Chapter Title : അനസൂയ [Krish]

അനസൂയ പറഞ്ഞു.
"അനസൂയ മറന്നതായിരിക്കും. കഴിഞ്ഞ തവണ മില്ലിൽ വന്നപ്പോൾ ഞാൻ ഇതിനെപ്പറ്റി സൂചിപ്പിച്ചിരുന്നു. പക്ഷേ അന്ന് അതിൽ താമസക്കാരുണ്ടായിരുന്നല്ലോ."
"ഓ അത് ശരിയാ."
അനസൂയ തലയാട്ടി.

നാലോ അഞ്ചോ കിലോമീറ്റർ ദൂരമേ സഞ്ചരിക്കേണ്ടി വന്നുള്ളൂ. ചുറ്റും കുറെ മാവുകൾ ഉണ്ടെങ്കിലും ഒറ്റപ്പെട്ടതെന്ന് തോന്നുന്ന ഒരു ബിൽഡിംഗ് ആയിരുന്നു അത്.
രണ്ടു നിലകളിലായി നാലു വീടുകളുള്ള ഒരു കോംപ്ലക്സ്. വീടിനു മുന്നിൽ കാർ പാർക്ക് ചെയ്തു സണ്ണി പുറത്തിറങ്ങി.
അനസൂയയും പുറത്തിറങ്ങി.
"വരൂ."
സണ്ണി അവളെ മുകളിലത്തെ നിലയിലുള്ള ഫ്ലാറ്റിലേക്കാണ് നയിച്ചത്. സ്റ്റെപ്പിനടുത്ത് എത്തിയപ്പോൾ അവൾക്ക് വഴി മാറി കൊടുത്ത് മുകളിലേക്ക് കയറാൻ ചിരിച്ചുകൊണ്ട് അവൾക്ക് നേരെ അയാൾ ആംഗ്യം കാട്ടി.
"വലതുകാൽ വച്ച് സ്റ്റെപ്പ് കയറിക്കോളൂ."
അനസൂയ സ്റ്റെപ്പ് കയറാൻ തുടങ്ങി. തൊട്ടുപിന്നിലായി സണ്ണിയും. സ്റ്റെപ്പുകൾ കയറുമ്പോൾ അയാളുടെ കണ്ണുകൾ തൻറെ നിതംബത്തിൽ ആയിരിക്കുമെന്ന് അവൾക്കു ഉറപ്പായിരുന്നു.
പക്ഷേ ഇതൊക്കെ പ്രതീക്ഷിച്ചു തന്നെയല്ലേ താനിവിടെ വന്നത്?
വാതിൽക്കൽ എത്തി താക്കോൽ എടുത്ത് വാതിൽ തുറക്കുമ്പോൾ അയാളുടെ കൈകൾ അവളുടെ ദേഹത്ത് ഉരസി.
അവസരങ്ങൾ സൃഷ്ടിക്കാൻ ഉള്ള വഴികൾ. അവൾ മനസ്സിൽ ഓർത്തു.

വീടിന്റെ അകം വിശാലമായിരുന്നു. രണ്ടു ബെഡ്റൂമും കിച്ചനും ഒരു ഹാളും. ഹാളിൽ ഒരു വശത്തായി രണ്ട് സെറ്റ് സോഫകളും മറുവശത്തായി ഒരു ഡൈനിങ് ടേബിളും ഉണ്ട്. ഒരു ബെഡ്റൂമിന് ചെറിയൊരു ബാൽക്കണിയുമുണ്ട് പിൻഭാഗത്തായി.
ബെഡ്റൂമിലേക്ക് കടന്നതും നന്നായി വിരിച്ച് തയ്യാറാക്കി വച്ചിരിക്കുന്ന ബെഡ് തന്നെയാണ് ആദ്യം അനസൂയ ശ്രദ്ധിച്ചത്.
ഇന്ന് ഇവിടെ തന്റെ കൂടെ കിടക്കാം എന്ന് സണ്ണി ചിലപ്പോൾ സ്വപ്നം കാണുന്നുണ്ടായിരിക്കുമെന്ന് അവൾക്ക് തോന്നി.
മനസ്സിൽ ചെറിയ ഒരു പേടി തോന്നാതിരന്നില്ല. പക്ഷേ ഒരു ചെറിയ കള്ളം സംരക്ഷിക്കാൻ വേണ്ടി ഏത് ബലപ്രയോഗത്തിനും താൻ വഴങ്ങി കൊടുക്കും എന്ന് അയാൾ വിശ്വസിക്കില്ല എന്ന് അവൾക്ക് ഉറപ്പുണ്ടായിരുന്നു. തന്റെ ഇഷ്ടത്തോടുകൂടി മാത്രമേ എന്തെങ്കിലും നടക്കൂ എന്ന് മനസ്സിലാക്കിയാൽ അയാൾക്ക് കൊള്ളാം. അവൾ സ്വയം ധൈര്യപ്പെടുത്തി.

"ഇത് മുഴുവനും സണ്ണിയുടെ പ്രോപ്പർട്ടി ആണോ?"
അനസൂയ ചോദിച്ചു.
"അതെ." അയാൾ പുഞ്ചിരിച്ചു. "അനസൂയക്ക് ഇഷ്ടപ്പെട്ടോ?"
"പിന്നെന്താ ഇഷ്ടമായി."