Chapter Title : ❤️അനന്തഭദ്രം 7❤️ [രാജാ]

നിന്ന് ഉടുത്താൽ മുഷിഞ്ഞാലോ എന്ന് കരുതിയായിരിക്കും….. മുകളിലത്തെ നിലയിൽ ഞങ്ങളുടെ റൂം കൂടാതെ മറ്റൊരു റൂം കൂടി ഉണ്ട്…. വീട്ടിലേ ബാക്കിയെല്ലാവരുടെയും താമസം താഴ്ത്തെ നിലയിലെ റൂമുകളിൽ ആണ്…എന്നിരുന്നാലും ഞാൻ റൂമിലുള്ളപ്പോൾ ഭദ്ര ഡ്രസ്സ്‌ മാറാൻ വേണ്ടി

വേറെയൊരു റൂമിലേക്ക് പോകുന്നത് വീട്ടിലുള്ളവർ ശ്രദ്ധിച്ചാൽ അവരെന്തു വിചാരിക്കും എന്ന ചിന്തയും അവളെ അലട്ടുന്നുണ്ടാകാം….കുറച്ചു സമയം കഴിഞ്ഞു കാണും, മൊബൈലിൽ തോണ്ടിക്കൊണ്ടിരിക്കെ കവിളിൽ അധരത്തിന്റെ നനവറിഞ്ഞതും ഞാൻ പെട്ടെന്ന് തിരിഞ്ഞു നോക്കി…..സെറ്റ് സാരിയൊക്കെ ഉടുത്ത് സുന്ദരിക്കുട്ടിയായി നിൽക്കുവാണ് പെണ്ണ്….ഞൊടിയിടയിൽ ആ കൈത്തണ്ടയിൽ പിടിച്ച് അവളെ എന്റെ നെഞ്ചിലേക്ക് വലിച്ചിടാൻ ഞാനൊരു വിഫലശ്രമം നടത്തി നോക്കി…ഒരു പക്ഷെ എന്റെയാ നീക്കം മുൻകൂട്ടി കണ്ടതിനാലാകാം അവൾ കുതറി പിന്നിലേക്ക് മാറി ഓടിക്കളഞ്ഞത്…..സാരിത്തലപ്പ് അരയിലൂടെ ചുറ്റിപ്പിടിച്ച്‌ ഞൊറിഞ്ഞുടുത്ത ഭാഗം തെല്ലുയർത്തി കൊണ്ട് ഓടുന്ന ഭദ്രയുടെ പിന്നാലെ ഞാൻ പാഞ്ഞെങ്കിലും അവൾ എനിക്ക് പിടി തരാതെ സ്റ്റയർകേസ് ഇറങ്ങി ഓടിക്കളഞ്ഞു….താഴെയെത്തി എന്നെ നോക്കികൊണ്ട്‌ ഘോഷ്ടി കാണിച്ചു കളിയാക്കുന്ന ഭദ്രയെ നോക്കി ഞാൻ മീശ പിരിച്ചു,,’നിന്നെ ഞാൻ എടുത്തൊളാം പെണ്ണേ’ എന്ന മട്ടിൽ….. അധികം താമസിയാതെ തന്നെ ഞങ്ങളെല്ലാവരും അമ്പലത്തിലേക്ക് പുറപ്പെട്ടു…അമ്പലത്തിൽ എത്തുമ്പോൾ ദീപാരാധനയുടെ സമയമായിരുന്നു….. നവരാത്രി മഹോത്സവമായതു നല്ല തിരക്കുണ്ട്,….ഞാനും അച്ഛനും ചേട്ടനും തൊഴുതിറങ്ങിയിട്ടും നമ്മുടെ പെൺപട അപ്പോഴും ചുറ്റമ്പലത്തിനുള്ളിൽ നിന്നും പുറത്തിറങ്ങിയിട്ടില്ല…മൂന്ന് പേർക്കും ഇനിയും ഭഗവതിയെ തൊഴുത് മതിയായിട്ടില്ലന്ന് തോന്നുന്നു….എന്തായാലും ഈക്കാര്യത്തിൽ മൂന്നിനേയും വെല്ലാൻ പറ്റില്ല……ഭക്തിയുടെയും ദൈവവിശ്വാസത്തിന്റെയും കാര്യത്തിൽ….മൂന്നാളും കട്ടയ്ക്ക് കട്ടയാ……അമ്മയും ഏട്ടത്തിയും ഭദ്രയും,, ഒരു രക്ഷയുമില്ല…..ഈ തിരക്കിനിടയിലും മൂന്നാളും അത്യാവശ്യം കുറെ വഴിപാടുകൾ ശീട്ടാക്കിയിട്ടുണ്ട്…..അതിന്റെ പ്രസാദം വാങ്ങാൻ കൂടി കാത്തു നിന്നിട്ടാണ്