Chapter Title : ❤️അനന്തഭദ്രം 2❤️ [രാജാ]

വേണ്ട instructions എല്ലാം കൊടുക്കും.. ശേഷം എല്ലാം ക്രോസ്സ് ചെക്ക് ചെയ്തു മിസ്റ്റേക്ക് ഒന്നുമില്ല എന്ന് വെരിഫിക്കേഷൻ നടത്തിയിട്ടെ ഫയൽസ് ഞാൻ മാഡത്തിന് ഫോർവേഡ് ചെയ്യൂ.. ഇത് ഇന്നലെ ഞാൻ പോയതിനു ശേഷം സംഭവിച്ചത് ആണ്.. urgent ആയതു കൊണ്ട് മാഡം ചോദിച്ചപ്പോൾ അവർ അത് നേരെ മാഡത്തിനെ കാണിച്ചിട്ട് ഉണ്ടാകും.. എന്തായാലും എനിക്ക് മിനക്കെടായി.. മാഡം ആയതു കൊണ്ട് രക്ഷപെട്ടു. വേറെ വല്ലോരും ആയിരുന്നേൽ രാവിലെ തന്നെ വയറു നിറച്ചു കിട്ടിയേനെ ചീത്ത... എന്റെ കീഴിൽ ഉള്ളവർ ചെയ്യുന്ന മിസ്റ്റേക്ക്സ് നു എല്ലാം ഞാൻ റെസ്പോണ്ട്ന്റ് ആണ്... മുകളിൽ നിന്നും എനിക്ക് കിട്ടുന്ന ചീത്തവിളിക്ക് ഞാൻ അവരടെ അടുത്ത് വന്നു, കിട്ടിയത് എല്ലാം അവർക്കിട്ട് തന്നെ പറഞ്ഞു എന്റെ ദേഷ്യം തീർക്കും...അത് പിന്നെ അങ്ങനെ വേണല്ലോ..??? മാഡം പറഞ്ഞ ജോലി ഞാൻ ഉച്ചക്ക് മുന്പേ തന്നെ തീർത്തു..വരുന്ന ബുധനാഴ്ച കമ്പനി ബോർഡ്‌ മീറ്റിങ് ഷെഡ്യൂൾ ചെയ്തിട്ട് ഉണ്ട്.. അന്ന് present ചെയ്യേണ്ട ചില ഇമ്പോര്ടന്റ്റ്‌ ഫയൽസ് ആണ് അത്... ലഞ്ച് കഴിഞ്ഞു വന്നു മൊബൈൽ നോക്കിയപ്പോൾ ആണ് അമ്മയുടെ 3 മിസ്സ്ഡ് കാൾ.. ഏട്ടത്തിയും വിളിച്ചിരിക്കുന്നു..ഒരു മെസ്സേജ്ഉം അയച്ചിട്ടുണ്ട്.. ഫോൺ സൈലന്റ് മോഡിൽ ആയതിനാൽ ഞാൻ അറിഞ്ഞില്ല.

" ഈവെനിംഗ് നേരത്തെ വരാൻ നോക്ക്ട്ടാ" എന്നായിരുന്നു മെസ്സേജ്..' കാര്യം എന്തെന്ന് ആലോചിച്ചു പിടി കിട്ടാതിരുന്ന ഞാൻ അമ്മയുടെ നമ്പറിൽ വിളിച്ചു..ഫുൾ റിങ് ചെയ്തെങ്കിലും അമ്മ ഫോൺ എടുത്തില്ല.. പിന്നെ ഏട്ടത്തിയുടെ ഫോണിലേക്ക് വിളിച്ചു.. ഏട്ടത്തി ഫോൺ എടുത്തു.. "ടാ നീ ഇന്ന് നേരത്തെ വരില്ലേ എന്ന് അമ്മ ചോദിക്കാൻ പറഞ്ഞു വിളിച്ചതാണ്.. അമ്മ വിളിച്ചിട്ട് നീ എടുത്തില്ല എന്ന് പറഞ്ഞു.." 'എന്താ കാര്യം..?' "നാളെ അല്ലെ കാവുംപ്പാട്ടെ വീട്ടിലെ കല്യാണം.. ' 'അത് നാളെ അല്ലേ അതിനു ഇന്നെന്താ.. ' 'നീയും ചേട്ടനും നാളെ കല്യാണത്തിന് വരുന്നില്ലലോ അപ്പൊ നമ്മുക്ക് ഇന്ന് എല്ലാവർക്കും കൂടി അവിടെ ഒന്ന് പോയിട്ട് വരാം..അല്ലാതെ നാളെ ഇനി നിങ്ങൾ കല്യാണത്തിന് വരാതിരുന്നാൽ അത് മോശമല്ലേ..' 'ഞാനൊന്നുഉം ഇല്ല നിങ്ങ പൊക്കോ' "മര്യാദക്ക് വാടാ ചെക്കാ നീ.. ചുമ്മാ മുങ്ങാൻ നോക്കണ്ട.. അവർ അത്രയും കാര്യം ആയിട്ട് ക്ഷണിചിട്ടുള്ളതാ.. അപ്പോഴാ അവൻ വരുന്നില്ല പോലും.." 'ഞാനില്ല ഏട്ടത്തി നിക്ക് വയ്യാ..' ''ഒന്നും പറഞ്ഞിട്ട് കാര്യമില്ല മോനെ.. എല്ലാരും പോകുമ്പോൾ നീ മാത്രം വരാതിരിക്കുന്നത് മോശം അല്ലേടാ..