Chapter Title : ❤️അനന്തഭദ്രം 2❤️ [രാജാ]

അവളുടെ സന്തോഷം ആയിരിക്കും അവന്റെ എല്ലാം... "പൊന്ന് കൊണ്ട് മൂടി ഇല്ലേലും അവന്റെ നെഞ്ചിൽ അവളോട്‌ ഉള്ള സ്നേഹം അത് പൊന്നിനേക്കാൾ വില ഉള്ളതായിരിക്കും..❤️" ആക്കാര്യത്തിൽ ദീപ ഭാഗ്യവതി ആണ്... അപ്പോഴത്തെ ടെന്ഷന് അങ്ങനെ ഒക്കെ പറഞ്ഞു എങ്കിലും എനിക്ക് വിഷമം ആയിട്ടുണ്ടാകുമോ എന്ന് തോന്നിയിട്ട് ആവണം അവൻ എന്റെ അടുത്തു കിടന്നിരുന്ന കസേരയിൽ വന്നിരുന്നു തോളിൽ കൈ വച്ചു എന്നിട്ട് പറഞ്ഞു.. "ഞാൻ സ്ഥലത്തു ഇല്ലാത്തപ്പോ എന്റെ വീട്ടുകാർക്ക് ഒരാവശ്യം വന്നെന്നറിഞ്ഞു നീ ഓടി എത്തിയല്ലോടാ" ഞാൻ ഒന്ന് നോക്കിയപ്പോൾ അവന്റ മുഖത്ത് ഒരു ഓഞ്ഞ ഇളി.. "പോടാ മൈരേ " പെട്ടന്ന് വായിൽ വന്നത് അതാണ്....ഹല്ല പിന്നെ അവന്റെ ഒരു കൊണച്ച ഡയലോഗ്.. തെറി പതുക്കെ പറഞ്ഞത് കൊണ്ട് അവന്റെ വീട്ടുകാർ കേട്ടില്ല.. അടുത്ത് നിന്നിരുന്ന വിനു അത് കേട്ടു ചിരി തുടങ്ങി..പിന്നെ ഞങ്ങളും ചിരിച്ചു.. (എന് നൻപനെപ്പോൽ ആരും ഇല്ലേ ഇന്ത ഭൂമിയിലെ.....പോട്രാ അന്ത സോങ് വിത്ത്‌ BGM ???) ഞങ്ങളുടെ ചിരി കേട്ട് അവന്റെ വീട്ടുകാർ ഒരു വല്ലാത്ത നോട്ടം പാസ്സ് ആക്കി..ഭാര്യ അകത്തു അപകടം പറ്റി കിടക്കുമ്പോൾ ഭർത്താവ് ഇവിടെ ഇതാ കൂട്ടുകാരോടൊപ്പം ഇരുന്നു ചിരിച്ചു മറിയുന്നു... ഒരുപാട് വർഷം ആയിട്ടുള്ളതാണു ശരത്ഉം ആയുള്ള സൗഹൃദം..

ശരത് സ്വന്തം ആയി കാറ്ററിംഗ് യൂണിറ്റ് നടത്തുവാണ്. അവന്റെ അച്ഛൻ ആയിട്ട് തുടങ്ങി വച്ചതാണ്.. ഇപ്പൊ അവനാണ് എല്ലാം നോക്കി നടത്തുന്നത്.. അന്ന് ആക്‌സിഡന്റ് ആയ ദിവസം ഒരു വർക്കും ആയി എറണാകുളം പോയതായിരുന്നു അവൻ.. തൃശ്ശൂർ-കുന്നംകുളം റൂട്ടിൽ കേച്ചേരിയിൽ ആണ് അവന്റെ വീട്.. വീടിനോട്‌ ചേർന്നുള്ള സ്ഥലത്ത്‌ തന്നെ ആണ് കാറ്ററിംഗ് യൂണിറ്റ്.. ഞാനും അവനും പ്ലസ്ടു വരെ ഒരുമിച്ചു ആയിരുന്നു... ഞാൻ ഡിഗ്രിക്ക് ഗുരുവായൂർ ശ്രീകൃഷ്ണയിൽ ചേർന്ന്... അവനു മാർക്ക്‌ കുറവായിരുന്നു..അത് കൊണ്ട് അവനു റെഗുലർ കോളേജ്ഇൽ ഒന്നും സീറ്റ്‌ കിട്ടിയില്ല.. അതോടെ അവൻ ഡിഗ്രി മോഹം ഉപേക്ഷിച്ചു അച്ഛന്റെ കൂടെ കൂടി... അവനോട്‌ ഞാൻ distant ആയി ഡിഗ്രിക്ക് ജോയിൻ ചെയ്യാൻ പറഞ്ഞു.. ഞാൻ പഠിപ്പിച്ചു തരാം എന്നൊക്ക പറഞ്ഞു