Chapter Title : അഞ്ചു ശരങ്ങൾ 2 [കബനീനാഥ്]

ശേഷം അടുത്ത തവണ അസുഖമുണ്ടായാൽ നിർബന്ധമായും ആശുപത്രിയിലെത്തിക്കേണ്ടതാണെന്ന് ഓർമ്മിപ്പിച്ചു…

ദിവസങ്ങൾ പഴയതുപോലെയായി…….

അന്നൊരു പകലായിരുന്നു…

പൂമുഖത്തെ ചെറിയ സോഫയിലിരുന്ന് കമ്പനിയുടെ മെയിലുകൾ നോക്കുകയായിരുന്നു സഞ്ജു..

കുളി കഴിഞ്ഞ് വിടർത്തിയിട്ട മുടിയിഴയിൽ ടവ്വൽ ചുറ്റിക്കൊണ്ട് അഞ്ജു അവനരികിലേക്കു വന്നു…

“ധനുവിനെ വിളിച്ച് ഞാൻ കാര്യം പറഞ്ഞു… അവൾക്ക് വിഷമമായതു പോലെ…”

സഞ്ജു അത് ശ്രദ്ധിക്കാത്ത മട്ടിൽ ഫോണിൽ നോക്കിയിരുന്നു…

“ എറെക്കുറെ ചഞ്ചുവിന്റെയും ധ്വനിയുടെയും ലൈഫ് ഒരുപോലാ… രണ്ടും വ്യത്യസ്ത കാരണങ്ങൾ ആണെങ്കിൽ തന്നെയും…….”

അഞ്ജുവിന്റെ സംസാരത്തിലെ പക്വത സഞ്ജു ശ്രദ്ധിച്ചു…

“ അവളൊരു പാവമാ… ധനുവിനെപ്പോലെയല്ല… “

“നമ്മളത് സംസാരിച്ചു കഴിഞ്ഞതല്ലേ, പൊന്നാവേ…….”

സഞ്ജു ആ വിഷയത്തിന് തടയിടാൻ ശ്രമിച്ചു…

“ ശരിയാണ്… എന്നാലും…….”

അവൾ വീണ്ടും ആ വിഷയത്തിലേക്കു വരുന്നതിൽ അവനു മുഷിവു തോന്നി…

“ചഞ്ചുവിന്റെ കാര്യമൊക്കെ പറഞ്ഞപ്പോൾ ചേച്ചിയെ കൂട്ടി ഇവിടെ വരെ , വരാനേ ഞാനും പറഞ്ഞുള്ളൂ… “

അഞ്ജു, തലയിൽ നിന്ന് ടവ്വൽ അഴിച്ചെടുത്തു.

“സോ… …. അവരും എന്തൊക്കെയോ ആഗ്രഹിച്ചിരിക്കാം…… “

സഞ്ജു മിണ്ടിയില്ല…

“ ധനു പറഞ്ഞു, ധ്വനിയാകെ ഡെസ്പാണെന്ന്… …. ഐ ഫീൽ… നമ്മളെന്തോ തെറ്റു ചെയ്തതു പോലെ എനിക്കു തോന്നുന്നു ചഞ്ചൂ……… “

“നമ്മളല്ല… …. നീ….”

സഞ്ജുവിന് അരിശം വന്നു…

“എന്നെയും എന്റെ മനസ്സും നീ കണ്ടില്ല… പകരമിപ്പോൾ ഫ്രണ്ടിന്റെയും ചേച്ചിയുടെയും വേദനയോർത്ത് സഹതപിക്കുന്നു……”

അവൻ സെറ്റിയിൽ നിന്ന് എഴുന്നേറ്റു…

സഞ്ജുവിന്റെ ഭാവമാറ്റം അഞ്ജുവിനെ വല്ലാതെ അമ്പരപ്പിച്ചു കളഞ്ഞു…

സിറ്റൗട്ടിലെ തൂണിൽ ചാരി , അവൻ പുറത്തേക്ക് മിഴികളെയ്തു നിന്നു…

“ ഞാൻ നിന്നോട് പറഞ്ഞല്ലോ, അനുപമ എന്തായിരുന്നുവെന്നും ആരായിരുന്നുവെന്നും… ആ ചതിയും നീറ്റലും അങ്ങനെയൊന്നും മനസ്സിൽ നിന്ന് പോകില്ല…….”

“ പോകണമെന്ന് ആരു പറഞ്ഞു…?”

അഞ്ജുവിന്റെ പ്രത്യുത്തരം അവനെ ഞെട്ടിച്ചു കളഞ്ഞു…

“ചഞ്ചുവിന് ഇഷ്ടമല്ലെങ്കിൽ വേണ്ട… ഞാനാ ടോപ്പിക് വിട്ടു… അവരോടു റിവഞ്ച് ചെയ്യാനൊരവസരമായിരുന്നു…”

“ ജീവിതം വെച്ച്…….”

സഞ്ജു പുച്ഛത്തിൽ പറഞ്ഞു….

“ ഞാനാ വിഷയം വിട്ടു…….'’

കീഴടങ്ങിയതു പോലെ അഞ്ജു അവനരികിലേക്കു വന്നു…

പിന്നെ പതിയെയായിരുന്നു അവളുടെ സംസാരം…

“ധ്വനി മോഹിച്ചത്,