Chapter Title : അനിത മിസ്സും അമലും 2 [അർജുൻ]

അപ്പോൾ ഞാൻ കരുതിയപോലെ കുഴപ്പക്കാരി അല്ല അവൾ എന്ന്‌ മനസിലായി.. അത്കൊണ്ട് തന്നെ പഠനാപരമായ സംശയങ്ങളിൽ ഞാൻ അവളെ സഹായിച്ചു.. എന്റെ ഫോൺ നമ്പറും കൊടുത്തു..വളരെ ഫോർമൽ ആയുള്ള ഫ്രണ്ട്ഷിപ്.. സത്യത്തിൽ എനിക്ക് ജിത്തുനെ ഒന്നുമില്ലായിരുന്നു പേടി.. ഇനി അവൻ എന്റെ മെക്കിട്ട് കേറിയാൽ കഴിഞ്ഞ തവണത്തെ പോലെ അനിതേച്ചിയെ പിടിച്ചു നിർത്തൽ സാധ്യമാവില്ല. അങ്ങനെ ഓരോ ദിവസം കഴിയുംതോറും ചേച്ചിയും ഞാനും തമ്മിൽ ഒരുപാടൊരുപാട് കാര്യങ്ങൾ സംസാരിക്കാൻ തുടങ്ങി.. എന്നും കിടക്കുമ്പോൾ സംസാരിച്ചിട്ടേ ഞങ്ങൾ ഉറങ്ങൂ.. വീഡിയോ കാൾ ആണ് പതിവ്.. ഇന്ന് ആ മുഖം കാണാതെ എനിക്കുറക്കം വരില്ല എന്നായി.. ചേച്ചി അറിയാതെ ഞാൻ അവരെ ഒരുപാടൊരുപാട് ഇഷ്ടപെടുന്നു എന്നെനിക്ക് അറിയാം.. പക്ഷെ ആ ഇഷ്ടം മനസിൽ തന്നെ ഇരിക്കാൻ ആണ് ഞാനും ആഗ്രഹിച്ചത്.. ഇന്ന് എന്റെ 4 ബുക്കുകൾ നിറയെ ചേച്ചിയെ പറ്റിയുള്ള വരികൾ ആണ്..പണ്ടേ കുറച്ച് എഴുത്തും വരയും എനിക്കുണ്ട്.. ആരുടേം മുന്നിൽ പ്രദർശിപ്പിക്കാറില്ല എന്ന്‌ മാത്രം..ആ 4 ബുക്കുകളിലും ചേച്ചി മാത്രമേ ഉണ്ടാകാറുള്ളൂ.. ഒന്നിൽ കഥകൾ, വേറൊന്നിൽ ഓരോ ദിവസത്തെയും ചില സംഭവങ്ങൾ, മറ്റേതിൽ കവിതകൾ, ഒരു ബുക്കിൽ എന്റെ കണ്ണിലെ ചേച്ചിയുടെ ചിത്രങ്ങൾ..എന്റെ ഉള്ളിലെ ഇഷ്ടം നിറയെ ഞാൻ അവിടെ ആണ് സമർപ്പിക്കുക..എന്നും കുറിക്കാൻ എന്തെങ്കിലും സ്പെഷ്യൽ കാണും... കുറെ സംസാരങ്ങൾക്ക് ശേഷമാണ് ചേച്ചി അവരുടെ പേർസണൽ ലൈഫ് ഓപ്പണാക്കി തുടങ്ങിയത്..

അനിത ചേച്ചി ഒരു ഡിവോഴ്സീ ആണ് എന്ന വിവരം ഞാൻ അപ്പോൾ ആണറിഞ്ഞത് .. ഒരു മോനാണ് ഉള്ളത്.. അവൻ അച്ഛന്റെ കൂടി താമസിക്കാൻ ആണിഷ്ടം എന്ന്‌ കോടതിയോട് പറഞ്ഞു. അവർ ദുബായിൽ ആണ്.. വളരെ പൈസക്കാരനും നല്ല കുടിയനുമായ അയാളെന്റെ ചേച്ചിയെ എത്രമാത്രം മാനസികമായും ശാരീരികമായും വേദനിപ്പിച്ചു എന്നെനിക്ക് ഇന്നറിയാം.. ഞാൻ അനിതേച്ചിയുടെ ഓരോ കഥ കേൾക്കുമ്പോഴും ഞാൻ കരഞ്ഞ കാരണത്തിനൊക്കെ പുച്ഛം തോന്നും..ആ മകൻ കൂടി ഈ പാവത്തെ ഉപേക്ഷിച്ചത് അങ്ങേരുടെ കയ്യിലെ പൂത്ത കാശുകൊണ്ടാണ് എന്ന്‌ അറിഞ്ഞപ്പോൾ എനിക്ക് സഹിക്കാൻ പറ്റിയില്ല..നിറകണ്ണുകളോടെ അല്ലാതെ ഇതേപ്പറ്റി അനിതേച്ചി സംസാരിക്കാറില്ല.. പക്ഷെ ചേച്ചിയെ ആശ്വസിപ്പിക്കാനോ ഇതോർത്ത്