Chapter Title : അത്രമേൽ സ്നേഹിക്കയാൽ 1 [Asuran]

ലെച്ചു വളരെ സന്തോഷത്തില്‍ ആയിരുന്നു.

“അജു എനിക്ക് ഒരു പുസ്തകം നോക്കാന്‍ ഉണ്ട്. നീ എന്റെ കൂടെ വാടാ.”

“നീ പോയി എടുത്തോ. ഞാന്‍ ഇവിടെ ഇതൊന്നു റെഫര്‍ ചെയ്ത് തീര്‍ക്കട്ടെ.”

“വാടാ.”എന്റെ മറുപടി കാത്ത് നില്‍ക്കാതെ അവള്‍ എന്റെ കൈ പിടിച്ചു വലിച്ചു കൊണ്ടു പോയി.

“ഏത് പുസ്തകം ആണ്.ഒന്ന്‍ വേഗം നോക്കി എടുക്ക്.” ഞാന്‍ എന്റെ അക്ഷമ മറച്ചു വെച്ചില്ല. പുസ്തകം എടുക്കുന്നതിനു പകരം അവള്‍ ചുറ്റും നോക്കി. ആരും ഇല്ല എന്ന് കണ്ടപ്പോള്‍ എന്നെ നെഞ്ചോട് ചേര്‍ത്ത് എന്റെ കവിളുകളില്‍ അവളുടെ ചുണ്ടുകള്‍ അമര്‍ന്നു. എനിക്ക് എന്റെ ജീവിതത്തില്‍ ലഭിച്ച ആദ്യചുംബനം.

“ഇത് എന്റെ അജുവിനു. എന്നെ മാത്സും ഗ്രാഫിക്സും പാസ്‌ ആക്കി തന്നതിന്.”

“എടോ മാത്സും ഗ്രാഫിക്സും മൂന്നു വിഷയങ്ങള്‍ അല്ലെ.ഇത് ഇപ്പോള്‍ ഒന്നല്ലേ ആയുള്ളൂ. ഫുള്‍ പാസിനു വേറെ വേണ്ടി വരും.”

“ഒന്ന്‍ പോ അജു. ഇപ്പോള്‍ ഇത്രയേ പറ്റുള്ളൂ.”

“തരിക ആണെങ്കില്‍ എനിക്ക് മുഴുവനും വേണം, അല്ലെങ്കില്‍ എനിക്ക് ഇതും വേണ്ട.” ഇതും പറഞ്ഞു ഞാന്‍ എന്റെ ചുണ്ട് അവളുടെ കവിളില്‍ അമര്‍ത്തി. എനിക്ക് എവിടെ നിന്നും ഇത്രയും ധൈര്യം വന്നു എന്ന് എനിക്ക് അറിയില്ല. പക്ഷെ ലെച്ചുവിന്റെ സാമീപ്യം എന്റെ ഉള്ളില്‍ ഉറങ്ങി കിടന്ന റൊമാന്റികിനെ ഉണര്‍ത്തുകയായിരുന്നു. അവിടെ നിന്നും മാറാന്‍ തുടങ്ങിയ ലെച്ചുവിനെ ഞാന്‍ തടഞ്ഞു.

“ദേ അജു കഷ്ടമുണ്ട് കേട്ടോ.ഞാന്‍ ഒന്ന്‍ പോട്ടെ.”

“എനിക്ക് തരാന്‍ ഉള്ളത് മുഴുവനും തന്നിട്ട് പോ. കടം എനിക്ക് ഇഷ്ടം അല്ല.”

“ഇങ്ങനെ ഒരു ഉമ്മകൊതിയന്‍.”

എന്റെ നിര്‍ബന്ധബുദ്ധിക്ക്