Chapter Title : അർത്ഥം അഭിരാമം 1 [കബനീനാഥ്]

ഓട്ടോ പിടിച്ചിങ്ങ് പോന്നു... " കുടി കൂടുതലാ ല്ലേ ...?"

" ഇനി എന്നാ നോക്കാനാടീ ... "

അയാൾ വിറയ്ക്കുന്ന ഇരു കൈകളും കൂട്ടിച്ചേർത്തു പിടിച്ച് ഗ്ലാസ് എടുത്തു ...

ഒരു ശബ്ദത്തോടെ അയാളതു കുടിച്ചിറക്കുന്നത് അവൾ നോക്കിയിരുന്നു ...

ഒരു പിടി മിക്ചർ വാരി വായിലിട്ടു കൊണ്ട് അയാൾ കസേരയിലേക്ക് ചാഞ്ഞു ..

"ഇനി നീ കാര്യം പറ.... "

" രാജീവ് ഇവിടെ വന്നിരുന്നു...."

"ങാ ... എന്നിട്ട് ....?"

അഭിരാമി ഉണ്ടായ സംഭവം വിശദീകരിച്ചു.

" എന്താ നിന്റെ തീരുമാനം..?"

വിനയചന്ദ്രൻ മദ്യം ഗ്ലാസ്സിലേക്ക് ഒന്നു കൂടി ചെരിഞ്ഞു .. ഇത്തവണ അയാൾക്ക് വിറയൽ ഇല്ലായിരുന്നു..

"കേസുമായിട്ട് മുന്നോട്ട് പോകണം ... "

" പോകണം .." വിനയചന്ദ്രൻ പ്രതിവചിച്ചു.

" അല്ലാതെ ഇത് തീരില്ല വിനയേട്ടാ ..."

"അവനടങ്ങിയിരിക്കുമോ ...?"

"ഇല്ലാന്നറിയാം ...."

"നീ എന്ത് ചെയ്യും ....?"

" നേരിടാതെ പറ്റില്ലല്ലോ ...."

"അഭീ ... ഇത് കൈ വിട്ട കളിയാണ് ... നീ ഇത് പറയാനാണ് എന്നെ വിളിച്ചതെന്നും എനിക്കറിയാമായിരുന്നു ... "

അയാൾ ഒഴിച്ചു വെച്ചിരുന്ന മദ്യം വീണ്ടും അകത്താക്കി.

നാരങ്ങാ അച്ചാർ തോണ്ടി നാക്കിലേക്ക് തേച്ചു കൊണ്ട് വീണ്ടും കസേരയിലേക്ക് ചാഞ്ഞു.

" അല്ലാതെ എനിക്കിതൊക്കെ പറയാൻ ആരാ ഉള്ളത് ...?"

നിസ്സഹായത അവളുടെ വാക്കുകളിൽ നിഴലിച്ചത് വിനയചന്ദ്രനറിഞ്ഞു ...

"നല്ല അച്ചാർ .. നീ ഇച്ചിരി കഞ്ഞി ഉണ്ടാക്കാൻ പറ അമ്മിണിയമ്മയോട് ...."

സന്ദർഭോചിതമല്ലാത്ത സംസാരം കേട്ട് അവളൊന്ന് അമ്പരന്നുവെങ്കിലും ആലോചനയോട് എഴുന്നേറ്റ്