Chapter Title : അർത്ഥം അഭിരാമം 1 [കബനീനാഥ്]

അളവു കുറച്ച് അല്പം മദ്യം കൂടി ഗ്ലാസ്സിലേക്കൊഴിച്ചു ...

"മതി ... " അവൾ തടഞ്ഞു ...

" ദിവസം ലിറ്ററാടീ എന്റെ കണക്ക് ... "

അവൾ പിന്നെയൊന്നും മിണ്ടിയില്ല ...

" അജയ് നെ വിളിച്ചോ നീ ....?"

"ഇല്ല ... ഒന്നും പറഞ്ഞിട്ടില്ല ... "

" ഞാൻ പറയുന്നത് നീ അനുസരിക്കുമോ ..?"

"വേറെ ആരാ എനിക്ക് പറഞ്ഞു തരാനുള്ളത് ...?"

അഭിരാമിയുടെ സ്വരത്തിൽ സങ്കടവും നിരാശയും കലർന്നിരുന്നു ...

" അവന്റെ കോഴ്സ് എങ്ങനെയാ ?"

" സെക്കന്റ് ഇയറല്ലേ .... വെക്കേഷൻ ആകാറായിട്ടുണ്ട് ...."

"ഉം ... "

" അവനിതൊന്നും അറിയാതിരിക്കുന്നതല്ലേ നല്ലത് ...?"

" എന്തായിരുന്നു രാജീവിന്റെ വെല്ലുവിളി ...?"

അയാളുടെ മറു ചോദ്യത്തിനു മുന്നിൽ അവൾക്കു മറുപടിയില്ലാതായി ...

" അവനും പത്തിരുപത് വയസ്സായില്ലേടീ... "

" ഉം...."

"നിന്നെ ഇല്ലാതാക്കിയാൽ സ്വാഭാവികമായും സ്വത്ത് അവനു തന്നെ .. അതൊരിക്കലും രാജീവ് ഇഷ്ടപ്പെടില്ല, സമ്മതിക്കുകയില്ല ... "

" ഞാനിപ്പോൾ ജീവിക്കുന്നതു തന്നെ എന്റെ മോനു വേണ്ടിയല്ലേ വിനയേട്ടാ ....?"

അവളുടെ സ്വരമൊന്നിടറി ...

"നീ വക്കീലിനെ വിളിച്ച് കേസുമായി മുന്നോട്ടു പോകാൻ പറയുക ... "

" അത് ഓൾ റെഡി ഓക്കെ ആണല്ലോ .."

" വാദി രണ്ടോ മൂന്നോ തവണ കോർട്ടിൽ ഹാജരായില്ല എന്നു വെച്ച് ഒന്നും സംഭവിക്കാൻ പോണില്ല ... "

അയാൾ ഗ്ലാസ്സിലിരുന്നത് ഒറ്റ വലിക്ക് കുടിച്ചു.

വിനയേട്ടൻ എന്താണ് പറഞ്ഞു വരുന്നതെന്ന് അവൾക്കു മനസ്സിലായില്ല ...