Chapter Title : ❤️അനന്തഭദ്രം 2❤️ [രാജാ]

ചേട്ടനെ ഇട്ട് കുറേ ഓടിച്ചിട്ടുണ്ട്.. ഞാനും മിക്ക ദിവസവും വൈകുന്നേരം വരുമ്പോൾ ചേട്ടത്തിക്കുള്ള ബേക്കറി പലഹാരങ്ങൾ കൊണ്ട് വരുമായിരുന്നു... ആ സമയത്തു പുറത്തെ ഭക്ഷണം കഴിക്കുന്നത്‌ സേഫ് അല്ലാത്തത് കൊണ്ട് കുറേയൊക്കെ അമ്മ യൂട്യൂബിൽ നോക്കി കണ്ടു പഠിച്ചു ഉണ്ടാക്കി കൊടുക്കും. യോഗയും മറ്റും ചെയ്യുന്നത് കൊണ്ട് മുപ്പതുകളിലും body shape പെർഫെക്ട് ആയി മൈന്റൈൻ ചെയ്യുന്നുണ്ട് ഏട്ടത്തി.. ഗർഭിണി ആയിരുന്നപ്പോഴും ഡെലിവറിക്ക് ശേഷവും തടി വച്ചപ്പോൾ ആള് നന്നായി യോഗ ട്രെയിൻ ചെയ്തും ഫുഡ്‌ കണ്ട്രോൾ ചെയ്തും തടി കുറച്ചു.. നല്ല effort എടുത്തിരുന്നു അതിനു.. ഞങ്ങൾ ബാൽകണിയിൽ എത്തിയപ്പോൾ അവിടെ തിണ്ണയിൽ ഒരു പെൺകുട്ടിയുടെ മടിയിൽ ചിരിച്ചു കളിച്ചു ഇരിക്കുവായിരുന്നു ദേവൂട്ടി..ആ പെൺകുട്ടി ദേവൂനെ നല്ലോണം കാര്യമായി തന്നെ കൊഞ്ചിക്കുന്നുണ്ടായിരുന്നു.. ദേവൂട്ടിക്കും അവളെ ഒരുപാട് ബോധിച്ച പോലെ ആണ്.. ആ പെൺകുട്ടി... അത് അവൾ അല്ലേ.. നേരത്തെ കണ്ട.. ഇവൾ ആണോ അമ്മു..

അതെ കുറച്ചു മുന്നേ ഞാനുമായി കൂട്ടിയിടിച്ച ആ പെൺകുട്ടി തന്നെയായിരുന്നു അത്.. അവൾ ആകെ മാറിയ പോലെ.. നേരത്തെ കണ്ട ആ വാടിയ മുഖം അല്ല ഇപ്പൊ അവൾക്.. ഒരുപാട് ഹാപ്പി ആണ് അവളിപ്പോൾ.. പേടിയും ടെൻഷനും ഒന്നും ഇപ്പൊ കാണാൻ ഇല്ല.. ഞങ്ങളെ കണ്ടതും അവൾ ദേവൂട്ടിയെ എടുത്തു എഴുന്നേറ്റു നിന്നു.. എന്നെ കണ്ട അവൾ പാളി നോക്കിയ ആ ഒരു നോട്ടം.. എന്തോ പോലെ തോന്നി എനിക്ക്.. അത് വരെ ഉണ്ടായിരുന്ന അവളുടെ ചിരിയുടെ വോൾട്ടേജു ഒറ്റ അടിക്ക് കുറഞ്ഞ പോലെ.. ചിലപ്പോൾ ഞാൻ കാരണം ചീത്ത കേട്ടതിന്റെ നീരസം ആയിരിക്കാം എന്നോട്.. അതെ അവളുടെ അപ്പോഴത്തെ mindset നമുക്ക് ഊഹിക്കാം അല്ലോ.. "ഹാ കൊള്ളാലോ ഇവൾ ഇത്ര പെട്ടന്ന് കൂട്ടായോ നിന്നോട്..?? '' 'ഉവ്വ് ചേച്ചി.. ദേവു നല്ല കുട്ടി അല്ലേ.. അവൾ പെട്ടന്ന് എല്ലാരും ആയും കൂട്ടാകും അല്ലേ ദേവൂ..' അവൾ ദേവൂട്ടിയുടെ താടിയിൽ പിടിച്ചു കൊണ്ട് ചോദിച്ചു.. ദേവൂട്ടി ചിരിച്ചു കൊണ്ട് തലയാട്ടി.. "നിനക്ക് അറിയാഞ്ഞിട്ടാ മോളെ ഇവളെ.. ആരും ആയും അങ്ങനെ അടുക്കില്ല..