Chapter Title : അക്ഷയ്മിത്ര 2 [മിക്കി]

അവൾക്കെന്നോട്..

(കാര്യങ്ങളൊന്നും ആർക്കും വ്യക്തമായില്ല അല്ലെ..??? സ്കൂൾ ലൈഫൊക്കെ വിശദമായിട്ട് ഞാൻ പിന്നെ പറയാം…… ഒരുപാട് ചോദ്യങ്ങളുടെ ഉത്തരം എനിക്കും അവിടുന്ന് കിട്ടാനുണ്ട്)🔺
******************

അവളുടെ സൗന്ദര്യവും ആസ്വദിച്ച് വണ്ടിയിൽ ചാരിയങ്ങനെ നിൽക്കുമ്പഴാണ് പെട്ടന്ന് അവളുടെ നോട്ടം എന്നിലേക്ക്‌ തിരിഞ്ഞത്…. ആ നിമിഷം ഞാൻ നോട്ടം മാറ്റി പതിയെ വണ്ടിയുടെ സൈഡിലേക്ക് മാറി—- അവളുടെ ആ നോട്ടം വരുമ്പോൾ എന്തോ ഒരു വല്ലാത്ത ഭാരം നെഞ്ചിലേക്ക് അടിയുന്നതുപോലെ ഒരു തോന്നൽ…. എന്തായാലും തീരുമാനമെടുത്ത കാര്യത്തിൽ മാറ്റമൊന്നും വരുത്താൻ ഞാൻ ഉദ്ദേശിച്ചിരുന്നില്ല…. മനീഷിനെ വിളിച്ച് കാര്യങ്ങൾ ഒന്നൂടെ ഉറപ്പ് വരുത്തിയേക്കാം എന്ന് മനസ്സിൽ പറഞ്ഞുകൊണ്ട് ഞാൻ വീണ്ടും ഫോൺ കയ്യിലേക്കെടുത്തതും..

““അപ്പുവേട്ട അവര് ഇറങ്ങാൻ റെഡിയായിട്ടൊ””” എന്റെ അടുത്തേക്കുവന്ന അനിത പറഞ്ഞു.

““എന്ന അവരോട് ഇറങ്ങാൻ പറ പോയേക്കാം”” ഞാൻ മറുപടി പറഞ്ഞു..

ഇനി പോകുന്ന വഴിക്ക് മനീഷിനെ വിളിക്കാം എന്ന് മനസ്സിൽ പറഞ്ഞുകൊണ്ട് ഞാൻനേരെ ഡ്രൈവിംഗ് സീറ്റിലേക്ക് കയറി ഇരുന്നു— അവളെ വീണ്ടും ഫെയ്സ് ചെയ്യാനുള്ള മടികാരണം നേരത്തെ വണ്ടിയിൽ കയറി ഒളിച്ചു എന്നുവെണമെങ്കിലും പറയാം..

അപ്പഴേക്കും മിത്രയൊഴികെ ബാക്കിയുള്ളവർ വണ്ടിയുടെ അടുത്തേക്ക് വന്നുകഴിഞ്ഞിരുന്നു….. മിത്ര ഫോണിലൂടെ ആരോടൊ സംസാരിച്ചുകൊണ്ട് വീടിന്റെ സൈഡിലേക്ക് മാറി നിന്നു,…

““വീട്ടിലോട്ട് വല്ലോം വിളിക്കുവായിരിക്കും””” എന്ന് മനസ്സിൽ പറഞ്ഞുകൊണ്ട് ഞാൻ ഹാൻഡ്‌ബ്രേക്ക് റിലീസ് ചെയ്യാൻ തുടങ്ങിയതും…

ലക്ഷ്മി വണ്ടിയുടെ ഫ്രണ്ട് ഡോർ തുറന്ന് എന്റെ ഇടത് സൈഡിലെ സീറ്റിലേക്ക് ചാടിക്കേറി ഇരുന്നസേഷം ആ ഡോറും വലിച്ചങ്ങടച്ചു.

““നീയിതെങ്ങോട്ടാ ലെച്ചു.??”” ഞാൻ ചോദിച്ചു…

““ഞാനും വരുവ അപ്പുവേട്ടന്റെകൂടെ കാവാലത്തേക്ക്””” പല്ല് മുപ്പത്തിരണ്ടും കാണിച്ച്