Chapter Title : അർത്ഥം അഭിരാമം 7 [കബനീനാഥ്]

…? "

അവൾ ചോദിച്ചു..

"രാഹുകാലം കഴിയട്ടെ… …. "

അവൻ സീലിംഗിലേക്ക് തന്നെ നോക്കിപ്പറഞ്ഞു…

അവൾ നിശബ്ദയായി അവനെ മറികടന്ന്, കട്ടിലിൽക്കയറിക്കിടന്നു…

മൗനത്തിലലിഞ്ഞു കുറച്ചു നിമിഷങ്ങൾ കടന്നുപോയി……

"എന്റെ കെട്ടിയവനാണെന്നാ ചിലരുടെ വിചാരം…… "

അഭിരാമി പിറുപിറുപ്പ് തുടങ്ങി……

" നേഴ്സറി കുട്ടിക്ക് , ഇതിലും ബോധമുണ്ട്…"

അവൾ അവനെ നോക്കിയെങ്കിലും അവൻ മുഖം തിരിച്ചില്ല…

" വെറുതെ പറയുന്നതാ സ്നേഹമുണ്ടെന്ന്… …. "

" സ്നേഹമുള്ളവർ പറഞ്ഞാൽ അനുസരിക്കും…… "

മറുപടി പറഞ്ഞ ശേഷം അവൻ വലതു കാൽ പതിയെ വിറപ്പിച്ചു കൊണ്ടിരുന്നു…

അഭിരാമി പതിയെ അവനോട് അടുത്തു കൊണ്ടിരുന്നു……

" ഈ സ്വഭാവം വെച്ച് എങ്ങനെയാ സ്നേഹിക്കുക..?"

" ഈ സ്വഭാവം വെച്ച് എങ്ങനെയാ കൂടെക്കൊണ്ടു പോവുക……"

മറുപടി കൊടുത്തു.. കാൽ വിറപ്പിക്കൽ തുടർന്നു…

അഭിരാമി ചാടിയെഴുന്നേറ്റ് അവന്റെ കാൽ തട്ടി താഴെയിട്ടു..

"നീ കൊണ്ടുപോകണ്ടടാ… ഞാനിവിടെക്കിടന്നു മരിച്ചോട്ടെ…".

" തുടങ്ങി… …. ഡയലോഗ് മാറ്റിപ്പിടി……"

വന്ന കരച്ചിൽ അടക്കിപ്പിടിച്ച്, ഇവനെന്തൊരു മനുഷ്യനാ എന്ന രീതിയിൽ അഭിരാമി അവനെ തുറിച്ചു നോക്കി…

" പറഞ്ഞാൽ അനുസരിക്കണം…"

അജയ് കാലുകൾ നിവർത്തി പതിയെ എഴുന്നേറ്റിരുന്നു…

" അവരെന്തിനാ വന്നത് എന്നറിയാമോ………?"

" നമ്മളെ പിടിച്ചു കൊണ്ടു പോകാൻ . "

ഉത്തരം പെട്ടെന്ന് വന്നു…

"അല്ലാതെ സാറ്റ് കളിക്കാനല്ലല്ലോ… "

അഭിരാമി ചിരിച്ചു കൊണ്ട് അവന്റെ ചുമലിലേക്ക് വീണു…

" നിന്നെക്കൊണ്ട് ഞാൻ തോറ്റു………. "

" വലിയ ശബ്ദമുണ്ടാക്കണ്ട… "

അജയ് മുന്നറിയിപ്പ് കൊടുത്തതും പിടിച്ചു നിർത്തിയതു പോലെ അവളുടെ ചിരി നിന്നു…