൂട്ടി ഇറങ്ങി. താഴെയെത്തി. കാറിന്റെ മുൻസീറ്റ് അവൾക്ക് തുറന്നു കൊടുത്തു എന്നിട്ട് ഞാൻ പോയി ഡ്രൈവിങ് സീറ്റിൽ ഇരുന്നു.

"ഞാൻ പിന്നിൽ ഇരുന്നാൽ പോരെ?"

"ഞാൻ എന്താ നിന്റെ ഡ്രൈവറോ?"