Chapter Title : അഞ്ചു ശരങ്ങൾ 2 [കബനീനാഥ്]

അവൻ ദീർഘശ്വാസമെടുത്തുകൊണ്ട് വീണ്ടും കിടന്നു…

“രച്ചു നല്ല ഉറക്കം… എനിക്കുറക്കം വരുന്നില്ല…….”

“എന്റെ പൊന്നാവേ… നീ പകലു കിടന്ന് ഉറങ്ങിയതല്ലേ… ഞാനുറങ്ങിയിട്ട് നാലഞ്ചു ദിവസമായി… “

ചെറിയ നീരസം അവന്റെ സ്വരത്തിലുണ്ടായിരുന്നു…

“ എന്നാലുറങ്ങിക്കോ…….”

അവൾ എഴുന്നേറ്റു…

“ നീ കാര്യം പറ…….”

“ ഒന്നുമില്ലെന്നേ…….”

“ പറയെന്ന്……….....”

“മ്ചും……….....”

“ എന്നാൽ വേണ്ട…”

സഞ്ജു, ചെരിഞ്ഞു കിടന്നു..

കുറച്ചു നിമിഷങ്ങൾ കഴിഞ്ഞതും അവൾ വീണ്ടും തന്റെയടുത്തു കിടക്കുന്നത് അവനറിഞ്ഞു…

ഇനി ഒറ്റയ്ക്കു കിടക്കാനിവൾക്ക് പേടിയായിത്തുടങ്ങിയോ… ?

സഞ്ജുവിന് സംശയം തോന്നി…

“ചഞ്ചൂ……….....”

പിന്നാലെ വിളി വന്നു…

“ ഉം……. “

ഉറക്കത്തിലെന്നപോലെ അവൻ മൂളി..

“ ഞാനൊരു കാര്യം പറഞ്ഞാലനുസരിക്ക്യോ…?”

“ കാര്യം പറ……….....”

“ അനുസരിക്കോന്ന് പറ… ….”

“ കാര്യമറിയാതെയെങ്ങനാ… ?”

വീണ്ടും കുറച്ചു നിമിഷങ്ങൾ കടന്നുപോയി…

“ചഞ്ചു പൊയ്ക്കോ… എനിക്കു പ്രശ്നമൊന്നുമില്ല… ജോലിയില്ലാതെ എങ്ങനാ……. “

കുറച്ചു കഴിഞ്ഞ് അഞ്ജു പതിഞ്ഞ ശബ്ദത്തിൽ പറഞ്ഞു…

സംഗതിയുടെ കിടപ്പ് സഞ്ജുവിന് മനസ്സിലായി…

ചുമ്മാതല്ല റിമോട്ടും വലിച്ചെറിഞ്ഞു മിണ്ടാതെ പോയത്…

“എങ്ങോട്ട്…….?”

“ ദുബായ്ക്ക്… ….”

“ പോയിട്ട്……..?”

“അവിടെ നല്ല വേക്കൻസിയാണെന്ന് ചഞ്ചുവല്ലേ പറഞ്ഞത്…?”

“അതിന്…….?”

“പോണംന്ന്…”

“ആര്……..?”

“ചഞ്ചു…….”

“അപ്പോ നീയും മോളും അമ്മയുമൊക്കെ…….?”

“ഞ..ങ്ങളിവിടെ………”

അഞ്ജുവിന്റെ സ്വരം പതറിത്തുടങ്ങിയിരുന്നു… ….

“ ഒറ്റയ്ക്കോ…….?”

“ ഒറ്റയ്ക്കല്ലേലോ… മൂന്നുപേരില്ലേ…….”

വാക്കുകളിൽ വിങ്ങൽ വന്നു തുടങ്ങിയത് സഞ്ജുവറിഞ്ഞു…

“ നിക്ക് പേടിയൊന്നൂല്ലാ…….”

പറഞ്ഞതും അവനെ പിന്നിൽ നിന്ന് കെട്ടിപ്പിടിച്ചവൾ വിതുമ്പി…….

തന്റെ പുറത്തവൾ മുഖമമർത്തി തേങ്ങുന്നതറിഞ്ഞ് സഞ്ജു തിരിഞ്ഞു…

“കരയല്ലേടാ………......”

അവൻ അവളുടെ