Chapter Title : അർത്ഥം അഭിരാമം 5 [കബനീനാഥ്]

ചവിട്ടിക്കൊല്ലുന്നതിലും  ഭേദമാണല്ലോ….

ഏറുമാടം കണ്ടപ്പോൾ അവളുടെ മിഴികൾ വിടർന്നു…

"ഇതാരുണ്ടാക്കി..?"

" ചേലക്കര തറവാട്ടു വകയാ… …. "

"പോടാ… …. എന്റെ തറവാട്ടുകാരെ പറയുന്നോ… ?"

അഭിരാമി അവന്റെ ചെവിയിൽ ഒരു നുള്ളു കൊടുത്തു……

ഏറുമാടത്തിൽ കയറിപ്പറ്റാൻ സകല വഴിയും നോക്കി അവൻ മരത്തിനു ചുറ്റും നടന്നു……

രക്ഷയില്ല… ….!

ഇതുണ്ടാക്കിയവർ എങ്ങനെ കയറിപ്പറ്റി എന്ന് അവൻ ആലോചിച്ചു……

പിടിയിലൊതുങ്ങാത്ത മരത്തിനു മുകളിൽ എന്തെങ്കിലും സംവിധാനങ്ങളില്ലാതെ കയറിപ്പറ്റുക മനുഷ്യസാധ്യമല്ലെന്ന് അവനറിഞ്ഞു…….

മരത്തിന്റെ ചുവട്ടിൽ നിന്നും ശ്രദ്ധ പരിസരങ്ങളിലേക്ക് തിരിച്ചപ്പോൾ അജയ് കുറച്ചകലെ ഒരു പ്ലാസ്റ്റിക് കയർ നീളത്തിൽ മറ്റൊരു മരത്തിൽ കെട്ടിയിരിക്കുന്നത് കണ്ടു ..

അവൻ ആ മരത്തിനടുത്തേക്ക് നീങ്ങിയതും അഭിരാമി പിന്നാലെ ചെന്നു……

"എങ്ങോട്ടാ… ?"

അവൾ ഒന്നുമില്ലെന്ന് ചുമൽ കൂച്ചി……

അജയ്  വണ്ണം കുറഞ്ഞ മരത്തിലേക്ക് വലിഞ്ഞു കയറി..

പാന്റ് ധരിച്ചു മരം കയറുക ബുദ്ധിമുട്ടായിരുന്നു..

എന്നാലും അവൻ കയ്യെത്തിച്ച് കയർ അഴിച്ചു……

കെട്ടഴിഞ്ഞു കയർ കയ്യിൽ നിന്നു പോയതും "ടപ്പേ" എന്നൊരു ശബ്ദം കേട്ടു……

ആ ശബ്ദത്തിൽ പിടിവിട്ട് അജയ് നിലത്തു വീണു……

അതു കണ്ട് അഭിരാമി അലറിക്കൂവിക്കൊണ്ട് അവനിലേക്ക് ഓടിയടുത്തു…

അത്ര ഉയരത്തിൽ നിന്നല്ലാത്തതിനാൽ അജയ് വീഴ്ചയിൽ നിന്ന് എഴുന്നേറ്റ് അവളുടെ വായ പൊത്തി……

" ഒന്ന് മിണ്ടാതിരിക്കമ്മേ .."

അവന് ഒന്നും പറ്റിയില്ലെന്നറിഞ്ഞ് അവൾ ശബ്ദമടക്കി …

ശരീരത്തും വസ്ത്രങ്ങളിലും പറ്റിയ മണ്ണു തുടച്ചു കൊണ്ട് അജയ് ഏറുമാടം കെട്ടിയ മരത്തിനു ചുവട്ടിലേക്ക് വന്നു……

മരത്തിന്റെ മറുവശത്ത് ഒരു കയർ ഗോവണി വന്നടിച്ച് ആടിക്കിടക്കുന്നുണ്ടായിരുന്നു…

"ഭയങ്കര ടെക്നിക്കാണല്ലോ.."

അജയ്