Chapter Title : അഞ്ചു ശരങ്ങൾ 1 [കബനീനാഥ്]

സഞ്ജുവിനെ വിട്ടൊഴിഞ്ഞില്ല…

അവൻ സംസാരിക്കുവാൻ ശ്രമിച്ചതും ഡോക്ടർ കയ്യെടുത്തു തടഞ്ഞു…

“ എന്നെ വിശ്വസിക്കുക… ദൈവത്തേയും… കൂടെയുള്ളവരെയും സമാധാനിപ്പിക്കുക… “

ഡോക്ടർ തിരിഞ്ഞു…

അല്പം ആശ്വാസം തോന്നിയ സഞ്ജു, കസേരയിൽ ചാരിയിരുന്നു തേങ്ങുന്ന അഞ്ജുവിനരികിലേക്കു വന്നു…

“ വാ……. എഴുന്നേൽക്ക്.. നമുക്കോരോ കാപ്പി കുടിക്കാം……..”

“വേണ്ട ചഞ്ചു….”

“ വരാൻ…….”

പിന്നെ അഞ്ജു അവിടെ ഇരുന്നില്ല…

അവന്റെ പിന്നാലെ ചെന്നു…

കോറിഡോറിലെ കസേരയിലിരുന്ന ദേവി ചേച്ചി , അവരെ കണ്ട് എഴുന്നേറ്റു…

“അമ്മയ്ക്ക്…….?”

“ കുഴപ്പമില്ല… …. ചേച്ചി , വാ:... നമുക്കോരോ കാപ്പി കുടിക്കാം…… “

“ എനിക്കു വേണ്ട മോനേ……”

അവർ പറഞ്ഞൊഴിഞ്ഞു…

രാത്രിയായതിനാൽ കാന്റീനിൽ തിരക്കില്ലായിരുന്നു..

ഓരോ കാപ്പിക്ക് ഓർഡർ കൊടുത്ത ശേഷം, സഞ്ജു അവളെയും കൂട്ടി , ഒഴിഞ്ഞ കോണിലേക്കിരുന്നു…

“ചഞ്ചു പറഞ്ഞതു കൊണ്ടാ, ഞാനമ്മയോട് ആ സംഭവം പറയാമെന്ന് വെച്ചത്… ഒറ്റയടിക്ക് അമ്മയ്ക്ക് അതൊന്നും താങ്ങാൻ പറ്റിക്കാണില്ല…….. “

അവനെന്താണ് ചോദിക്കുവാനുള്ളതെന്ന് അവൾ മനസ്സിലാക്കിയിരുന്നു…

ഇടതു കൈയുടെ പുറം ഭാഗം കൊണ്ട് അവൾ മിഴികൾ തുടച്ചു…

“മോൾ അതോർത്ത് വിഷമിക്കണ്ട… ഒന്നും ആരുടെയും കുറ്റം കൊണ്ടല്ല…”

അവൻ അവളെ ആശ്വസിപ്പിച്ചു…

അമ്മ പാവമാണ്…

വയസ്സായിത്തുടങ്ങിയിരിക്കുന്നു…

ശരീരവും മനസ്സും ശോഷിച്ചു തുടങ്ങുന്ന കാലവും…

തന്റെ രണ്ടു മക്കളുടേയും ജീവിതം കൺമുന്നിൽ , ഒരേ കാലയളവിൽ തകർന്നു പോകുന്നത് ഏതമ്മയ്ക്കാണ് സഹിക്കാൻ കഴിയുക…….?

അഞ്ജുവിനെ , തിരികെ മുറിയിലാക്കിയ ശേഷം . അവൻ നീളൻ വരാന്തയിലെ കസേരകളിലൊന്നിൽ വന്നിരുന്നു…

അനുപമ….!

പത്തിൽ ഏഴ് പൊരുത്തം…

മാങ്ങാത്തൊലി…… !!!

കോപ്പിലെ ജാതകം…

മനസ്സുകളുടെ ഐക്യത്തോളം മറ്റൊന്നിനും പ്രാധാന്യമില്ലെന്ന് അവൻ തിരിച്ചറിഞ്ഞു തുടങ്ങുകയായിരുന്നു…

അവൾ വന്ന ശേഷമാണ് കുടുംബം മുടിഞ്ഞു തുടങ്ങിയത്…

കലഹങ്ങൾ…

അസ്വാരസ്യങ്ങൾ…

ഉണ്ടായിരുന്ന നല്ലൊരു ജോലിയും പോയിക്കിട്ടി…

പ്രത്യക്ഷമായി അനുപമ തെറ്റുകാരിയല്ലെങ്കിലും അഞ്ജുവിന്റെ ഇന്നത്തെ അവസ്ഥയ്ക്ക് കാരണം അവളാണ്…

അമ്മയുടെ അവസ്ഥയ്ക്കും കാരണക്കാരി മറ്റാരുമല്ല…

അമ്മ, ഇങ്ങനെ കിടക്കുമ്പോൾ അവൾ വീട്ടിൽ സുഖനിദ്രയിൽ…….

ഞാൻ വരണോ എന്നു പോലും അവൾ ചോദിച്ചിട്ടില്ല…

സഞ്ജു അറിയാതെ പല്ലിറുമ്മിപ്പോയി…

ഒരു കുട്ടിയായാൽ അവൾക്ക് കുറച്ചു മാറ്റം വരുമെന്ന