Chapter Title : അർത്ഥം അഭിരാമം 2 [കബനീനാഥ്]

-

"മാംഗോ സ്കിൻ .... ഓരോ ദിവസവും എങ്ങനെയാ ജീവിച്ചു തീർക്കുന്നതെന്ന് എനിക്കേ അറിയൂ ... "

" എല്ലാം ശരിയാകും മ്മാ ..."

അവളുടെ സംസാരത്തിൽ നോവ് പടർന്നതറിഞ്ഞ് അവൻ പറഞ്ഞു..

അവൻ തരുന്നത് പ്രതീക്ഷ മാത്രമാണെന്ന് അവൾക്കറിയാമായിരുന്നു ...

അജയ് നേക്കാളും പൊക്കം അല്പം കുറവായിരുന്നു അവൾക്ക് ...

അവളുടെ മൂർദ്ധാവിലേക്ക് തന്റെ താടി കുത്തി , അവനവളെ ചുറ്റിപ്പിടിച്ചു ...

"ഈ കോടമഞ്ഞിനപ്പുറം മനോഹരമായ ഒരു ലോകമുണ്ടമ്മാ .... ഒരു നാൾ പ്രകാശം പരക്കും ... അപ്പോൾ നമുക്കത് കാണാം ... അപ്പോഴേ നമുക്കതിന്റെ യഥാർത്ഥ സൗന്ദര്യം കാണാനാകൂ ... "

" മോനേ .... കവിപുംഗവാ .... "

ഒരീണത്തിൽ അഭിരാമി വിളിച്ചു ...

" എന്തോ ....."

അവനവളുടെ ചെവിയിൽ വിളി കേട്ടു ...

" മുനിച്ചാമി ഫുഡ് തരക്കൂടാത്... നമ്മ താൻ റെഡി പണ്ണണം ... "

അറിയാവുന്ന തമിഴിൽ അവൾ ചിരിയോടെ പറഞ്ഞു ...

"കറക്റ്റായി വരുന്നുണ്ട് ... " അവൻ ചിരിച്ചു ...

മലമടക്കുകളിൽ മഞ്ഞുരുകിത്തുടങ്ങിയിരുന്നു ....

# # #

കുപ്പിയിൽ ബാക്കിയിരുന്നത് വിനയചന്ദ്രൻ ഗ്ലാസ്സിലേക്ക് പകർത്തി..

വെള്ളക്കുപ്പി ഒഴിഞ്ഞു കിടന്നിരുന്നു ...

ഒഴിച്ചു വെച്ച ഗ്ലാസ്സുമായി അയാൾ അടുക്കളയിലേക്ക് ചെന്നു..

ടാപ്പ് തുറന്നു വെള്ളം ചേർത്ത് അയാൾ മദ്യം ഒറ്റ വലിക്ക് അകത്താക്കി ...

അതിനു ശേഷം അയാൾ മൂക്കു ചുളിച്ചു ...

ഗ്ലാസ്സ് ഒന്നു കൂടി അയാൾ മണത്തു നോക്കി ....

ഗ്ലാസ്സിൽ നിന്നല്ല ...

മൂക്കു ചുളിച്ചു കൊണ്ട് തന്നെ