അരളി പൂവ് 11 [ആദി007]

ദേവൻ രാത്രിയിൽ എന്തേലും കഴിച്ചു കാണുമോ എന്നൊരു ചിന്ത അവളിൽ ഉണ്ടായി. 'സർ കഴിച്ചു കാണുമോ....? ഈശ്വരാ എങ്ങനെയാ ഇപ്പൊ ഒന്ന് അറിയുന്നേ? ' അവൾ മനസ്സിൽ പുലമ്പി.     അടുക്കളയിലെ ഷേടിന്റെ മുകളിൽ ഉണ്ടായിരുന്ന ഫോൺ അവൾ മെല്ലെ എടുത്തു. വാട്സ്ആപ്പ് നോക്കി ദേവൻ ഓൺലൈനിൽ ഇല്ല. ഇനി വിളിക്കണോ വേണ്ടയോ എന്നാ ആശയക്കുഴപ്പത്തിലായി പെണ്ണ്. ദേവൻ ആണേൽ ഈ സമയം ഒന്ന് രണ്ട് പെഗ്ഗ് ഒക്കെ വിട്ട്. ചിക്കനും കടിച്ചു പറിച്ചു പഴയ ഒരു ഗസലും കേട്ടങ്ങനെ ഇരിക്കുവാരുന്നു. അർച്ചന ഒന്ന് അമാന്തിച്ചെങ്കിലും ദേവന്റെ ഫോണിൽ വിളിച്ചു. നിമിഷങ്ങൾക്കകം ദേവന്റെ ഫോൺ റിംഗ് ചെയ്തു. "ആഹാ... ഇവളോ....? " ഒരു വഷളൻ ചിരിയോടെ അയാൾ ഫോൺ എടുത്തു "എന്താണ് സർ " "ഹലോ " പതിഞ്ഞ സ്വരത്തിൽ ആരേലും കേൾക്കുമോ എന്ന പേടിയിൽ അവൾ മറുപടി നൽകി "ആ പറയു സർ " "സർ കഴിച്ചോ...? " "ഓ. ഇപ്പോഴേലും ഓർത്തല്ലോ. മ്മ്മ് കഴിച്ചു " "മം " ചുറ്റും നോക്കിയ ശേഷം അവളൊന്നു മൂളി "അച്ചൂസ് കഴിച്ചോ. " "മം " "എല്ലാരും കഴിച്ചോ...? " "മ്മ്മ് " ചുണ്ടത്തു വിരിഞ്ഞ ചിരി ഒതുക്കി അവളൊന്നു മൂളി. "മം മം മം... ഇപ്പൊ ഹാപ്പി ആയോ..? " "ഹാപ്പി ആയി " "എങ്കിൽ മോള് പോയി ചാച്ചിക്കോ. ഇല്ലേൽ ഈ ഗന്ധർവ്വൻ പിടിക്കും " "ഗന്ധർവ്വനു നല്ല ഇടിയും കിട്ടും. " കൃത്രിമ ദേഷ്യം അവൾ കടമെടുത്തു