Chapter Title : അച്ചായത്തി ഫ്രം ബാംഗ്ലൂർ 10 [അധീര]

രണ്ടുപേരുടെയും പ്ലേറ്റ് എടുത്ത് കിച്ചണിലേക്ക് പോയി,
ഹാൻഡ് വാഷ്  ചെയ്ത ശേഷം അവൻ നേരെ തങ്ങളുടെ ബെഡ്റൂമിലേക്ക് കയറി അവന്റെ കബോർഡിൽ ദിവസങ്ങൾക്കു മുൻപ് കൊണ്ടു വച്ചിരുന്ന ഒരു ബൂസ്റ്റിന്റെ ബോട്ടിൽ പുറത്തേക്ക് എടുത്തു,
അത് തുറന്നതും അതിൽ നിന്നും രണ്ട് പാക്ക് പുറത്തേക്ക് എടുത്ത് മണത്തു നോക്കി 'കൊള്ളാം സാധനം അത്യാവശ്യം വീര്യം ഉള്ളത് തന്നെയാണ് '
അവൻ അതിന്റെ ഫോട്ടോ എടുത്ത മാധവിന് അയച്ച ശേഷം നാളെ വൈകുന്നേരം കാണാം എന്ന് കൂടെ ഒരു ടെക്സ്റ്റ് അയച്ചു.

ആൽബി സാധനം അതുപോലെ തന്നെ തിരികെ വെച്ച് തിരിഞ്ഞപ്പോഴേക്കും സ്റ്റെല്ല മുറിയിലേക്ക് കയറി വന്നിട്ടുണ്ടായിരുന്നു,
" ആൽബി ഞാൻ കുറച്ച് സമയം കിടക്കട്ടെ.." അതും പറഞ്ഞ് അവൾ നേരെ ബെഡിലേക്ക് കയറി ചെരിഞ്ഞു കിടന്നു,
അന്ന മോളും അവളുടെ അരികത്ത് തന്നെ കിടന്നിരുന്നു,
സമയം വൈകുന്നേരം ഏകദേശം 7 മണിയോടെ അടുക്കുന്നു,  പ്രത്യേകിച്ച് ഒന്നും ചെയ്യാനില്ലാത്തതിനാൽ ആൽബി കുറച്ച് ദിവസം മുമ്പ് ബാക്കിയായിരുന്ന ബക്കാർഡി  ബോട്ടിൽ കൈയിലേക്ക് എടുത്തു നേരെ ഹാളിലേക്ക് പോയിരുന്നു...!!!

പിറ്റേ ദിവസം ഞായറാഴ്ച്ച അവർ പതിവ് പോലെ ഇലക്ട്രോണിക് സിറ്റിയിലെ കത്തോലിക്കാ പള്ളിയിൽ പോയിട്ടുണ്ടായിരുന്നു,
തിരിച്ചു വരുന്ന വഴിയെ പതിവുപോലെ റെസ്റ്റോറന്റിൽ നിന്ന് പ്രഭാത ഭക്ഷണം  കഴിക്കുകയും, ലഞ്ചിനായി കറി മാത്രം വാങ്ങി പോരുകയും ചെയ്തു,  തിരികെ വരുന്ന സമയവും എത്തിയതിനുശേഷം സ്റ്റെല്ല ആക്ടീവ് ആയിരുന്നില്ല,

അവളുടെ മനസ്സിൽ എന്തൊക്കെയോ ടെൻഷൻ കിടപ്പുണ്ട് എന്ന് ആൽബിക്ക് മനസ്സിലായി,
'ആ പയ്യനെ കണ്ട് സംസാരിച്ചതിനുശേഷം സ്റ്റെല്ലയെ മര്യാദയ്ക്ക് ഒന്ന് ചിരിച്ചു താൻ കണ്ടിട്ടില്ല,