Chapter Title : അച്ചായത്തി ഫ്രം ബാംഗ്ലൂർ 2 [അധീര]

ശേഷം ഞാൻ  റൂമിലേക്ക് കയറിപ്പോയി.. ഞാൻ കുളി കഴിഞ്ഞ് ഇറങ്ങിയപ്പോഴേക്കും അവൾ അവിടെ തന്നെ ഇരിക്കുന്നുണ്ടായിരുന്നു. ' ഇവൾക്ക് ഇതെന്ത് പറ്റി..? '

"  അല്ല നമ്മുടെ വില്ലന്റെ വിശേഷങ്ങൾ ഒന്നും പറഞ്ഞു കേൾക്കുന്നില്ലല്ലോ ആളിപ്പോൾ ഇവിടെ തന്നെ ഇല്ലേ..?? "  തലതോർക്കുന്നതിനിടയിൽ  ഞാൻ അവളെ ഇളക്കാനൊന്നും വട്ടം ചോദിച്ചു.

അവൾ അതിനു മറുപടി ഒന്നും പറഞ്ഞില്ല വേറെ ഏതോ ലോകത്ത് ചിന്തയിൽ ആണെന്ന് വ്യക്തം.

"  മോളെ  ചോദിച്ചത് കേട്ടില്ലേ നമ്മുടെ  വില്ലൻ  ഇവിടെയില്ലേന്ന്...?? "

" സാറ്  ഫിലിപിൻസിലേക്ക് തിരിച്ചു പോയി ഇനി അടുത്തെങ്ങും വരില്ല എന്ന് പറഞ്ഞാ പോയെ "
അവളുടെ സംസാരത്തിൽ എനിക്ക് എന്തോ മാറ്റം തോന്നി.

"  അതാണോ നിനക്ക് ഇത്ര സങ്കടം ആള് പോയതുകൊണ്ട് സങ്കടം ആണോ..?? "

"  ഒന്ന് പോയെ ആൽബി..!! അങ്ങേര്  നാലു ദിവസത്തിന് വേണ്ടി വന്നു എൻറെ ജോലിയുടെ ഭാഗമായി എനിക്ക് അസിസ്റ്റ്  ചെയ്യേണ്ടി വന്നു അതിനപ്പുറം എനിക്കെന്ത് അവൻ എൻറെ ആരുമല്ലല്ലോ പിന്നെ എന്തിനാ എനിക്ക്  ഇതിനു  മാത്രം സങ്കടം "

"  ഓ നീ ദേഷ്യപ്പെടേണ്ട ഞാൻ ചുമ്മാ ചോദിച്ചെന്നേയുള്ളു...!! "

"  അല്ല നിന്റെ ചോദ്യം കേട്ടാൽ എന്റെ ആരോ ആണെന്ന് തോന്നുന്നു എൻറെ സീനിയർ അത്രയേ ഉള്ളൂ...!! ഓരോ കോപ്പിലെ ചോദ്യം  വർത്തമാനൊം  " സ്റ്റെല്ല  ദേഷ്യം പിടിച്ച്  റൂമിലേക്ക് കയറിപ്പോയി.

"  ഡി പെണ്ണെ..  നീ എന്തിനാ ഇത്രയും സീനാക്കുന്നത് ഞാനൊരു തമാശ പറഞ്ഞതല്ല..?? "  പെട്ടെന്നുള്ള അവളുടെ ഭാവ മാറ്റത്തിൽ ഞാനും ഒന്ന് ഞെട്ടിയിരുന്നു.