അഹല്യയുടെ ട്രെയിൻ യാത്ര

Ahalyayude Train Yaathra | Author : Adhidev

കഥകൾ എഴുതാൻ തുടങ്ങിയിട്ട് കുറച്ചായി. ഒരുപാട് സൈറ്റുകളിലും ബ്ലോഗുകളിലും കഥകൾ എഴുതിയിട്ടുണ്ട്. എന്നാൽ അവിടെ ഒന്നും സ്വന്തമായി ഒരു ഐഡന്റിറ്റി ഉണ്ടാക്കിട്ടില്ല.എന്നും ഒരു അജ്ഞാതനാമകനായി ഇരിക്കാൻ ആണ് ആഗ്രഹിക്കുന്നത്. ഈ സൈറ്റിൽ കഥകൾ ഇട്ട് തുടങ്ങിയപ്പോൾ മറ്റ് എവിടെയും കിട്ടാത്ത അപ്പ്റിസിയേഷൻ ഇവിടെ നിന്ന് കിട്ടാൻ തുടങ്ങി. അതുകൊണ്ട് പണ്ട് എഴുതി പ്രിയപ്പെട്ടതായി മാറിയ കഥകൾ വീണ്ടും ഇവിടെ പോസ്റ്റ്‌ ചെയുന്നു. അതുപോലെ ഒരു കഥ ഇതാ....

ഞാൻ സിദ്ധാർഥ്. ഒരു മുംബൈ മലയാളി ആണ്. ഇന്ത്യയിലെ തന്നെ ഒരു പ്രമുഖ ചാനലിലെ കണ്ടെന്റ് റൈറ്റർ ആണ്. ജേർണലിസം ആണ് പഠിച്ചത്. ഒരു മറാത്തി ചാനലിൽ ന്യൂസ് റിപ്പോർട്ടർ ആയിരുന്നു മുൻപ്. അവിടെ നിന്നാണ് ഇവിടെ ചാനലിൽ ജോലി കിട്ടിയത്.

ഇരുപത്തിയെട്ട് വയസ് ഉളള അവിവാഹിതൻ ആണു ഞാൻ. കാണാൻ വലിയ തെറ്റില്ല. ജോലിയുടെ ഭാഗമായി പലപ്പോഴും ട്രെയിൻ യാത്രകൾ ചെയ്യേണ്ടി വരാറുണ്ട്. അങ്ങനെ ഒരു യാത്രയിൽ ഉണ്ടായ അനുഭവമാണ് ഈ കഥ .

കോറോണക്ക് മുന്നേയുള്ള ക്രിസ്മസ് കാലം. ന്യൂയെർ അടുത്ത് വരുന്നു. ചാനലിൻ്റെ ഒഫിഷ്യൽ വർക്കുകളുമായി ഡൽഹിക്ക് അത്യാവശ്യമായി പോവേണ്ടി വന്നു.

ഒരു ദിവസം അവിടെ നിന്ന് വർക്ക് തീർത്ത് പിറ്റേന്നു തിരിച്ച് ഡെൽഹി നിസാമുദ്ദീൻ സ്റ്റേഷനിൽ നിന്നായിരുന്നു ട്രെയിൻ. പുലർച്ചെ ആറേ കാൽ മണിയുടെ രാജധാനിയായിരുന്നു ബുക്ക് ചെയ്തത്. അതാവുമ്പോ കൃത്യം ക്രിസ്മസ് ഈവിന് നാട്ടിൽ എത്തും.

അങ്ങനെ ഒക്കെ പ്ലാൻ ചെയ്താണ് ഞാൻ തിരിച്ച് വരാൻ തീരുമാനിച്ചത് പൊതുവെ പ്രൈവസിക്ക് പ്രാധാന്യം കൊടുക്കുന്ന ഞാൻ ഇത്തവണയും ഫസ്റ്റ് എ.സി തന്നെ ബുക്ക് ചെയ്‌തിരുന്നു. കാരണം രണ്ടു ബെർത്ത് മാത്രമാണ് ആവശ്യത്തിന് അടച്ചിടാൻ കഴിയുന്ന കൂപ്പിൽ ഉണ്ടാവുക. ഞാൻ പ്ലാറ്റ്ഫോമിൽ എത്തുമ്പോൾ ട്രെയിൻ നേരത്തെ അവിടെ ഉണ്ടായിരുന്നു.

ഞാൻ കമ്പാർട്ട്മെൻ്റ് കണ്ട് പിടിച്ചു കയറി ബാഗ് എല്ലാം വെച്ച് ഡ്രസ്സ് ചേഞ്ച് ചെയ്ത് വെറുതേ സീറ്റിൽ ചാരി കിടന്നപ്പോൾ രാവിലത്തെ ഉറക്കചടവിൽ അറിയാതെ ഒന്നു മയങ്ങിപ്പോയി. ഇടക്കെപ്പോഴോ കൂപ്പയിലേക്ക് ഏതോ വിദേശ പെർഫ്യൂമിൻ്റെ ഗന്ധവും ഒരു കിളിനാദവും കേട്ടാണ് ഞാൻ കണ്ണ് തുറന്നത്. അതൊരു പെൺകുട്ടിയായിരുന്നു.

ആദ്യം എനിക്ക് അൽഭുതം തോന്നി. കാരണം കഴിഞ്ഞ രണ്ടു വർഷമായി ഇതേ ട്രെയിനിൽ യാത്ര ചെയ്യുന്നതാണ്. ആദ്യമായിട്ട് ആണ് കൂടെ ഒരു പെൺകുട്ടിയെ കിട്ടുന്നത്.

ഏകദേശം ഇരുപത്തി ഒന്നോ ഇരുപത്തി രണ്ടോ വയസ് കാണണം. അതിൽ കവിയില്ല. മുഖത്ത് മെയ്ക് അപ് ഇട്ടിട്ടുണ്ടെങ്കിലും അത്ര ഓവർ അല്ല. ജീൻസും ടീ ഷർട്ടും ഒരു ഓവർ കോട്ടുമാണ് വേഷം. നല്ല സ്റ്റയിലായി വെട്ടി നിർത്തിയ, അറ്റത്ത് കളർ ചെയ്ത ചെമ്പൻ മുടി , നല്ല ഒതുക്കം ഉള്ള ശരീരം.

ഒറ്റ നോട്ടത്തിൽ തന്നെ അറിയാം ഏതോ ക്യാഷ് ഉള്ള വീട്ടിലെ കുട്ടി ആണെന്ന്. ആരോടോ കാര്യമായി ഫോണിൽ സംസാരിച്ച് കൊണ്ടാണ് വരവ്. കൂപയുടെ വാതിൽ തുറന്നു സീറ്റ് നമ്പർ ചെക്ക് ചെയ്ത് ഉറപ്പ്