Chapter Title : അവൾക്കായ് [കുരുടി]

കനത്ത ശബ്ദം. "ഹലോ." "ഹലോ ആരാ എനിക്ക് മനസിലായില്ല." "ഞാൻ.........ഞാൻ പൂജ." എന്റെ ശബ്ദം എന്തിനാ വിറക്കുന്നത് എന്ന് എനിക്കുപോലും മനസിലായില്ല. "പൂജ!.......ഓഹ് പൂജ മനസിലായി പറയെടോ." "ഞാൻ ഒന്ന് താങ്ക്സ് പറയാനായി...." "എന്തിന് അതിലൊന്നും വലിയ കാര്യമില്ലഡോ, ഞാൻ അല്ലെങ്കിൽ മറ്റൊരാൾ അത് അത്രേ ഉള്ളു." വളരെ ഈസി ആയി അവൻ പറഞ്ഞു തീർത്തു. "എങ്കിലും എന്റെ വക താങ്ക്സ്." "ആയിക്കോട്ടെ വരവ് വെച്ചിരിക്കുന്നു." ഉള്ളിൽ ഒളിപ്പിച്ച കുസൃതി ചിരി. ഒരുപാട് സംസാരിക്കണം എന്നുണ്ടായിരുന്നു പക്ഷെ മനസ് മുഴുവൻ ബ്ലാങ്ക് ആയി പോയി. എന്തൊക്കെയോ കൂടി സംസാരിച്ചു ഫോൺ വെച്ചു. അന്ന് രാത്രി അവന്റെ ഉടുപ്പും കെട്ടിപ്പിടിച്ചു കിടന്നുറങ്ങുമ്പോൾ ഒരു നൂറു സ്വപ്‌നങ്ങൾ ഒപ്പം കൂട്ടിനുണ്ടായിരുന്നു. ***************************************** ഡേയ്‌സിയോടൊപ്പം പോയി അവന്റെ അനിയത്തിയെ കണ്ടുപിടിച്ചു പ്രാർത്ഥന അവനെ പോലെ തന്നെ ഒരു സുന്ദരിക്കുട്ടി അവളിൽ നിന്നും അവനെ കുറിച്ച് കൂടുതൽ അറിഞ്ഞു. ആള് സിംഗിൾ ആണ് എന്നറിഞ്ഞതോടെ അവിടെ കിടന്നു തുള്ളിച്ചാടനാണ് തോന്നിയത്. പിന്നെ ഇടയ്ക്ക് ഞാൻ അവനെ വിളിക്കും അധികം നേരം ഒന്നും ആളു സംസാരിക്കാറില്ല പക്ഷെ പറയാനുള്ളത് കുറച്ചു വാക്കുകളിൽ മുഴുവൻ വ്യാപ്തിയോടെ പറയും.

ഉള്ളിൽ തോന്നിയ ഇഷ്ടം പറയാൻ ചെറിയ ചമ്മൽ ആയിരുന്നു ചമ്മലിനപ്പുറം അവനു എന്നെ ഇഷ്ടമല്ലെങ്കിലോ എന്ന പേടിയാണ് അലട്ടിയിരുന്നത്. ചെറിയ ഫോൺ വിളികളും ചാറ്റുമൊക്കെയായി അങ്ങനെ പോയിക്കൊണ്ടിരുന്നു. കോളേജിലും ഇപ്പോൾ അത്ര വലിയ പ്രേശ്നമൊന്നുമില്ല എല്ലാവരും അത് മറന്നു തുടങ്ങിയിരുന്നു ഞാൻ പോലും. ഇതിനിടയിൽ രാഹുൽ എന്നോട് വന്നു സോറി പറഞ്ഞു എനിക്കുപോലും അത്ഭുതം തോന്നി. അവൻ അന്നുള്ള സംഭവത്തിന് ശേഷം എന്തോ ആക്സിഡന്റ് പറ്റി മൂന്ന് ദിവസം കഴിഞ്ഞാണ് ക്ലാസ്സിൽ വന്നത്. എന്നെ നോവിച്ചതിലുള്ള ശിക്ഷ കിട്ടിയതാണെന്നാണ് ഡെയ്സി പറയുന്നത്. ആഹ് എന്തേലും ആവട്ടെന്നു ഞാനും വെച്ചു. ************************************************* ഇന്ന് അച്ഛനും അമ്മയും ഡേയ്‌സിയും കൂടി ത്രിലോകിന്റെ വീട്ടിൽ സംസാരിക്കാൻ പോയിരിക്കുവാണ് എന്റെ കാര്യം. ഇത്ര പെട്ടെന്ന് ഇങ്ങനെ ആലോചിക്കാൻ കാരണം ഡെയ്സി ആണ്, അങ്ങേർക്കു കല്യാണം ആലോചിച്ചു തുടങ്ങി എന്നറിഞ്ഞപ്പോൾ മുതൽ ഡെയ്സി എനിക്കിരിക്കപ്പൊറുതി തന്നിട്ടില്ല