Chapter Title : അഹം 2 [നൈമ]

ഖദീജയുടെ വീടിന്റെ കുറച്ചു ദൂരെയായുള്ള ഒരു പറമ്പിലേക്ക് വണ്ടി കയറ്റി വച്ചു.സമയം രാത്രി 12 കഴിഞ്ഞു .ചുറ്റുമൊന്നും വീടില്ലാത്തതും റോഡിൽ വെളിച്ചമില്ലാത്തതും നന്നായി എന്നെനിക്ക് തോന്നി .ഞാൻ പതുങ്ങി പതുങ്ങി വേലി ചാടി ഖദീജയുടെ വീടിന്റെ വലതു ഭാഗത്തുള്ള വാഴത്തോട്ടത്തിൽ ഒളിച്ചു .എന്നിട്ട് ഫോണെടുത്ത് റംലയെ ഒന്ന് വിളിച്ചു .

"എന്താ ഹരി ഈ സമയത്ത് ?" കുറച്ചു നേരം റിങ് ചെയ്ത ശേഷം ഫോണെടുത്ത റംല ചോദിച്ചു

"കൊച്ചുറങ്ങിയോ ?" ഞാൻ ശബ്ദം താഴ്ത്തി

"ഇപ്പൊ ഉറങ്ങിയതേ ഉള്ളു ...എന്ത്യേ ?"റംല ആകാംഷയോടെ ചോദിച്ചു .

"റംലയുടെ മുറിയിലെ ജനാല തുറക്ക് " എന്നും പറഞ്ഞു ഞാൻ ഫോൺ കട്ടാക്കി .കുറച്ചു നേരം ഞാൻ ആ വാഴത്തോട്ടത്തിൽ നിന്ന് വീടിന്റെ ഏതേലും ഭാഗത്തു ഏതേലും ജനാല തുറക്കുന്നുണ്ടോ എന്ന് നോക്കി.ഇല്ല ഒരു ജനാലയും'തുറന്നില്ല .മഴ ചാറ്റൽ കൂടി വരുന്നുണ്ട് . ഞാൻ പതിയെ വീടിന്റെ അപ്പുറെ ഭാഗത്തേക്ക് പോയി നിക്കി .ദാ അവരുടെ തൊഴുത്തിന്റെ ഓപ്പോസിറ്റ് ആയി ഒരു മുറിയുടെ ആവണം ജനാല തുറന്നു കിടക്കുന്നു .അകത്തെ വെളിച്ചം പുറത്തേക്ക് വരുന്നുമുണ്ട് . ഞാൻ വീടിനോട് ചേർന്ന് ശബ്ദമുണ്ടാക്കാതെ അങ്ങോട്ടേയ്ക്ക് അടുത്തു .

"ന്റെ അള്ളാ ...ഹരി എന്താ ഈ സമയത്ത് ?" ജനാലയിലൂടെ ഞാൻ ഉളിഞ്ഞു നോക്കിയതും റംല പേടിച്ചു പോയി .

"പുറത്തേക്ക് ഒന്ന് വാ " ഞാൻ റംലയെ അടി മുടി നോക്കികൊണ്ട് ഒന്ന് പറഞ്ഞു .

"ന്റെ പടച്ചോനെ ...വേണ്ട ഹരി ...ആരേലും കണ്ടാൽ പിന്നെ ജീവിച്ചിരുന്നിട്ട് " അവൾ പറഞ്ഞു തീരും മുന്നേ ഞാൻ കയറി ഇടപ്പെട്ടു

"റംലാ ...എന്റെ സഹായം നിനക്ക് വേണേൽ ഞാൻ പറയുന്നത് കേൾക്ക്! ഞാൻ ആ തൊഴുത്തിൽ ഉണ്ടാവും " എന്ന് പറഞ്ഞു ജനലിന്റെ അരികിൽ നിന്ന് ഞാൻ മാറി .

ചാറ്റൽ മഴ ഒരു പതിഞ്ഞ താളത്തിൽ കനത്തു വീണ്ടുമൊരു  ഒരു പേമാരിക്ക്  വട്ടം കൂട്ടുകയാണ് .ഞാൻ ഏകദേശം അഞ്ചു മിനുട്ടോളം ആ തൊഴുത്തിൽ കയറി കാത്ത് നിന്നു .അത്യാവശ്യം വലുപ്പമുള്ള ഓട്