Aniyumayi oru kali

എല്ലാവരും ആനിക്ക് പിറന്നാള്‍ ആശംസ നേരാന്‍ മത്സരിക്കുകയായിരുന്നു ഞങ്ങളുടെ ഓഫീസില്‍.പ്രോഗ്രാം മാനേജര്‍ മുതല്‍ പ്യൂണ്‍ വരെ എല്ലാവരുടെയും കണ്ണിലുണ്ണി ആയിരുന്നു ആനി.ഞങ്ങളുടെ ചാനെലിന്റെ “അവിശ്വസനീയം” എന്ന പ്രോഗ്രാമിന്റെ ചുമതല അതിന്റെ സ്ക്രിപ്റ്റ്‌ എഴുത്ത് സംവിധാനം എന്നിവ ആയിരുന്നു അവളുടെ പ്രധാന ജോലികള്‍. എല്ലാ ആഴ്ചയിലും വ്യത്യസ്തമായ പ്രമേയങ്ങള്‍ കണ്ടെത്താനും അതിനോടനുബന്ധിച്ചുള്ള ഗവേഷണങ്ങള്‍ നടത്താനും അവള്‍ക്കുള്ള ആ കഴിവിനെ ഞാന്‍ രഹസ്യമായി പ്രശംസിച്ചിട്ടുണ്ട്.അവളുടെ പ്രോഗ്രാമിന്റെ ക്യാമറമാന്‍ എന്ന നിലക്ക് എന്നും എനിക്ക് അവളോടൊത്തു പ്രവര്‍ത്തിക്കാന്‍ കഴിഞ്ഞിട്ടുണ്ട് എന്നത് സ്വകാര്യമായ ഒരു അഹങ്കാരം ആയി കൊണ്ട് നടക്കാറുണ്ടായിരുന്നു ഞാന്‍.
“ഹാപ്പി ബര്‍ത്ത്‌ഡേ ആനി…” അവള്‍ കാബിനിലേക്ക് തിരക്കുകള്‍ ഒഴിഞ്ഞു വന്നപ്പോള്‍ ഞാന്‍ ആശംസിച്ചു.
” താങ്ക് യു…” ആനി മധുര സ്വരത്തില്‍ പ്രതിവചിച്ചു കൊണ്ട് തനിക്ക് ലഭിച്ച പൂച്ചെണ്ടുകള്‍ മേശ മുകളില്‍ വെച്ചു.
” ഇത് എത്രാമത്തെ പിറന്നാളാടോ ?”
“ഇരുപത്തി നാലാമത്തെ …സ്വീറ്റ്‌ ട്വന്റി ഫോര്‍ …..” ആനി ചിരിച്ചു.
” എന്തൊക്കെയാണ് പ്ലാന്‍ ?
” ഊഫ് …സൊ ഹെക്ടിക് കെ പി….മൂന്ന് ദിവസം ആയി ഒരു പ്രൊജെക്ടിനു പിറകെ… നിന്ന് തിരിയാന്‍ പറ്റുന്നില്ല ….എന്തിനു ഒന്ന് മൂത്രം ഒഴിക്കാന്‍ പോലും സമയം കിട്ടുന്നില്ല. ഞാന്‍ പറഞ്ഞില്ലേ.. അന്നത്തെ ആ കടല പൊതിയില്‍ വായിച്ച “കൊത്തം കുളങ്ങര” ഇല്ലത്തിന്റെ വിചിത്ര ആചാരത്തെ കുറിച്ച്…..ഒരു എത്തും പിടിയുമില്ലാത്ത ഏതു പുസ്തകത്തിന്റെ ഏടാണ് എന്ന് പോലും അറിയാത്ത ആ ലേഖനത്തിന് പുറകെ ആയിരുന്നു ഞാന്‍ ഈ മൂന്ന് ദിവസവും.കിട്ടിയ ഊഹാപോഹങ്ങള്‍ വെച്ചു ചെറിയൊരു സ്ക്രിപ്റ്റ്‌ ചെയ്തു