Chapter Title : അനുഭവങ്ങൾ ഷംനയും ഷാലുവും [Sidharth]

തുറന്ന് പുറത്തിറങ്ങിയ ഷാലു ഉമ്മറം വഴി നേരെ വീട്ടിനുള്ളിൽ കയറി. ഷർട്ട് ഇട്ട് പുറത്തിറങ്ങി ഞാൻ പടിപ്പുര തുറന്നു നോക്കിയപ്പോൾ സോനു. പണിക്കിറങ്ങിയവേഷത്തിലാണ് അവനാകെ വിയർത്തു കുളിച്ച് ഭയന്ന് നിൽപ്പുണ്ടായിരുന്നു. "എന്തു പറ്റി സോനു എന്താ നീ കിടന്ന് വിറക്കുന്നത് ?'' " മനുവേട്ടാ അച്ഛൻ ഇല്ലിപറമ്പിൽ തേങ്ങയിടാൻ പോയതാ, മഴ പെയ്തല്ലേ നല്ല വഴുക്കലുണ്ടാകും എന്ന് ഞാൻ പറഞ്ഞു ,കേട്ടില്ല തെങ്ങിൽ കയറി പകുതി ആയപ്പോഴേക്കും തളപ്പ് വഴുതി അച്ഛൻ താഴെ വീണു.ഒപ്പമുള്ളവർ ആശുപത്രിയിൽ കൊണ്ടോയിട്ടുണ്ട്. " "നീ പോയി ഡ്രസ്സ് മാറ്റ്, അപ്പോഴേക്കും ഞാനെത്താം. " സോനു വീട്ടിലേക്കോടി, ഞാൻ അകത്ത് കയറി ഷാലുവിനോട് കാര്യങ്ങൾ ചുരുക്കി പറഞ്ഞു. അവളോട് വാതിലടച്ചിരുന്നോളാൻ പറഞ്ഞ് ജീപ്പുമെടുത്ത് പടിപ്പുരയും പൂട്ടി പുറത്തിറങ്ങി. സോനുവിനേയും കൂട്ടി ആശുപത്രിയിലേക്ക് വിട്ടു. പോകുന്ന വഴിക്ക് കവലയിൽ വെച്ച് ശിവൻ ചേട്ടനും രണ്ട് കൂട്ടുകാരും ജീപ്പിൽ കയറി. പതിനഞ്ച് മിനുട്ടുകൊണ്ട് ഞങ്ങളവിടെത്തി. നേരെ ചെന്ന് മുരളി ഡോക്ടറെ കണ്ടു. അദ്ദേഹം ശിവൻ ചേട്ടൻ്റെ ഉറ്റ സുഹൃത്തായിരുന്നു. '' മുരളി എങ്ങനെയുണ്ട് രാഘവേട്ടന്;? "പേടിക്കാനൊന്നുമില്ല ശിവാ, വലത്തേ കാലിൽ ഒടിവുണ്ട്. പ്ലാസറ്ററിട്ടിട്ടുണ്ട് ബി.പി നോർമലാകാൻ ഇത്തിരി സമയമാകും ,ഡ്രിപ്പ് തീർന്നാൽ കുറച്ചു നേരം കഴിഞ്ഞ് കൊണ്ടു പോകാം" . ഞങ്ങൾ രാഘവേട്ടനെ പോയി കണ്ടു ആൾക്ക് കുഴപ്പമൊന്നുമില്ല. പ്രൈവറ്റ് ആശുപത്രിയായതിനാൽ കുറച്ച് കൂടുതൽ തുക ബില്ല് വന്നു. അതെല്ലാം ഞാൻ തന്നെയാണ് അടച്ചത്. ഇതിനിടക്ക് സോനു ബിൽ തുക അടയ്ക്കാൻ പണത്തിനായി അവൻ്റെ മാല ഹോസ്പ്പിറ്റലിനടുത്തുള്ള ഒരു ഫിനാൻസിൽ പണയം വെച്ചു. ഇതറിഞ്ഞ ഞാനവനെ