Chapter Title : അവള്‍ ശ്രീലക്ഷ്മി 1 [Devil With a Heart]

വർഷങ്ങൾ ആയി ഉള്ളിൽ ഉണ്ടായിരുന്ന അവളോടുള്ള,പ്രണയം പെട്ടെന്ന് പുറത്ത് കാട്ടിയ ഞാൻ എന്നെതന്നെ ഒരു പതിനായിരം തെറി മനസ്സിൽ വിളിച്ചു.. ഉള്ളിലെ അവളോടുള്ള സ്നേഹം മുഴുവനാ മുത്തത്തില്‍ ഉണ്ടായിരുന്നു എന്നുള്ളതൊരു പച്ചപരമാര്‍ത്ഥം ആയതിനാലും ..അതിനി ചുമ്മാ കൊടുത്തതാണെന്ന് പറഞ്ഞാലുമവൾ വിശ്വസിക്കില്ല..എന്ത് പറയും എന്ന് ഭ്രാന്ത് പിടിച്ച് ആലോചിച്ചുകൊണ്ടിരുന്നു..

അവൾ പെട്ടെന്ന് ഒന്നനങ്ങുന്നത് മാത്രം ഞാൻ കണ്ടു..കണ്ണുകൾ ഞാൻ മുറുക്കി അടച്ചു... ഠപ്പേ!!! എന്റെ കവിള് പുകഞ്ഞുപോയി..അവൾ എന്റെ കരണം പൊളിച്ചൊരെണ്ണം തന്നു...ആകെ കിളി പോയ അവസ്ഥ...

"തീർന്ന്!!എല്ലാം മൂഞ്ചിയട പോ പോയി ചത്തോ ഇഷ്ടം ഉണ്ടാർന്നേൽ മനസ്സിൽ വെച്ചാ പോരാർന്നോ..ഇനീപ്പോ അവള് അച്ഛനോടും അമ്മയോടും പറയും നിന്റെ അച്ഛനും അമ്മേം അറിയും ആകെനാശം ആവും.."എന്റെ സ്വന്തം മനസ്സ് മലരൻ എന്നെ കൊല്ലാതെ കൊന്നുകൊണ്ടിരുന്നു..

ഇങ്ങനെ ആകെ വിഷമം പിടിച്ചിരുന്ന എന്നെ പിടിച്ചുവെച്ചവൾ ലിപ്പ്ലോക്ക് ചെയ്തു..ഞാൻ ഞെട്ടി പണ്ടാരമടങ്ങിപോയി..ശ്വാസം എടുക്കാൻ പോലുമുള്ള ഗ്യാപ് എനിക്ക് കിട്ടാതെ വന്നപ്പോ അവളെന്‍റെ മുഖമൊന്ന് ചരിച്ചു പിടിച്ചു പതിയെചൂണ്ടുകൾ തമ്മിൽ നുണഞ്ഞു ഞാൻ അവളെ പതിയെ അകറ്റി അവളുടെയും എന്‍റെയും ഉമിനീര് ഒരംശം നാര് പോലെ ചുണ്ടുകളിൽ നീണ്ടു വന്നു..

രണ്ടുപേരും നെറ്റി മുട്ടിച്ച്..മൂക്കുകൾ തമ്മിൽ ചെറുതായി ഉരസാവുന്നത്ര അടുത്ത് എന്റെ കൈകൾ അവളുടെ പിൻകഴുത്തുകളെ പിടിച്ചുവെച്ചുകൊണ്ടിരുന്നു ..എന്റെ തലക്ക് പിന്നിലെ തലമുടിക്കിടയിലൂടെയവള്‍ തലോടികൊണ്ടിരുന്നു...രണ്ടുപേരുടെയും ചുണ്ടിൽ ഒരു ചെറിയ ചിരി പടർന്നു നിൽക്കുന്നുണ്ടായിരുന്നു..

"ഇപ്പഴാണോ ചെക്കാ നിനക്കിത് തോന്നിയേ..നിന്നിൽ നിന്ന് ഇത് അറിയണം എന്നൊരു ആഗ്രഹം മാത്രമേ എനിക്കുണ്ടായിരുന്നുള്ളൂ...അതും അവൻ കൊണ്ടോയി നശിപ്പിച്ചു പൊട്ടൻ!!!"

ആ പറഞ്ഞത് കേട്ട് അവളെ വിട്ട് മാറി അവളുടെ നേരെ ഇരുന്നു ഇവളെന്ത് തേങ്ങയ ഉദ്ദേശിച്ചത് എന്ന് മനസ്സിലാവാതെ നോക്കിയപ്പോ...

"എടാ പൊട്ടൻചങ്കരാ കിസ്സ് അടിക്കുമ്പോ അത് ചുണ്ടിൽ തരണം അല്ലാതെ കുഞ്ഞിപിള്ളേർക്ക് കൊടുക്കുമ്പോലെ കവിളിൽ ഇന്നാപിടിച്ചൊന്നും പറഞ്ഞ് കൊടുക്കാൻപാടില്ലാ...കേട്ടോ.."അവളെന്റെ ഒരു കവിളിൽ പിടിച്ച ആട്ടികൊണ്ടത് പറഞ്ഞു

"ആഹാ അത് കൊള്ളാം എങ്ങനെലും ഈ സാധനിത്തിനെ ഇഷ്ടം ഒന്ന് അറിയിക്കണോന്നെ എനിക്ക് ഉണ്ടായിരുന്നൊള്ളു....അതെല്ലാം പോട്ട് ഇനിയിപ്പോ ഞാൻ ഇഷ്ടം പറഞ്ഞാൽ തന്നെ നീ അതെങ്ങനെ എടുക്കും എന്നെനിക്ക് അറിയില്ലലോ…"