Chapter Title : അഞ്ചന ചേച്ചി 6 [Eros - God of Lust] [Climax]

നിന്നോട് ഒരു ചോദ്യം.”

“എന്റെ ചേട്ടാ, വെറുതെ ഇങ്ങനെ ടെൻഷൻ അടിപ്പിക്കാതെ കാര്യം പറയ്.” ഞാൻ അക്ഷമനായി പറഞ്ഞു.

ഞാനും അഞ്ചനയും തമ്മിലുള്ള എന്തെങ്കിലും കാര്യം അയാള്‍ അറിഞ്ഞെന്ന് മനസ്സിൽ പേടിച്ചാണ് ഇരുന്നത്. അവളുടെ മുഖത്തും പേടി ഞാൻ കണ്ടു.

പക്ഷേ സന്തോഷ വാര്‍ത്ത എന്നല്ലേ ചേട്ടൻ പറഞ്ഞത്? അപ്പൊ ഞങ്ങളുടെ കാര്യം ആയിരിക്കില്ല.

“അഞ്ചനക്ക് നിന്റെ കമ്പനിയില്‍ ഒരു ജോലി കൊടുക്കുമോ?” പെട്ടന്ന് അയാള്‍ ചോദിച്ചു.

അതുകേട്ട് ഞാനും അവളും ഒരുപോലെ വായ പൊളിച്ചതും അയാള്‍ പൊട്ടിച്ചിരിച്ചു.

“ജോലിക്ക് വിടുന്നത് ഇഷ്ട്ടമില്ല എന്നല്ലേ പറഞ്ഞത്. പിന്നെ ഇപ്പൊ എന്തുപറ്റി?” ആശ്ചര്യത്തോടെ ഞാൻ ചോദിച്ചു.

“അവളുടെ സ്ഥാനത്ത് നിന്ന് ഞാനൊന്ന് ചിന്തിച്ചു നോക്കിയായിരുന്നു. ഇത്രയൊക്കെ പഠിച്ചിട്ട് ജോലിക്ക് പോകാൻ കഴിഞ്ഞില്ലെങ്കിൽ പിന്നേ പഠിച്ചിട്ട് എന്തു കാര്യം?” എന്തോ ഞാൻ കാരണം അവൾ ജോലിക്ക് പോകുന്നില്ല എന്ന പോലെ അയാള്‍ എന്നോട് ചോദിച്ചു.

“ശെരിയാ, ജോലിക്ക് പോകാൻ താല്‍പര്യം ഉണ്ടെങ്കിൽ ജോലിക്ക് പോകുക തന്നെ വേണം.” ഞാൻ സമ്മതിച്ചു.

“പിന്നേ ഏറിയ സമയവും അവള്‍ ഇവിടെ ഒറ്റക്കല്ലേ?” അത് കൂടാതെ ശമ്പളം കൂടി കിട്ടുമ്പോ ഞങ്ങൾക്ക് കയ്ക്കുമോ?”

പെട്ടന്ന് അവൾടെ മുഖത്ത് വിരിഞ്ഞ ചിരിയും ഉന്‍മേഷവും ആഹ്ലാദവും കണ്ടിട്ട് ചേട്ടൻ പോലും സന്തോഷിച്ചു. അന്നേരവും അയാളുടെ കണ്ണിലെ ആ നിഗൂഢ തിളക്കം എന്നെ ഭയപ്പെടുത്തി.

അവളുടെ ആഗ്രഹം സാധിച്ചു കൊടുത്ത് അവളെ അയാളുടെ നിയന്ത്രണത്തിൽ കൊണ്ടുവരാൻ ശ്രമിക്കുന്നത്‌ പോലത്തെ ഒരു തോന്നലാണ് എനിക്കുണ്ടായത്.

പക്ഷേ തല്‍ക്കാലത്തേക്ക് അതെല്ലാം എന്റെ മനസ്സിൽ തന്നെ ഞാൻ മറച്ചു വച്ചുകൊണ്ട്‌ അയാളെ നോക്കി.