Chapter Title : അഞ്ജലീപരിണയം 5 [സിദ്ധാർഥ്] [Climax]

അവൾ കാണാത്ത പോലെ പ്രണവിന്റെ കൂടെ നടന്നു.കാർ എടുത്ത് അവർ വീട്ടിലേക്ക് തിരിച്ചു.

പിറ്റേന്ന് രാവിലെ ഓഫീസിൽ പോകേണ്ടത്കൊണ്ട് അവൾ നേരെത്തെ എഴുനേറ്റു. പതിവ് യോഗയും അടുക്കളയിലെ പണികളും എല്ലാം കഴിഞ്ഞ് അവൾ കുളിക്കാൻ കേറി. ഒരു മീറ്റിംഗ് ഉള്ളത് കൊണ്ട് പ്രണവ് നേരെത്തെ കുളിച്ച് റെഡിയാവുകയായിരുന്നു. ടേബിളിൽ ഇരുന്ന തന്റെ ഫോൺ എടുക്കാൻ തുടങ്ങിയപ്പോ അതിന് അടുത്ത് ഇരുന്ന അഞ്ജലിയുടെ ഫോണിൽ ഒരു നോട്ടിഫിക്കേഷൻ വന്നു.സ്ക്രീൻ തെളിഞ്ഞപ്പോ അവന്റെ കണ്ണ് അവളുടെ ഫോണിൽ പതിച്ചു. ലോക്ക് സ്ക്രീൻ നോട്ടിഫിക്കേഷനിൽ തെളിഞ്ഞ പേര് കണ്ട് അവൻ ഞെട്ടി.

"അലക്സ്‌....! ഇവൻ എന്താ ഇവൾക്ക് മെസ്സേജ് അയക്കുന്നെ....?"

അവൻ അവളുടെ ഫോൺ എടുത്ത് പാസ്സ്‌വേർഡ്‌ അറിയുന്നത് കൊണ്ട് അൺലോക്ക് ചെയ്ത് മെസ്സേജ്സ് ഓൺ ആക്കി. അതിൽ അലക്സിന്റെ മെസ്സേജ് എടുത്തു.

"ഇന്ന് ഓഫീസ് ബിൽഡിംഗ്‌ന്റെ എൻട്രൻസിൽ കാണണം. എനിക്ക് സംസാരിക്കണം...."

ഇതായിരുന്നു ആ മെസ്സേജ്. അത് വായിച്ച് പ്രണവിന്റെ നെഞ്ച് ചെറുതായി ഇടിക്കാൻ തുടങ്ങി.ആ സമയം ബാത്റൂം ഡോർ തുറക്കുന്ന സൗണ്ട് കേട്ട് അവൻ ഫോൺ വേഗം തിരിച്ചു വച്ചു. അഞ്ജലി കുളി കഴിഞ്ഞ് ടവൽ ചുറ്റി ഇറങ്ങി വന്നു.

"ആഹാ റെഡിയായോ, നേരെത്തെ പോണോ....?"

"അഹ് ഒരു ക്ലയന്റ് മീറ്റിംഗ് ഉണ്ട്...."

"അപ്പോ ഞാൻ ഊബർ വിളിച്ച് പോവേണ്ടി വരും. ഹ്മ്മ് ശെരി...."

"ഞാൻ ഇറങ്ങാ ബൈ...."

അവൻ ബാഗ് എടുത്ത് വേഗം ഇറങ്ങി. അഞ്ജലി കണ്ണാടിയിൽ നോക്കി മുടി അഴിച്ച് വിടർത്തി നിന്നു. കാറിൽ ഓഫീസിലേക്ക് പോകും വഴി പ്രണവിന്റെ മനസ്സിൽ ചോദ്യങ്ങൾ കൊണ്ട് നിറഞ്ഞു.

"എന്തിനാണ് അവൻ അവൾക്ക് മെസ്സേജ് അയച്ചത്, എന്നോട് പറയാതെ അവർ രഹസ്യമായി കാണാറും ചാറ്റ് ചെയ്യാറുമുണ്ടോ....? ഏയ് അവൾ അങ്ങനെ ചെയ്യില്ല. എന്നാലും എന്തിനാണ് അവൻ കാണണം എന്ന് പറഞ്ഞത്. എന്തായാലും അറിയണം...."

അവൻ കാർ വേഗത്തിൽ ഓടിച്ചു. ഓഫീസിൽ എത്തി തന്റെ യു എസ് ക്ലയന്റുമായുള്ള ഒഫീഷ്യൽ ഡിസ്ക്രിപ്ഷൻ കഴിഞ്ഞ് ബാക്കി പ്രസന്റേഷൻ ജൂനിയർസിനെ ഏല്പിച്ച് അവൻ ഓഫീസിൽ നിന്ന് ഇറങ്ങി.

അഞ്ജലി ഊബർ വിളിച്ച് ഓഫീസിലേക്ക് എത്തി.