Chapter Title : അനുഭവങ്ങൾ ഷംനയും ഷാലുവും [Sidharth]

" ഓട്ടോയിൽ ഇരിക്കുമ്പോൾ അദ്ദേഹം പറഞ്ഞു . ഇന്നലെ മുതൽക്കേ രാമേട്ടനെ ഞാൻ ശ്രദ്ധിക്കുന്നുണ്ടായിരുന്നു, കുറച്ച് ദൂരം നടന്ന് കഴിഞ്ഞാൽ വല്ലാത്ത ഒരു അണപ്പ്, ശ്വാസംമുട്ടൽ വരുമ്പോൾ ഉണ്ടാകുന്ന ചെറിയ കുറുകലും. പാവം കാലങ്ങളായി മുത്തച്ഛൻ്റെ പിന്നാലെ തന്നെയായിരുന്നു. വൈകാതെ റെയിൽവേ സ്‌റ്റേഷനിലെത്തി ബൈക്കും ലഗ്ഗേജുകളുമെല്ലാം രാത്രിയിൽ തന്നെ വന്നിട്ടുണ്ടായിരുന്നു , പേപ്പർ വർക്കിന് ശേഷം സാധനങ്ങളെല്ലാം കളക്ട് ചെയ്ത് അവിടുത്തെ സ്റ്റോർ റൂമിൽ വെച്ചു . രാമേട്ടനെ ഒറ്റയ്ക്ക് ബസ്സിൽ വിടാൻ തോന്നിയില്ല. ബൈക്കിൽ രാമേട്ടനേയും കൂട്ടി ഞാൻ അദേഹത്തിൻ്റെ വീട്ടിലേക്ക് പുറപ്പെട്ടു. ഉച്ച ഭക്ഷണവും കഴിച്ച് അവിടെ നിന്ന് ഇറങ്ങുമ്പോൾ കുറച്ച് പണം ഞാൻ അദ്ദേഹത്തിന് നൽകി വാങ്ങാൻ ആദ്യം മടിച്ചങ്കിലും നിർബന്ധം പിടിച്ചപ്പോൾ രാമേട്ടൻ വാങ്ങി.അവരോട് യാത്ര പറഞ്ഞ് ഞാൻ നാട്ടിലേക്ക് തിരിച്ചു. വീണ്ടും റെയിൽ വേ സ്റ്റേഷനിലെത്തി ഒരു ചെറിയ ഗുഡ്സ് വിളിച്ച് സാധനങ്ങൾ അതിൽ കയറ്റി വീട്ടിലേക്ക് യാത്രയായി. 3 മണിയോടെ ഞാൻ വീടെത്തി . എൻ്റെ വണ്ടിയുടെ ശബ്ദം. കേട്ടിടാകണം രാവിലെ കണ്ട ചേട്ടന്മാർ അവിടെ എത്തി. സാധനങ്ങൾ ഇറക്കി വെക്കുന്നതിനും, അകത്ത് അവയെല്ലാം അടുക്കിപ്പെറുക്കി വെക്കുന്നതിനും അവർ സഹായിച്ചു. എന്ത് ആവശ്യമുണ്ടെങ്കിലും വിളിക്കണം എന്ന് പറഞ്ഞാണ് അവർ പോയത്. സമയം 5 മണിയായപ്പോഴേക്കും രാത്രിയിലേക്കുള്ള ഭക്ഷണത്തിനുള്ള പരിപാടികളിൽ ഞാൻ മുഴുകി. സാധനങ്ങളെല്ലാം രാമേട്ടൻ വാങ്ങി വെച്ചിട്ടുണ്ടായിരുന്നു. അര മണിക്കൂർ കൊണ്ട് എല്ലാം റെഡിയാക്കി വെച്ച് വാതിലും, പടിപ്പുരവാതിലും അടച്ച് ഞാൻ കവലയിലേക്ക് തിരിച്ചു. കുറേ നേരമായി ഒന്ന് വലിക്കാൻ മുട്ടി നിൽക്കുന്നു. രണ്ട് പാക്കറ്റ് ഗോൾഡും വാങ്ങി