Chapter Title : അരളി പൂവ് 3 [ആദി 007]

"എന്ത് സാധനം ബീഫ് വെല്ലോം ആണോ"

"ഒന്ന് പതിയെ പറയടി.മാമി വെല്ലോം കേട്ടാൽ എന്റെ ശവമടക്ക് നടത്തും"

അർച്ചന ചുറ്റും നോക്കിയിട്ട് മാമി ഇല്ലന്ന് ഉറപ്പു വരുത്തി അടഞ്ഞ ശബ്ദത്തിൽ പിന്നെയും ചോദിച്ചു
"ബീഫ് ആണോ"

"ഹേയ് അതൊന്നും അല്ല ഇത് വേറെ ഒരു സാധനമാ ഞാൻ കൊണ്ട് തരാം.മോള് ചെല്ല് "

അർച്ചനയോട് തത്കാലം യാത്ര പറഞ്ഞു നിർമല നടന്നകുന്നു.അർച്ചന ഗേറ്റ് തുറന്നു ഉള്ളില്ലേക്ക് പ്രവേശിച്ചു .

മാമിയെ വീടിനു മുന്നിൽ ഒന്നും കാണുന്നില്ല.സാധാരണ പുള്ളിക്കാരിയെ ഈ സമയം ഇവിടെ കാണേണ്ടതാണ്.രാവിലെയും വൈകിട്ടും ആരൊക്കെ റോഡ് വഴി പോയന്നുള്ള സെൻസസ്സ് പുള്ളിക്കാരി നിർബന്ധമായും എടുക്കും .

ആരെയും വീടിനു മുൻപിൽ കാണാത്തതു കൊണ്ട് അർച്ചന മുകളിലേക്കു തിരിഞ്ഞു.പെട്ടന്നാണ് അങ്കിളിന്റെ വിളി വന്നത്

"ഹലോ മേടം"

"ആരെയും കണ്ടില്ല അതാ ഞാൻ.
കിച്ചു എവിടെ..?"
അർച്ചന സ്റ്റെപ്പിൽ തന്നെ നിന്നു കൊണ്ട് ചോദിച്ചു

"ആള് അകത്തുണ്ട് അവനിന്നു ക്ലാസ്സ്‌ ഇല്ലാരുന്നു മോളെ."

"അവൻ എന്തേലും കഴിച്ചോ അങ്കിളേ "

"മാമി അല്ലെ ആള് കഴിപിക്കാതെ വിടുമോ.കൊച്ചന്റെ വയറുപൊട്ടിയൊ ആവോ "

ഇരുവരും പൊട്ടിച്ചിരിച്ചു

"അങ്കിളേ ഞാൻ അങ്ങോട്ട്‌ ചെല്ലട്ടെ"
മുകളിലേക്ക് നോക്കി അർച്ചന പറഞ്ഞു

"ശെരി മോളെ ചെല്ല്.
അഹ് പിന്നെ ഇന്ന് വൈകിട്ട് ഫ്രീ ആണോ"

"എന്താ അങ്കിളേ"

"ഒന്ന് ഇരുന്നാലോ"
ക്യാരംസ്‌ കളിക്കുന്ന ആക്ഷൻ കാണിച്ചു അങ്കിൾ ചോദിച്ചു

"അത് പിന്നെ അങ്കിളേ... "

"ഫ്രീ ആണേൽ ചുമ്മാ വാ."

"നോക്കാം അങ്കിളേ"

അർച്ചന മുകളിലേക്കു നടന്നു.ഇടക്കൊക്കെ ക്യാരംസ് കളി പതിവാണ്.അങ്കിൾ നിന്നു പൊട്ടാറാണ്