Chapter Title : അവൾ രുഗ്മിണി 9 [മന്ദന്‍ രാജാ]

"'' കാലിലെ ചോര തന്റെ ബനിയനൂരി തുടച്ചിട്ട് കുപ്പിയിൽ ബാക്കിയുണ്ടായിരുന്ന ചാരായം വായിലേക്ക് കമിഴ്ത്തി .

"''നീയെങ്ങോട്ടാ ..."'റഫീക്ക് തിണ്ണയിൽ നിന്നിറങ്ങി പുറത്തേ ഇരുട്ടിലേക്ക് നീങ്ങിയപ്പോൾ ജോജി അവന്റെ പുറകെ ചെന്നു .

"' പോയിട്ട് വരട്ടെ ജോജി .മൂത്രമൊഴിക്കക്കാനോ മറ്റോ ആവും "'' മനോജ് ജോജിയുടെ തോളിൽ പിടിച്ചു തടഞ്ഞിട്ട് വരാന്തയിൽ ഇരുന്നു .

"'നീ ഇതൊക്കെ കണ്ണടച്ച് വിശ്വസിക്കുവാണോ മനോജേ ..അവന്റെ നാടകമാണോയെന്നാർക്കറിയാം "''

"'അല്ല ജോജി ... ജമാലിക്കയുടെ ഈ താവളത്തിൽ പുറത്തു നിന്നൊരുത്തനും വരില്ല . റഫീക്ക് ജമാലിക്ക വെച്ച കത്തി വരെ എടുക്കണെമെങ്കിൽ അവനിവിടുത്തെ ഓരോയിഞ്ചും സൂക്ഷ്മമായറിയാം ""' രുഗ്മിണി കെടാറായ മെഴുകുതിരി മാറ്റി അടുത്തത് കത്തിച്ചു .

"'' ഇവിടെ പറ്റിയ ഒരു സ്ഥലം വേണം . മെയിൻ റോഡിനോട് ചേർന്ന് കുറെയധികം വണ്ടികൾ പാർക്ക് ചെയ്യാൻ പറ്റുന്നത് . പിന്നെ താല്കാലികമായൊരു കെട്ടിടം . . നഗരത്തിന്‌ അടുത്തുള്ള ഒരു മുപ്പത് കിലോമീറ്റർ ചുറ്റളവിൽ അത്യാവശ്യം മെച്ചപ്പെട്ട ടൗണിൽ ഓരോ ഷോപ്പുകൾ വേറെയും "'' റഫീഖ് തിരിച്ചു വന്ന് അവർക്കടുത്തു വന്നിരുന്നിട്ട് പറഞ്ഞു .

"'എന്തിന് ? എന്താവശ്യത്തിനുള്ള സ്ഥലം ?''''

"'മീൻ ഹോൾസെയിൽ ... ജെയ്‌മോൻ അങ്കിൾ പറഞ്ഞിട്ടാണ് . മനോജോ രുക്കുവോ ജെയ്‌മോൻ അങ്കിളോ ഇതിൽ ഇല്ല . ബാക്കിയുള്ളവർ . അയ്യർക്ക് മീൻ വിൽപ്പന പറ്റില്ലല്ലോ ?''റഫീഖ് ജോജിയുടെ പോക്കറ്റിൽ പൊങ്ങിയിരുന്ന സിഗരറ്റ് പാക്കറ്റിൽ നിന്നൊരെണ്ണം എടുത്തു മെഴുകുതിരിയിൽ കത്തിച്ചു ചുണ്ടിൽ വെച്ചു .

"'അതെന്നാ അയ്യര് മീൻ വിറ്റാൽ പൈസ കിട്ടില്ലേ ?''''

""'അതല്ല .. അയ്യർക്ക് മീനും ഇറച്ചിയും ...?'''

"'ജീവിക്കാൻ വേണ്ടിയെന്തും ചെയ്യും ..അതിനു ഞാൻ നേരായ മാർഗ്ഗം നോക്കാറില്ല . പക്ഷെ ഞാൻ ചെയ്യുന്നത് കൊണ്ട് സാധുക്കൾക്ക് ദോഷം വരരുതെന്ന് മാത്രം ,അതല്ലോ ഇവിടെ കാര്യം ..മീൻ ഹോൾസെയിൽ .. ജെയ്‌മോൻ സാറിനെന്താ ഭ്രാന്ത് പിടിച്ചോ ?'''

"'അയ്യരെ ...അങ്കിളൊന്നും കാണാതെ ഒന്നിനും തുനിഞ്ഞിറങ്ങില്ല ""രുഗ്മിണി പറഞ്ഞപ്പോൾ അയ്യർ മനോജിനെയും റഫീഖിനെയും മാറി മാറി നോക്കി .

"'അയ്യർ നിങ്ങടെ ആരാ ? .."'' റഫീഖ് മനോജിനെ നോക്കി അടുത്ത സിഗരറ്റും വെയിൽ വെച്ചു .

"'മനോജെന്റെ ദോസ്താ ..ദോസ്തിനെ വിശ്വസിക്കാൻ കൊള്ളാമോയെന്നാണ് അടുത്ത ചോദ്യമെങ്കിൽ ...."" അയ്യർ മെഴുകുതിരി എടുത്തു റഫീഖിന്റെ ചുണ്ടിലിരുന്ന സിഗററ്റിന് തീ കൊളുത്തി ...

"'