Chapter Title : അരളിപ്പൂന്തേൻ 4 [Wanderlust]

ബ്രോയ്ക്ക് ഇടക്കിടെ ഉള്ളതാ ഈ പല്ലുവേദന

ഇനിയും തോൽവികൾ ഏറ്റുവാങ്ങാൻ ചന്തുവിനെ ഇവിടെ നിർത്തിയാൽ ശരിയാവില്ല. ബൈക്ക് വച്ചിരിക്കുന്ന ഇടത്തേക്ക് മഴ നനഞ്ഞുകൊണ്ട് ഞാൻ നടന്നു. ദേഷ്യവും സങ്കടവും എല്ലാം ഒരുമിച്ച് വന്നപോലൊരു ഫീലിംഗ്. എത്ര ആഗ്രഹിച്ച് വന്നതാ കോളജിലേക്ക്. ഇപ്പൊ ഈ മാരണത്തെകൊണ്ട് കോളേജ് ലൈഫ് തന്നെ വെറുത്തുതുടങ്ങി. എന്റെ ഒറ്റയടിക്കില്ല, പക്ഷെ അതിന്റെ മുഖത്ത് നോക്കുമ്പോ തല്ലാനും തോന്നുന്നില്ല. മാത്രമല്ല ഒരു പെണ്ണിനെ തല്ലി തോൽപ്പിക്കുക എന്നൊക്കെ പറഞ്ഞാൽ ഞാൻ ഒരു യഥാർത്ഥ ആണല്ലാതായിപ്പോവില്ലേ. നമ്മൾക്ക് ഒത്ത എതിരാളിയോടെ ഏറ്റുമുട്ടാൻ പാടുള്ളൂ, അതാണ് എന്റെ പോളിസി.

വണ്ടിയുടെ അടുത്തെത്തിയപ്പോഴേക്കും ആകെ നനഞ്ഞു കുളിച്ചു. വണ്ടി തിരിച്ച് പോകാൻ നേരം തുഷാരയും സ്നേഹയും കുടയും ചൂടി എന്റെ മുന്നിലൂടെ നടന്നുനീങ്ങി. തുഷാര ചൂടിയിരിക്കുന്ന കുട കൂടാതെ അവളുടെ കയ്യിൽ ഒരു കുട കൂടി കണ്ടപ്പോൾ എനിക്ക് ഏകദേശം കാര്യങ്ങൾ പിടികിട്ടി. പെണ്ണ് എന്നെ നന്നായൊന്ന് പൊട്ടൻകളിപ്പിക്കുകയാണ്. ദൈവമേ ഇതുപോലുള്ള ശത്രുക്കളെയൊന്നും ആർക്കും കൊടുക്കല്ലേ.

മഴ മുഴുവൻ നനഞ്ഞുകൊണ്ട് ഞാൻ വീട്ടിലേക്ക് വണ്ടിവിട്ടു. ഇന്നലെ ലെച്ചുവിന്റെ കൂടെ മഴ നനയാൻ നല്ല സുഖമുണ്ടായിരുന്നു, പക്ഷെ ഇത് വല്ലാത്തൊരു ചതിയായിപ്പോയി.

രണ്ട് ദിവസത്തെ മഴ മുഴുവൻ കൊണ്ടിട്ടാണെന്ന് തോനുന്നു. രാത്രി ആയപ്പോ നല്ല കട്ട പനി. ലെച്ചു എന്റെ അരികിൽ തന്നെ നിന്നു. അവളുടെ പരിചരണത്തിൽ ഉറങ്ങിയത് അറിഞ്ഞില്ല. രാവിലെയായതും ലെച്ചു ലീവാക്കി എന്റെയടുത്തിരുന്നതും ഒന്നും ഞാൻ അറിഞ്ഞില്ല. നല്ല ഉറക്കം. അവസാനം ലെച്ചു വിളിച്ചെഴുന്നേല്പിച്ച് ചൂട് കാപ്പി തന്നപ്പോഴാണ് സമയം പത്ത് കഴിഞ്ഞെന്ന് അറിഞ്ഞത്. ഫോണിൽ നോക്കുമ്പോൾ